ramarasam

இப்பிறவியிலே இன்ப வாழ்வு வாழலாம்

2012-02-12T17:38:00.000-08:00

பெறுதர்க்கரிய மனித பிறவியை

பெற்ற பின் அதை வீணடிக்கலாமா?

பெறுதர்க்கரிய மனித பிறவியை பெற்றும்

அதன் மகிமையை உணராமல் மனிதர்கள்

விலங்குகள்போல் வாழ்க்கையை

ஒட்டிகொண்டிருக்கின்றனரே ,அவர்களின்

அறியாமையை என்னவென்று சொல்வது?

உண்பதற்க்காகவும் உறவு கொள்வதற்காகவும்

உலகில் நிலையில்லாத உயிரற்ற

பொருட்கள் மீது மோகம் கொண்டு

ஆயுளில் தூங்கும் நேரம் போக விழித்திருக்கும் நேரம்

முழுவதும் வீணடிக்கும் செயலை என்னவென்று

சொல்வது ?

மனதில் ஆசை கொண்டு புலன்களின் வழியே மனதை

செலுத்தி வாழ்நாள் முழுவதும் இன்ப துன்பங்களில்

சிக்கிக்கொண்டு வேதனைப்படவா இந்த பிறவி

நமக்கு இறைவனால் அளிக்கப்பட்டது

என்பதை ஒரு கணம் சிந்திப்பீர்

கணத்திற்கு கணம் மாறும் மனதினால் எப்படி

நிலையான இன்பத்தை அடையமுடியும் என்பதை

தயவு செய்து மனிதர்கள் சிந்தித்து பார்த்தார்களேயானால்

தங்கள் செய்யும் செயல் எவ்வளவு மூடத்தனமானது

என்பதை உணர முடியும்

உண்மையான, நிலையான என்றும்,

எப்போதும் மாறாத இன்பம்

நம்முடைய ஆன்மாவில் உள்ளது என்பதை

இனியாவது நினைவில் கொண்டு அந்த

இன்பத்தை அடைய இக்கணத்திலிருந்து

முயற்சி செய்யுங்கள்

மரணம் நம்மை எந்த நொடியிலும் ஆட்கொன்றுவிடும்

எனவேஇறைவன் நம்மை ஆட்கொள்ள அவன்

நாமத்தை இடைவிடாது மனதில் உச்சரித்துக்கொண்டே

இந்த உலக பணியில் ஈடுபடுங்கள்

மனதில் இறைவன் புகுந்துகொண்டால்

உலக ஆசைகள் தானே வெளியே சென்று விடும்

இப்பிறவியிலே இன்ப வாழ்வு வாழலாம்

இறைவனை நோக்கி தவம் செய்யுங்கள்

2012-02-10T18:13:00.000-08:00

தவம் செய்யுங்கள்

ஆனால் வரம் கேட்காதீர்கள்

இறைவனை நோக்கி தவம் செய்யுங்கள்

ஆனால் அவனிடம் எந்த வரமும் கேட்காதீர்கள்

ஏனென்றால் நமக்கு எந்த பொருளை பற்றியும்

முழுமையான அறிவு கிடையாது

நம்முடைய அறிவெல்லாம் புலன்கள்

காட்டும் வழியை பொறுத்தது

புலன்கள் வெறும் கருவிகளே

அவைகள் அவைகள் காணும்

காட்சி அல்லது உணர்வுகளின்

அடிப்படையில் முடிவுகளை நமக்கு

அறிவிக்கின்றன

புராண கதைகளை உற்று நோக்கினால்

சில உண்மைகள் புலப்படும்

ராமாயணத்தில் தசரதன் தனக்கு

குழந்தை வரம் வேண்டும் என்று இறைவனை

வேண்டி யாகம் செய்தான்

ஆனால் புதல்வர்களால் அவனுக்கு

பெருமை உண்டானாலும்

அவன் புத்திர சோகத்தில்

ஆழ்ந்து ராமனை பிரிந்து

அந்த சோகத்திலேயே

அவன் உயிரை விட நேர்ந்தது

கும்பகர்ணன் தவம் செய்து நிலையாக இருக்க

வரம் கேட்க நினைத்து தூக்க நிலையில்

என்றும் ஆழ்ந்து கிடக்கும் வரம் பெற்று தன் வாழ்வில்

பெரும்பகுதி தூக்கத்தில் கழித்து முடிவில்

தன் சகோதரனுக்காக வீணே போரிட்டு மாண்டான்

ஹிரண்யகசிபு பிரம்மாவிடம் மரணம் வாராமல்

இருக்க வரம் கேடடு பெற்று

முடிவில் அதனால் அகந்தை மேலிட தன்னையே

கடவுளாக வழிபடவேண்டும் என்று அனைவரையும்

துன்புறுத்தி முடிவில் தன் மகன் மூலமாகவே

இறைவன் கையில் சிக்கி மாண்டான்

எனவே நம்மை படைத்த இறைவனுக்கு நமக்கு

என்ன தரவேண்டும், எப்போது தரவேண்டும் என்பது

அவனுக்கு நன்றாக தெரியும்

எனவே அவன் அருளை மட்டும்

நாம் வேண்டி பெற முயற்சி செய்ய வேண்டும்

மற்றவைகளை அவன் விருப்பத்திற்கு விட்டு விட்டால்

அனைத்தும் நன்றாக நடைபெறும்

நம் வாழ்வில் ஏமாற்றங்கள் ஏற்படாது .

அதனால் நம் மகிழ்ச்சி என்றும்

குறைவுபடாது வாழலாம்

தாய் தந்தை உறவுகள் கசக்க காரணம் என்ன ?

2012-02-06T22:37:00.001-08:00

பணம்தான் இன்றைய கால கட்டத்தின்

மனிதர்களின் வாழ்க்கை இலக்கு

அதற்காகத்தான் கல்வி கற்கிறார்கள்

அதற்காக பெற்றோர்ர்களும்

மற்றோர்களும் தங்கள் குழந்தைகளுக்கு

வாழ்நாளில் பெரும்பகுதி தங்களை

சுகங்களையும்,வாழ்வையும் இழக்கிறார்கள்

பெற்றோர்களின் உதிரத்திலிருந்து பிறந்த குழந்தைகள்

அவர்களில் வியர்வையை தங்களுக்கு

உரமாக்கி வளந்த குழந்தைகள் இன்று காட்டும்

நன்றிகடன் என்ன தெரியுமா?

தங்களை வளர்த்தவர்களை அப்படியே

விட்டுவிட்டு வெளிநாடுகளுக்கு பணம்

சம்பாதிக்க சென்றுவிடுகிறார்கள்

பெற்றோர்கள் நோய்வாய்பட்டாலும்

வந்து அருகில் கவனிப்பதில்லை

தனிமையில் தவிக்கும் அவர்களின் இறுதி

நாட்களில் அவர்களை மதிப்பதும் இல்லை

பலர் பெற்றோர்களை முதியோர் இல்லத்தில்

தள்ளிவிட்டுவிடுகின்றனர்

பலர் பெற்றோர்களை அனாதையாக

விட்டு விடுகின்றனர்

சிலர் அவர்கள் பெறும் அரசு பென்ஷன்

காசுக்காக ஆதரிப்பதுபோல்நடிக்கின்றனர்

இப்படி முக்கியமாக தாய் தந்தை உறவுகள்

கசக்க காரணம் என்ன ?

பெற்றோர்களும் ஒருவகையில் காரணமாக

இருப்பதுதான்

அவர்கள் குழந்தைகளை இயந்திர கதியில் வளர்ப்பதும்

அவர்களுக்கு உண்மையான அன்பை போதிக்காதும்தாம்

பல பெற்றோர்கள் தங்கள் குழந்தைகளை ஒழுக்கமாக

இருக்க போதித்து அதற்காக அவர்களை பலவகையில்

துன்புறுத்தி அவர்கள் மட்டும் பலவகைகளில் ஒழுங்கீனமான

வாழ்க்கை நடத்தியதும்தான்

மாத பிதா குரு தெய்வம் என்ற வரிசையில் வைத்து

போற்றி வணங்க வேண்டிய பெற்றோர்கள்

இன்று மனம் வெதும்பி துன்புறுவதர்க்கு காரணம்

அவர்கள் தங்கள் குழந்தைகளை பணத்தை எப்படி

சம்பாதிப்பது என்றும் எப்படி வளமாக வாழ்வது என்று

அவர்களை உருவாக்கியிருக்கிரார்களே தவிர

அன்பு, பண்பு பாசம், நேர்மை,இரக்கம்,இறை பக்தி,

போன்றவற்றையும் ஊட்டி வளர்த்திருந்தார்களேயானால்

இன்று இதுபோல் அல்லல்பட வேண்டிய

நிலை அவர்களுக்கு வந்திருக்காது

மனிதர்களே ஏன் கவலைபடுகிறீர்கள்?

2012-02-05T17:15:00.000-08:00

மனிதர்களே ஏன் கவலைபடுகிறீர்கள்?

கவலைபடுவதால் என்ன நன்மை ?

கவலைப்படுதலே கடு நரகம் என்றான் மகா கவி பாரதி

மேலும் சொன்னான் நெஞ்சில் தினமும் கவலை பயிராக்கி
அஞ்சி வாழ்தல் அறியாமை என்று மேலும் இடித்துரைத்தான்

மனிதர்கள் கவலைபடுவதற்கு காரணங்கள் பல கோடி

அவற்றில் பல அர்த்தமற்றவை ஆதாரமற்றவை

இவை எல்லாவற்றிற்கும்மூல காரணம்

மனம்தான்

அதுவும் மனதில் எழும் எதிர்மறை எண்ணங்கள்

எதற்கெடுத்தாலும் தவறான

முன்னுதாரணங்களை

மனதில் கொண்டு

அதையே சிந்தித்து

ஒன்றுக்கும் உருப்படாமல்

போய் தன்னை தானே

தானே புயல்போல்

அழித்து கொள்வது

வாழ்க்கை என்றால் பிரச்சினைகள்

இருக்கத்தான் செய்யும்

அதை எப்படி எதிர்கொள்வது

என்ற வழியை கற்றுக்கொள்ளவேண்டும்

தோல்விகள் வாழ்வில் நேரத்தான் செய்யும்

.சிலநேரம் தொடர்ந்து

தோல்விகள் நம்மை தாக்கத்தான் செய்யும் .

ஆனால் தோல்விக்கான காரணங்களை

கண்டுகொண்டு அதை

நிவர்த்தி செய்வதின்மூலம்

வெற்றிக்கனியை பறிக்க முடியும்

ஆனால் நடப்பது என்ன?

சிறிய தோல்வியைக்கூட

ஏற்றுகொள்ளும் மனப்பக்குவம்

இந்த காலத்தில் பெரும்பாலோனாருக்கு
இருப்பதில்லை

தன்னுடைய முயற்சி குறைபாடுகளை

மறைக்க பிறர் மீது

சேற்றை வாரி இறைக்கின்றனர்

பிறர் மீது குற்றம் சுமத்துகின்றனர்

தன் தோல்வியை வெற்றியாக மாற்ற

முயற்சி செய்யாமல் தங்கள் சக்தி முழுவதையும்

பிறரை பழி வாங்கவும், அழிப்பதற்கும்

தன் வாழ்நாளையே வீணாக்குகின்றனர்.

இப்படிப்பட்ட மனிதர்கள் திருந்தவேண்டும்

இல்லையேல் இவர்கள் வாழ்வில் என்றும் வசந்தம் வராது

மாறாக இவர்கள் செல்லும் திசைகள் எல்லாம்

வசைகள்தான் இவர்கள் காணபோகும் காட்சிகளாக இருக்கும்

எனவே எதற்கும் கவலைப்படுவதை விட்டு

இறைவன் மீது நம்பிக்கை வைத்து

அவனிடம் நல்லவை நடக்க பிரார்த்தனை

செய்து நேர்மையான வழியில் முயற்சி செய்தால்

கவலைகள் நம்மை விட்டு ஓடிவிடும்

சிந்தனையில் தெளிவு பிறக்கும்

தெளிவான மனதில் சக்தி பிறக்கும்

வெற்றி எளிதில் வசப்படும்.

மரணம் என்ற சொல்லை உச்சரிக்கவே மனிதர்கள் பயப்படுகிறார்கள்

2012-02-03T18:34:00.001-08:00

மரணம் .இந்த சொல்லை
கேட்டாலே மனித குலம்

பதறுகிறது. அது ஏன்?

மரணம் என்ற சொல்லை

உச்சரிக்கவே மனிதர்கள்

பயப்படுகிறார்கள்

மரணத்தின் தருவாயில்

ஒருவர் இருக்கின்றார்

என்றவுடன் மக்களின்

முகத்தில் சோகம்

கவ்விகொள்கிறது

உடனே குடும்பத்தில் ஏற்கெனவே இறந்தவர்களை பற்றி ஒரு பட்டிமன்றமே நடத்த துவங்கிவிடுகிறார்கள்
சிலர் துக்கம் தாங்காமல் புலம்புவதும்,மற்றவர்கள் ஏதாவது சொல்ல போகிறார்களே என்று நினைத்து அழுவதுபோல் நடித்து அவர்களின் துக்கத்தை வெளிக்காட்டுகிறார்கள்
சிலர் ஓஹோகோவேன்று கூச்சலிட்டு ஊரை கூட்டுகிறார்கள்
சிலர் மௌனமாகிவிடுகிரார்கள்

சிலர் அதிர்ச்சியிலிருந்து வெகு காலம் மீள்வதேயில்லை

சிலருக்கு அப்போதுதான் தத்துவ முத்துக்கள் உதிர்கின்றன
இந்நிலை மக்களுக்கு என் வருகிறது?

விலங்குகள் என்றும் மரணத்தை
பற்றி நினைப்பதும் கிடையாது

கவலைப்படுவதும் கிடையாது

அவைகளும் பிறக்கின்றன,வாழ்ந்து மடிகின்றன

உண்மையில் பிறந்தது அனைத்தும்
ஒருநாள் மடிவது என்பது

இயற்கையின் நியதி. இதை யாராலும்
மாற்றவோ மறுக்கவோ முடியாது

இது அனைவருக்கும் தெரியும்
இருந்தாலும் மக்கள் மரணத்தை கண்டு

பயப்படுவது ஏன்?

மனிதனை மரணம் ஒவ்வொரு
நொடியும் தொடர்ந்துகொண்டே இருக்கிறது.

அதை யாரும் உணர்வதில்லை
.பூனை தன் கண்ணை மூடிகொண்டால்

பூலோகம் இருண்டு போகுமாம்.
அதைபோல்தான் இதுவும்.

தவிர்க்க முடியாத இந்த நிகழ்விற்கு

பயப்படவேண்டியதில்லை என்று

பகவத் கீதையில் பகவான்
ஆணித்தரமாக உரைத்திருக்கிறான்

கீதையை தினமும் படிப்பவர்கள் கூட மரணத்தை கண்டு அஞ்சுகின்றனர்

பல சித்தர்களும், ஞானிகளும், யோகிகளும் மரணத்தை

எவ்வாறு வெல்வது என்று வாழ்ந்து காட்டி மரணமிலா பெருவாழ்வு பெற்று மனித குலத்திற்கு இன்றும் வழி காட்டி கொண்டிருக்கின்றனர்
.

மரணம் என்பது துன்பப்படும் மனிதகுலத்திற்கு
இறைவன் அளித்த வரப்ரசாதம்
.

நைந்து போன உடலை அழித்துவிட்டு
மீண்டும் நமது எண்ணங்களை நிறைவேற்றிகொள்ள,
ஞானம் பெற்று இறைவனோடு கலக்க மீண்டும்
புதிய உடலை நமக்கு அளிக்க
இறைவன் நமக்கு அளித்த வாய்ப்பு

உடலையும் மனதையும் அதன்மூலம் உலகத்தையும் ஒரு பார்வையாளனாக பார்க்கின்றவனுக்கு
மரணம் எந்த மாற்றத்தையும் ஏற்படுவதில்லை

விழிப்போடு இருப்பவனை மரணம்
என்றும் வெற்றிகொள்ள முடியாது

உறங்குபவனைதான் மரணம் ஆட்கொள்ளும்

அதனால்தான் வள்ளல்பெருமான் விழித்திரு என்றார்

விழித்திருப்போம் மரணத்தை வெல்வோம்.

கடவுளை நம்பினால்

2012-02-01T02:42:00.001-08:00

பிற உயிர்க்கு கேடு விளைவித்தால் பாவம்

நன்மை செய்தால் விளைவது புண்ணியம்

இரு தரப்பட்ட வினைகளால் விளையும்

இன்ப துன்பங்களை அனுபவித்து தீர்க்கவே

இந்த மனித பிறவி

இதை யாராலும் தவிர்க்க முடியாது

ஒரே மனம்தான் இன்பத்தையும்

துன்பத்தையும் அனுபவிக்கிறது

ஒரே செயல் ஒருவருக்கு துன்பமாகவும்

மற்றவர்க்கு இன்பமாகவும் தோற்றமளிக்கிறது

உண்மையில் துன்பம் என்றோ இன்பம்

என்றோ உலகில் ஏதும் இல்லை

நடுநிலையில் மனதை வைத்து பார்த்தால்

இந்த உண்மை விளங்கும்

இதற்க்கு தெளிவான சிந்தனை வேண்டும்

எந்த பிரச்சினையையும் உணர்ச்சி வசப்படும்போது

அணுகினால் தீர்வு பிறக்காது

கடவுளை வணங்கிவிட்டால் மட்டும்

நம் பிரசினைகள் தீர்ந்துவிடுமா?

சிலவற்றை இதயம் கொண்டு அணுகவேண்டும்

சிலவற்றை அறிவுபூர்வமாக தீர்வு காண வேண்டும்

சிலவற்றை இறைவனிடம் விட்டுவிடவேண்டும்

இதில் தடம் மாறுவதால்தான் இன்று உலகில்

அனைத்தும் தீர்க்க முடியாதபிரச்சினைகளாக மாறி

உலகில் மக்கள் பலவிதமான சிக்கல்களில்

மாட்டிகொண்டு அமைதியில்லாமல் தவிக்கின்றனர்

கணத்திற்கு கணம் குணம் மாறும்

மனிதர்களை நம்புவதை விட

குணக்குன்றான கடவுளை நம்பினால்

நிச்சயம் நல்ல தீர்வு அமையும்

கடவுளை நம்பினால்

2012-02-01T02:40:00.000-08:00

பிற உயிர்க்கு கேடு விளைவித்தால் பாவம்

நன்மை செய்தால் விளைவது புண்ணியம்

இரு தரப்பட்ட வினைகளால் விளையும்

இன்ப துன்பங்களை அனுபவித்து தீர்க்கவே

இந்த மனித பிறவி

இதை யாராலும் தவிர்க்க முடியாது

ஒரே மனம்தான் இன்பத்தையும்

துன்பத்தையும் அனுபவிக்கிறது

ஒரே செயல் ஒருவருக்கு துன்பமாகவும்

மற்றவர்க்கு இன்பமாகவும் தோற்றமளிக்கிறது

உண்மையில் துன்பம் என்றோ இன்பம்

என்றோ உலகில் ஏதும் இல்லை

நடுநிலையில் மனதை வைத்து பார்த்தால்

இந்த உண்மை விளங்கும்

இதற்க்கு தெளிவான சிந்தனை வேண்டும்

எந்த பிரச்சினையையும் உணர்ச்சி வசப்படும்போது

அணுகினால் தீர்வு பிறக்காது

கடவுளை வணங்கிவிட்டால் மட்டும்

நம் பிரசினைகள் தீர்ந்துவிடுமா?

சிலவற்றை இதயம் கொண்டு அணுகவேண்டும்

சிலவற்றை அறிவுபூர்வமாக தீர்வு காண வேண்டும்

சிலவற்றை இறைவனிடம் விட்டுவிடவேண்டும்

இதில் தடம் மாறுவதால்தான் இன்று உலகில்

அனைத்தும் தீர்க்க முடியாதபிரச்சினைகளாக மாறி

உலகில் மக்கள் பலவிதமான சிக்கல்களில்

மாட்டிகொண்டு அமைதியில்லாமல் தவிக்கின்றனர்

கணத்திற்கு கணம் குணம் மாறும்

மனிதர்களை நம்புவதை விட

குணக்குன்றான கடவுளை நம்பினால்

நிச்சயம் நல்ல தீர்வு அமையும்.

தர்மம் என்ற உயர்ந்த பண்பு

2012-01-28T22:53:00.001-08:00

தர்மம் என்ற உயர்ந்த பண்பு

அனைவராலும் கடைபிடிக்கபடவேண்டும்

இந்த உயரிய பண்பைவாழ்வின் எந்நிலையிலும்

கடைபிடிப்பவர்கள் வெகு சிலரே

படித்தவர்களுக்கும்,பாமரர்களுக்கும்,

ஏழைக்கும்,பணக்காரர்களுக்கும்

கடைபிடிக்கவேண்டிய தர்மம் ஒன்றே

ஆனால் வாழ்வில் இல்லறத்தில் ஈடுபட்டவர்களுக்கும்,

துறவு வாழ்க்கையை நாடுபவர்களுக்கும் என தனியாக

தர்மங்கள் உண்டு .

அதே போல் ஒவ்வொரு தொழிலில் ஈடுபடுவோருக்கும்

தனி தனியாக கடைபிடிக்கவேண்டிய தர்மங்களை

சாஸ்திரங்கள் வரையறுத்து வைத்துள்ளன

முக்கியமாக நேர்மையும் நாணயமும் கடைபிடிக்கவேண்டியவை

அவைகளை முறையாக கடைபிடிப்பவர்கள் தாங்களும்

நன்மை பெறுவதுடன் இந்த உலகமும் நன்றாக வாழ உதவுகின்றனர்

ஆனால் எந்த தர்மத்தையும் கடைபிடிக்காமல் பலர் இன்று

தன் மனம் போன போக்கில் அதர்மத்தை தன் உயிர்மூச்சாக கடைபிடித்து

தாங்களும் அழிவு பாதையில் செல்வதுடன் இந்த சமூகத்தை

துன்பத்திற்கு உள்ளாக்கி மகிழ்கின்றனர்.

எது எப்படி இருந்தாலும் பொதுவான

சில தர்மங்களை அனைவரும்

வாழ்வில் கடைபிடித்தால்

வாழ்வு வளமாக இருக்கும்

பசித்தோருக்கு உணவிடுதல்,துன்புற்றோர்க்கு உதவி செய்தல்,

பிறரிடம் அன்பு காட்டி இனிமையாக பழகுதல்,மறந்தும் பிறருக்கு கேடு

நினையாமல் இருத்தல் ,தெய்வத்தை இகழாமல் போற்றி வணங்குதல்

தாய் தந்தையரை பேணுதல்,ஒழுக்கமாக வாழ்க்கை நடத்துதல்

,தீமை பயக்கும் செயல்களை செய்ய அஞ்சுதல் ,

பிற உயிர்களுக்கு துன்பம் விளைவிக்காதிருத்தல் ,

போன்ற நற்பண்புகள் அனைவராலும்

கடைபிடிக்கபடவேண்டியவை.

ஆன்ம பலம் முன்பு ஆயுத பலம் தோற்றுவிடும்

2012-01-27T01:23:00.000-08:00

ஆன்ம பலம் முன்பு

ஆயுத பலம் தோற்றுவிடும்

இரண்டாம் உலக போரில்

ஆயுத பலம் கொண்டு உலகை நாசம்

செய்த பல சர்வாதிகாரிகள் மண்ணோடு

மண்ணாக போனதை மனித குலம்

மறக்க முடியாது

காந்தி மகானின் ஆன்ம பலம் முன்பு

வெள்ளையரின் ஆயுத பலம்

தோற்றத்தை வரலாறு அறியும்

காந்தியின் வழியில் சென்ற

தேச பக்தர்களைத்தான்

வெள்ளையர்கள் தாக்கி

சிறையில் அடைத்தனரே

தவிர காந்திஜியை

ஒன்றும் செய்ய இயலவில்லை

மக்களின் கோபத்தை கட்டுபடுத்த காந்திஜியின்

உண்ணாவிரத போராட்டத்தின் மூலம் முடிந்தது

ஏனென்றால் அவர் என்றும் பிரச்சினைகளை கண்டோ

மரணத்தைகண்டோ பயந்து எங்கும் ஓடி ஒளியவில்லை

அனைத்தும் இறைவன் ஆணைப்படிதான்

இவ்வுலகில் நடைபெறும் என்பதை

முழுமையாக நம்பியதுதான்

அதற்க்கு காரணம்.

அவர் தனக்காக வாழவில்லை.

நாம் நாடு அந்நிய ஆதிக்கத்திலிருந்து

விடுபட்டு மக்கள் நன்றாக வாழ வேண்டும்

என்று மனபூர்வமாக பாடுபட்டார்

இன்றைய அரசியல்வாதிகள் போல்

மக்களுக்கு சேவை செய்வதாக

நடித்து மக்களை ஏமாற்ற வில்லை

அனைத்து மத மக்களையும்

பிராத்தனை மூலம் ஒன்றிணைத்து

இந்த வெற்றியை அவர் நிகழ்த்தி காட்டினார்

ஆனால் இன்று நாட்டை ஆளுபவர்கள் வெள்ளையர்கள்

கடைபிடித்த பிரித்தாளும் சூழ்ச்சியையே கையாண்டு

மக்களிடையே விரோத போக்கை உண்டாகி

காந்திஜி கனவு கண்ட ராம ராச்சியத்தை

நடைமுறைபடுத்த தவறிவிட்டனர்.

மற்றும் சமூக அமைதிக்கும் பங்கம் விளைவிக்கும்

செயல்களையே செய்து வருகின்றனர்

நல்லொதொரு வாழ்க்கை நம் மக்களுக்கு அமைய

காந்திஜி கடைபிடித்து தந்த பாதையையும்

பிரார்த்தனையும் மக்கள் அனுசரிக்க வேண்டும்

மனம் வெளுக்க ராம நாமத்தையும்

வாழ்வு சிறக்க கீதை காட்டும் பலன்

எதிர்பாராது கடமையாற்றும் பண்பையும்

அந்த இறைவன்தான்

நமக்களிக்கவேண்டும்

இறைவன் படைத்த எதுவும் அழிவதில்லை

2012-01-26T17:02:00.000-08:00

பரம்பொருளிளிருந்துதான்

அனைத்தும் வந்தன

பிரளய காலத்தில் அனைத்தும்

அதிலேயே அணுவாக மாறி

ஒடுங்கிவிடும்

அது எப்போது நடைபெறும்

என்று யாருக்கும் தெரியாது

அதை அறியாத மூடர்கள் 2012 ஆம் ஆண்டு

உலகம் அழிந்துவிடும் என்று

புருடா விட்டுக்கொண்டு

மக்களை குழப்பி கொண்டிருக்கிறார்கள்

அவர்கள் வாழ்வே இவ்வுலகில்

நிலையில்லாமல் இருக்கும் நிலையை

அறியா மூடர்கள்

கல்லை சிலையாக மாற்றுபவனும்

அதே சிலையை கல்லாக மாற்றுபவனும்

அந்த இறைவனே

கல்லை மலைபோல்

அசையாமல் நிறுத்தி வைப்பவனும்

கல்லையே காற்றில் பறக்க

வைப்பவனும் அவனே

மனிதனின் சக்தியால்

இந்த உலகத்தை மாற்றிவிடலாம்

என்று மூடர்கள் நினைக்கிறார்கள்

அந்த சக்தியை மனிதனுக்கு அளித்ததும்

அந்த இறைவன்தான் என்பதை

மனிதர்கள் மறந்துவிடுகிறார்கள்

இறைவனின் துணையின்றி எந்த

செயலும் முற்றுபெறுவதில்லை

பிறரின் வாழ்க்கையை சுரண்டி

ஆடம்பரமாக வாழ்ந்த அரசர்கள்,

சர்வாதிகாரிகளின் பரிதாபகரமான

முடிவுக்கு ஆளான நிலையை

ஒரு கணம் சிந்தித்து

பார்போருக்கு உண்மை விளங்கும்

அதர்மம் பெருகும்போதுதான்

இயற்கை சீற்றங்கள் வருகின்றன

மனிதர்களை திருத்த வரும்

அந்த நிகழ்வுகளை எதிர்த்து மனித

குலம் ஒன்றும் செய்ய முடியாது

இறைவனை குற்றம் சொல்வதை விடுத்து

இனியாவது தர்மத்தின்படி வாழ்வை

அமைத்துகொண்டால் நன்மை விளையும்

இல்லாவிடில் அடி விழத்தான் செய்யும்

அதை தடுக்க முடியாது

இனியாவது ஆதிக்க போக்கும்

பொய்யும் சுயநலமும்

ஒழியட்டும் .இவ்வுலக மக்கள்

ஒருவரோடு ஒருவர் அனைத்து

வேறுபாடுகளையும்

மறந்து அன்பினால் இணையட்டும்

இறைவன் படைத்த எதுவும் அழிவதில்லை

அணுக்களின் கூட்டமாய் விளங்கும்

எந்த பொருளும் ஒரு வடிவத்தை

எடுத்து கொள்ளுகிறது

அந்த வடிவம் சிதைந்ததும்

அது வேறொரு

வடிவத்திற்கு மாறுகிறது

இதுதான் உண்மை

மாற்றம் என்பது இறைவன் வகுத்த விதி

அதை மாற்ற எந்த கொம்பனாலும் முடியாது.

எனவே இந்த குழப்பங்களுக்கெல்லாம்

மனதில் இடம் கொடாமல் நம் கடமைகளை

ஒழுங்காக செய்து, ஒழுக்கமாக வாழ்ந்து

பிறருக்கு துரோகம் செய்யாமல்

அனைவர் மீதும் அன்பு செய்து நம்மை

படைத்த இறைவனை நினைந்து கொண்டு

வாழ்ந்தால் இவ்வுலக வாழ்க்கையும்

ரசிக்கும் .அதற்கு பிறகும் இனிக்கும்

மோகத்தை கொன்றுவிடு அல்லால் என் மூச்சை நிறுத்தி விடு என்றான் பாரதி

2012-01-26T00:02:00.000-08:00

மோகத்தை கொன்றுவிடு

அல்லால் என் மூச்சை நிறுத்தி விடு

என்றான் பாரதி

மோகம் முப்பதுநாள்

ஆசை அறுபது நாள் என்பது பழமொழி

ஆனால் இன்றைய உலகில்

பிறக்கும்போது தங்கத்தின் மீது

தொடங்கிய மோகம்

இறக்கும்வரை முடிவதில்லை

ஆசைகளும் அப்படியே

முக்கியமாக தங்கத்தின் மீதான

மோகம் குழந்தை பிறந்தவுடன்

பெயர் சூட்டும் விழா அன்று கழுத்தில்

தங்க சங்கிலி,கையிலும் காலிலும் தங்க காப்பு

என உடலில் தவழ ஆரம்பித்துவிடுகிறது

இப்படியாக தங்கத்தின் மீதான மோகம்

நாளொரு மேனியும் பொழுதொரு வண்ணமுமாக

வளர்ந்து கொண்டே போகிறது

அதேபோல் அதன் விலையும்

பலநூறு மடங்கு உயர்ந்துவிட்டது

நகை அணியாதவர்கள் கூட

தங்கள் எதிர்கால பாதுகாப்பிற்கு

என தங்க காசுகளை வாங்கி சேர்க்கின்றனர்

ஆனால் தங்கம் உண்மையிலேயே

மனிதர்களுக்கு அழகு சேர்க்கிறதா

அல்லது பாதுகாப்பு அளிக்கிறதா

என்பது கேள்விக்குறியே

முக்கியமாக சமீப காலங்களில்

தங்க நகைகளை குறிவைத்து செயின்

திருடர்களும்,வீட்டில் தனியாக இருக்கும்,

வயதானவர்கள்,பெண்கள், குழந்தைகள்
ஆகியோரும் தாக்கபடுவதும் கொடூரமாக
கொலை செய்யப்படுவதும்

அன்றாட நிகழ்வுகளாக மாறிவிட்டன

வீட்டை பூட்டி சென்றால் வீட்டில் உள்ள

அனைத்து நகைகளும் கொள்ளையிடப்படுவது

வாடிக்கையான செயலாகிவிட்டது

உலகத்தில் திருடர்கள் சரிபாதி என்றான்

ஒரு கவிஞன்

அந்த திருடர்களுக்கு மிக சுலபமாக

பிழைக்க வழி காட்டுகிறது தங்கத்தின் மீது

மக்கள் கொண்டுள்ள மோகம்

இவைகளை கண்ணுற்ற பின்பும் பெண்களும்

வயதானவர்களும் தங்கத்தின் மீது

மோகம் கொண்டு அலைவது

அவர்கள் உயிருக்கு உலை வைக்கும் செயல் என்பதை

ஏன்தான் உணராது இருக்கின்றனர் என்று புரியவில்லை?
உயிர் போய்விட்டால் தங்கத்தை வைத்துகொண்டு
என்ன செய்வது என்பதை யாரும் சிந்தித்து பார்ப்பதில்லை

இனிமேலாவது தனியாக இருக்கும் பெண்கள், வயதானவர்கள்

தங்கத்தின் மீது மோகம் கொள்வதை விட்டு விட்டு

அதற்காக செலவு செய்யும் தொகையை வங்கியில்

பாதுகாப்பாக வைத்து தங்கள் வாழ்க்கையை

நோயில்லாமல் மற்றவர்களை அனுசரித்துக்கொண்டு

அமைதியான மகிழ்ச்சியாக வாழ கற்று கொள்வது நல்லது

இல்லாவிடில் தங்கத்தின் மீது கொண்ட மோகம்

அவர்களுக்கும் அவர்களை சார்ந்தவர்களுக்கும்

சோகம் வருவிக்கும் பொருளாகத்தான் ஆகிவிடும்

தவறின் அது அவர்கள் உயிருக்கு ஆபத்தை விளைவிக்கும்

என்பதை இனிமேலாவது உணர்ந்துகொள்ள வேண்டும்

இறைவனின் மீது மோகம் கொண்டால்

சோகமில்லாமல் வாழலாம்

ஏமாறுவது எதனால்?

2012-01-23T17:51:00.000-08:00

இன்று மனதில் பொய்களையே நிரப்பி
அனைவரையும் ஏமாற்றிக்கொண்டு
உலா வரும் பலர் மற்றவர்களிடம்
கூறுவது என்னவென்றால்
பொய் சொல்லுவது எனக்கு
சுத்தமாக பிடிக்காது என்பதுதான்
அதன் பொருள் என்னவென்றால்
நான் என்றும் அசுத்தமாகதான்
இருப்பேன் என்பதுதான்

இன்று நாள்தோறும் நாளேட்டில் எந்த செய்திகள்
வருகிறதோ இல்லையோ ஒரு தனி மனிதரோ
அல்லது நிதி நிறுவனமோ அல்லது
வேலை தேடி தரும் நிறுவனமோ
பல்லாயிரம் மனிதர்களுக்கு
பொய்யான வாக்குறுதிகளை அளித்து
லட்சகணக்கான ரூபாய்களை
மோசடி செய்யும் நிகழ்வுகள் நிச்சயம் வரும்

ஏமாற்றுகாரர்களுக்கு
ஜாதி, மொழி, மதம்,இனம்
நாடு என்ற பேதம் கிடையாது
இந்த விஷயத்தில் மட்டும்தான்
உண்மையான சமத்துவம் நிலவுகிறது

பலமுறை ஏமாந்தும் மக்கள் திருந்துவதில்லை
இதற்க்கு காரணம், பேராசையும்
குறுக்கு வழியில் பணம் சம்பாதிக்கவேண்டும்
குறுக்கு வழியில் வேலை தேடவேண்டும்,
என்ற சுயநல எண்ணங்கள்தான் காரணம்
இதை ஏமாற்றுபவர்கள் நன்றாக
பயன்படுத்தி கொள்கின்றனர்

இந்த விஷயத்தில் படித்தவர்களும்
ஒன்றுதான் பாமரர்களும் ஒன்றுதான்

ஆசைப்பட ஆசைபட் ஆய் வரும் துன்பங்கள்
என்று அன்றே திருமூலர் சொன்னதை இந்த
மனித குலம் என்று உணர்ந்துகொள்ளுமோ?

சுத்தம்தான் கடவுள்

2012-01-22T18:02:00.000-08:00

சுத்தம் சோறு போடும்

சுத்தமின்மை

உடலை கூறு போடும்

சுத்தம் சுகத்தை தரும்

சுத்தமின்மை

சோகத்தைதான் தரும்

சுத்தம் இன்பம் தரும்

சுத்தமின்மை

துன்பம்தான் தரும்

சுத்தம் தரும்

பரிசு நல்வாழ்வு

சுத்தமின்மையால்

தரிசாகும் நம் வாழ்வு

சுத்தத்தை மறந்துவிட்டது

இன்றைய உலகம்

நஞ்சாகிவிட்டது மண்ணும்

நீரும் காற்றும் ஆகாயமும்

புறவுலகில் எங்கு நோக்கினும் துன்பம்

அனைவர் நெஞ்சிலும் வஞ்சம்

பெருகிவிட்டது சுயநலம்

அனைத்தும் தனக்கே என்கிறார்

அகந்தை கொண்டோர்

விளைவிக்கும்

உணவுபொருளோ தாராளம்

ஆனால் உணவு கிடைக்காது

மடியும் மக்களோ ஏராளம்

நோய் தீர்க்க மருத்துவர்கள் பல இருந்தும்

நோய் தீராது மடிபவர்கள் ஏராளம்

உள்ளத்தில் சுத்தமில்லை

செய்கையில் நேர்மையில்லை

பிற உயிர்களிடத்து அன்பில்லை

அதனால் மனதில்

யாருக்கும் அமைதியில்லை

உயிரற்ற பொருட்களை நாடி ஆயுள்

முழுவதும் நாய் போல் அலைகின்றார்

சேர்த்த பொருளை பாதுகாக்கவே

அந்த பொருளில் ஒரு பகுதி செலவு செய்கின்றார்

தன் தேவை போக மிகுதியை இல்லாதவருக்கு

அளிக்க மறுக்கின்றார்

முதுமை வந்து சேர்த்த பொருளை அனுபவிக்காது

மரணம் வந்தபின் வேதனையுடன் உயிர் துறக்கின்றார்

மீண்டும் பேயாய் இவ்வுலகில் தான் சேர்த்து வைத்த

சொத்துக்களை சுற்றியே திரிந்து அல்லபடுகின்றார்

செல்வத்து பயன் ஈதல் என்பதை

வாழ்வில் கடைபிடிக்காமையால்

பலர் அமைதியை நாடி

அங்குமிங்கும் ஓடுகிறார்

கைளில் உள்ளதனைதையும்

விட்டுவிட்டு

தன்னிடத்து உள்ளதை

இல்லாதவரிடம் பகிர்ந்து கொண்டால்

துன்புறுவோரின் துயர் துடைத்தால்

அனைத்துயிர்கள் மீதும்

அகந்தையின்றி அன்பு செய்தால்

கிடைக்கும் மன அமைதி என்பதை

என்றுதான் அறிந்து கொள்வாரோ

இம்மனிதர்கள்

சுத்தம்தான் கடவுள்

புறவுலகில் மட்டுமல்ல

அகவுலகிலும் சுத்தம்தான் கடவுள்

புத்தரின் அவதாரம் எதற்கு?

2012-01-21T07:25:00.000-08:00

புத்தரின் அவதாரம் எதற்கு?

இறைவனை உணருவதற்கு

இவ்வுலக ஆசைகளை விடவேண்டும்

ஆசைகள்தான் அனைத்து

துன்பங்களுக்கும் காரணம்

என்று புத்தர் வலியுறித்தினார்

இறைவனை திருப்திபடுத்த

உயிர்களை பலியிடுவது தவறு

என்பதை வலியுறுத்த

அஹிம்சையை

கடைபிடிக்குமாறு போதித்தார்

புலனடக்கம்தான் நம் மனதை

ஒருமைபடுத்தி இறைவனை

உணர வழி வகுக்கும்

என்பதை வலியுறித்தினார்

துன்பங்களை சகித்து கொள்ளவேண்டும் என்றும்

எல்லா உயிர்களிடத்தும் அன்பு காட்ட வேண்டும்

என்றும் மரணம் உயிர்களை எப்போது

வேண்டுமானாலும் கொண்டு சென்றுவிடும் என்றும்

அதற்காக வருந்துவது கூடாது என்பதையும்

வலியுறித்தினார்.

ஆனால் அவர் இறைவனை பற்றி

எங்கும் தன்னுடைய கொள்கைகளில்

குறிப்பிடவில்லை

ஆனால் அவர் மறைவிற்கு பின்

அவர் கொள்கைகள்

காற்றில் விடப்பட்டன

மாறாக அவர் உருவத்தையே சிலைகளாக

வடித்து அவரையே கடவுளாக

வழிபடதொடங்கி விட்டனர்

அவர் காட்டிய அன்பு வழி ,பிற உயிர்க்கு தீங்கு செய்யாமை

போன்ற உயர்ந்த கொள்கைகளை புத்த மதத்தை

பின்பற்றுபவர்களால் கடைபிடிக்கபடவில்லை

அவர் வலியுறித்திய புலனடக்கம் தற்காப்பு

கலை பயில்பவர்களுக்கு மட்டும் பயன்படுகிறது.

எளிதில் கிடைக்குமா ராமபக்தி?

2012-01-21T01:47:00.000-08:00

எப்போதும் இந்த உலக வாழ்க்கையிலேயே

திளைத்து ,கண்டதே காட்சி கொண்டதே கோலம்

என்று இவ்வுலகஇன்பங்களை நாடுவதிலேயே

காலத்தை கழித்து அதுவே சிறந்ததென்று

நினைப்பவர்களின் மனதில் காரணமின்றி

ராம பக்தி உண்டாகுமா?

மனைவி ,மக்கள் ,உறவினர்கள், நண்பர்கள்

சிறந்த வீடுகள், உடல்வலிமை ,பொன்,பொருள்

பணம் ,புகழ் போன்ற பலவிதமான வசதிகள் நிறைந்த

வாழ்க்கை இவற்றை நிலையற்றவை

என்றுவெறுக்கும் பாக்கியசாலிகளை

தவிரமற்றவர்களுக்கு எளிதில்

கிடைக்குமா ராமபக்தி?

நல்லோரை தரிசித்து ,அவர்களை வணங்கி

அவர்களின் அமுத மொழிகளுக்கு செவி சாய்த்து ,

அவர்களின் நல்லுறவை விரும்பி ,அனைத்தும்

இறைவன் மயமென்று அறிந்து

மனமார பூஜிப்பவர்களை தவிர

மற்றவர்க்கு ராம பக்தி

எளிதில் கிடைத்துவிடுமா?

நம்மையெல்லாம் இவ்வுலகில் படைத்து

நடமாடவிட்ட பிரம்மனால்

துதிக்கபடுபவன் ஸ்ரீ ராமச்சந்திர மூர்த்தி

பிறர் மெச்ச வேண்டும் என்பதற்காக

ஆடம்பரத்துடன் பூஜைகளை செய்யாமல்

மந்திரங்களுக்கெல்லாம் அரசனாக

விளங்கும் ராம நாமத்தை தன நாவில்

எப்போதும் இடைவிடாமல் உச்சரிக்கும்

ஸ்ரீ தியாகராஜா சுவாமிகளை போன்ற

பாக்கியசாலிகளை தவிர மற்றவர்க்கு

ராம பக்தி எளிதில் கிடைக்குமா?

உண்மையான இறைவழிபாடு எது?

2012-01-20T17:47:00.000-08:00

உண்மையான இறைவழிபாடு எது?

இறைவன் எங்கும் நிறைந்திருக்கிறான்

ஆம் அது உண்மைதான்

ஆனால் அவன் எங்கு உறைந்திருக்கிறான்?

நம் உள்ளத்தில்தான் உறைந்திருக்கிறான்.

எங்கும் நிறைந்திருக்கும் கடவுளை காண நமக்கு வழி தெரியாது

அதை அறிந்து நமக்கு தெரிவித்தவர்களின் சொல்லையும் நாம் கேட்கமாட்டோம். அதன் வழி முயற்சியையும் செய்ய மாட்டோம்

இந்த உலகத்தை நாம் நம் புலன்களால்தான் காண்கின்றோம், தொடர்பு கொள்கின்றோம் .அதைபோல் புலன்களின் துணை கொண்டு எங்கும் நிறைந்திருக்கும் இறைவனை ஏன் காணமுடியவில்லை?

இவ்வுலகில் இறைவனின் வடிவங்கள்தான்

உள்ளனவேதவிர

இறைவன் அந்த வடிவங்களுக்குள்

இயங்கும், இயக்கும் சக்தியாக

இருப்பதை நாம் உணருவதுகிடையாது

அதை உணர்ந்து கொள்ளும் வரை நாம் தாங்கியுள்ள இந்த உடலை தூக்கிக்கொண்டு ஊர் ஊராக கோயில் கோயிலாக இறைவனை தேடிக்கொண்டு அலைவதில் எந்த பிரயோஜனமுமில்லை

நம்முடைய வழிபாடுகளெல்லாம் கடமைக்காக என்று ஆகிவிட்டது

தவறுகள் செய்ய பயபடுவதில்லை ஆனால் தண்டனையை கண்டு பயப்படுகிறோம்

பாவங்களை செய்ய அஞ்சுவதில்லை செய்த பாவங்களினால் வந்த

வினைப் பயனை நமக்கு தவறாமல் கொடுக்கும் கிரகங்களை கண்டு அஞ்சுகிறோம்

பரிகாரம், செய்ய கோயில்கோயிலாக சுற்றுகிறோம், பணத்தை வாரி இறைக்கிறோம் அதற்காகவே நாம் ஆயுள் முழுவதும் பாடுபட்டு பொருள் சேர்த்து செலவு செய்கின்றோம்

யாத்திரை முடிந்ததும் மீண்டும் புலன் வழி இன்பங்களில் மூழ்கி இறைவனை மறந்துவிடுகிறோம்

இன்று உலகத்தில் லட்சகணக்கான மக்கள் நவக்ரக தலங்களில் கூடுவதே இதற்க்கு சான்று

பாவங்களை செய்வானேன்? பரிதாபத்திற்குரிய வாழ்க்கை வாழ்வானேன்?

அதனால்தான் பாம்பாட்டி சித்தர் சொன்னார்.'?பாபம் செய்யாதிரு மனமே செய்தால் கோபம் செய்தே யமன் கொண்டோடி போய்விடுவான் என்றார்"

பாவம் மனதில்தான் தொடங்குகிறது.உடல் அதை செய்கிறது. அதனால்தான் இரண்டும் துன்புறுகின்றன இனிமேலாவது மனிதர்கள் திருந்த வேண்டும்.

வருமுன் காப்பவன் அறிவாளி என்றார் அவ்வையார்

வந்த பின் தவிப்பது ஏமாளி.

தீய எண்ணங்களை தோற்றுவிக்கும்

அனைத்து இனங்களிலிருந்து நாம்தான் விலகவேண்டும்

அதுவாக எதுவும் நடக்காது.

எந்த செலவும் இல்லாமல் நமக்குள்ளேயே இருக்கும் ஒளிவடிவான,நாதவடிவான இறைவனை தரிசிக்க

தினமும் ஒரு குறிப்பிட்ட நேரம் முயற்சி செய்திருந்தால்

என்றோ நாம் இறைவனை கண்டு அவன் அருளுடன்

நம் வாழ்வை மகிழ்ச்சியாக ஆக்கிகொண்டிருக்க முடியும்

இனியாவது முயற்சி செய்வோம்.

2012-01-20T17:16:00.000-08:00

என் மனம் இறைவனை நோக்கி

செல்ல மறுக்கிறது அது ஏன்?

நம் மனம் எப்போதும் புலன்கள் தரும்

இன்பங்களையே நாடி வெளியில்

சென்று கொண்டிருப்பதால்

நமக்குள் உறையும் ஆன்மாவாகிய

இறைவனை அது அறிந்துகொள்ள

முயற்சிப்பதில்லை

நாம் புறவுலகில் இன்பங்கள் என்று

நினைத்து கொண்டிருப்பதெல்லாம்

உண்மையான இன்பங்கள் அல்ல

என்பதை நாம் நம் மனதிற்கு புரிய வைக்க வேண்டும்

.புற உலகில் உள்ள பொருட்களால்தான்

இன்பத்தை பெற இயலும் என்றால்

அது எப்போதும் என்னிலையிலும் இன்பத்தை தர வேண்டும்.

இனிப்பு பண்டங்கள் ஒரு மனிதனுக்கு

இன்பத்தை தரும் ஒரு பொருளாக இருப்பினும்

அதுவே அவனுக்கு நஞ்சாக மாறி

அவன் உயிரை கொன்றுவிடும் அவனுக்கு நீரிழிவு நோய் வந்தால்

அழகிய பெண்ணின் உடல் மீது தோன்றும் இன்பம்

அப்பெண்ணில் உடல் நோய் கண்டோ அல்லது

வயதாகி முதுமையடைந்தாலோ அக்கணமே

அகன்றுவிடுவதைபோல் புற இன்பங்கள் நிலையற்றவை

என்பதை உணர்ந்துகொள்ள வேண்டும்

அதைபோல்தான் பெண் ,பொன், மண் ஆகிய அனைத்தும்

.இதிலிருந்து இன்பம் என்பது பொருட்களில் அல்ல

,புலன்களின் மூலம் பெறும் இன்பம் உண்மையல்ல,

என்பதை மனதிற்கு புரிய வைக்க வேண்டும்.

பொருட்களின்மீது வைக்கும் பற்றை

சிறிது சிறிதாக விட்டு விலக வேண்டும்.

உண்மையில் நாம் வெளிஉலகில் பெறும் இன்பம்

என்பது நம் உள்ளத்தில் உறையும்

ஆன்மாவிலிருந்து பெறப்படும் இன்பமே அன்றி

வெளியுலகில் பெறப்படுவது அன்று

என்று பகவான் ரமணர் நமக்கு தெளிவுபடுதியிருப்பதை

உணர்ந்துகொண்டால் நமக்குள் உண்மையான

,என்றும் அழியாத, நிரந்தரமான, திகட்டாத பேரின்பத்தை

அறிந்துகொள்ள முற்படுவோம்

பகவான் ரமணர் காட்டிய வழியில்

ஆத்ம விசாரணை செய்து வந்தால்

நமக்கு உண்மை புலப்படும்

பிறகு எந்நிலையிலும் மாறாத

தெய்வீக இன்பத்தை அடைந்து

இவ்வுலகிலேயே மகிழ்ச்சியாக வாழலாம்.

அக வழிபாட்டுக்கும் புற வழிபாட்டிற்கும் என்ன வேறுபாடு?

2012-01-19T17:48:00.000-08:00

அக வழிபாட்டுக்கும்

புற வழிபாட்டிற்கும் என்ன வேறுபாடு?

இறைவனிடமிருந்துதான் இவ்வுலகமும்

அதில் உள்ள அனைத்து பொருட்களும்
உயிர்களும் வந்துள்ளது

பிரளய காலத்தில் அவை அனைத்தும்

அவனிலேயே அணுவாக ஒடுங்கிவிடும்

அனைத்தையும் படைத்த இறைவன்

ஒவ்வொரு அணுவிற்குள்ளும் ஒளிமயமாக

சக்திமயமாக இருந்து கொண்டு அதை ஆட்டுவிக்கின்றான்

அவன் ஒவ்வொரு அணுவிற்குள்ளும் இருந்துகொண்டு

ஆட்டுவிப்பதால்தான் அவனின்று ஓர் அணுவும் அசையாது
என்று சொல்லபடுகிறது
.

அணுவிற்குள் சக்தி இருப்பதை பகுத்தறிவுவாதிகள்
நம்பும் விஞ்ஞானமும் உறுதி செய்துள்ளது

ஆனால் தான் என்ற அகந்தை கொண்ட ஒவ்வொரு உயிரும்

அதை மறந்துவிட்டு தன்னால்தான் அனைத்தும் நடைபெறுகின்றன
என்று தவறாக எண்ணிகொண்டு தன்னை இயக்கும் சக்தி
இறைவன்தான் என்பதை வசதியாக மறந்துவிடுகின்றனர்

மனிதனின் சக்தியின் அளவு ஒரு வரையறைக்குட்பட்டது
என்பதை அறிந்திருந்தும் அதை மறைத்து ஆட்டம்போட்டு
நிலை தவறி கீழே விழுந்து துன்பத்திற்கு ஆளாகின்றனர்

அவ்வாறு இவ்வுலக மாயையில் சிக்குண்ட மனிதர்களை

மீட்கவே மாபெரும் ஆலயங்களை அந்நாளில்கட்டுவித்தனர்

அதில் இறைவனின் வடிவங்களை நிறுவி

சிதறிப்போன மனிதனின் மனதினை ஒருமைப்படுத்த ,

பூஜைகள்,பஜனைகள் ,உற்சவங்கள் ,திருதலயாதிரைகள்
என பலவிதமான வழிபாட்டு முறைகளை வகுத்துள்ளனர்

புற வழிபாட்டில் மனம் ஒன்றிய பிறகு

நம்முடைய உள்ளத்தில் உறையும் ஆன்மாவாகிய

இறைவனை தியானம் மூலம் அறிய கூடிய அக வழிபாட்டு

வழிமுறைகளை வகுத்து தந்துள்ளனர் நம் முன்னோர்கள்

எனவே இரண்டு முறைகளையும்

நாம் கடைபிடித்து நம்மை படைத்த

இறைவனை அடையவே நமக்கு மனித பிறவி அளிக்கப்பட்டுள்ளது

என்பதை உணர்ந்துகொண்டு இந்த உலக மாயையிலே

முழுவதும் நம்மை மூழ்கடிக்கும்

சிந்தனைகள் மற்றும் செயல்களிலிருந்து

விலகி நாம் பிறவி எடுத்த பயனை எய்த

முயற்சி செய்ய வேண்டும்

எந்நிலையிலும், அமைதியாகவும் மகிழ்ச்சியாகவும் இருப்பது எப்படி?

2012-01-17T18:34:00.000-08:00

எதற்க்காக பிறந்தோம் இவ்வுலகில் ?

எதை அடைய பிறந்தோம் இவ்வுலகில் ?

நாம் தாங்கி வந்த உடல்தான் அழியும்.
ஆனால் நம் மனதில் உள்ள எண்ணங்கள் என்றும் அழியாது
அது செயலாக மாறி முடிவு பெறும் வரை

அதனால்தான் நல்ல எண்ணங்களை
நாம் வளர்த்து கொள்ளவேண்டும்.
நல்லவர்களின் கூட்டுறவை நாடி பெற வேண்டும்
தீய எண்ணங்களை தீ போல் கருதி தள்ளியே நிற்க வேண்டும்

நாம் முற்பிறவியில் விட்டு சென்ற பணிகளை
தொடரவே மீண்டும் பிறக்கிறோம்

சிலர் தமக்கு தீங்கு செய்தவரை பழி வாங்கவே மீண்டும் மீண்டும் பிறக்கின்றனர்

சிலர் கடந்த பிறவியில் செய்த தவறுகளை
திருத்திக்கொண்டு அடுத்த பிறவியில்
நன்மைகள் செய்து நல்லதொரு
நிலையை அடைய பிறக்கின்றனர்

பிறப்பதற்கு முன் முன்பு வரை நம் நிலை என்ன?
இறந்தபின் நம் நிலை என்ன?

நமக்கு எல்லாம் உண்டு உடலைத்தவிர
நாம் செய்த நல்வினைகளும், தீ வினைகளின் பதிவுகளும்,
ஆசைகளும் எல்லாம் நாம்மோடு இருக்கும்

உறக்கத்தில்,மயக்க நிலையில்
எல்லாம் மறைந்து போய்விடுகின்றனவே,அது எப்படி?
உறக்கம் வருவதே தெரியாமல் வருகிறதே?
அதேபோல் விழிப்பதும் விழித்ததும் அனைத்தும் நினைவில் வந்துவிடுகின்றனவே அது எப்படி?

அதுதான் இறைவனின் மாயை
மாயையிலிருந்து விடுபட அவரவர் மன முதிர்ச்சிக்கு
ஏற்ப ஞானம் பெறும் வழிகளை நாட வேண்டும்

அப்படியானால் நாம் காண்பதனைத்தும்
செய்வதனைத்தும் நம் நினைவுகளில்தானா ?
அவைகள் யாவும் உண்மையில்லையா?

ஆம் அனைத்தும் நம் நினைவுகளில்தான் நடக்கிறது
என்ற உண்மையை நம்மால் அறியமுடியாது
நாம் யார் என்று உணரும் வரை

சில சமயங்களில் மட்டும் கனவுகள் ஏன் வருகிறது?
கனவில் எல்லாம் உண்மைபோல் தோன்றுகிறது
விழித்தவுடன் பொய்யாகிவிடுகிறதே அது ஏன்?

நம் மனதிற்கு மூன்று நிலைகள் உள்ளன
ஆழ்ந்த உறக்க நிலை கனவு,விழிப்பு

ஆழ்ந்த உறக்க நிலையில் உடல் உட்பட
அனைத்தும் இருக்கும் ஆனால் எதுவும்
நினைவில் இருக்காது .மனதின் செயல்பாடு
முற்றிலும் அடங்கியிருப்பதால்
கனவுகளும் இல்லை ,விழிப்பும் இல்லை

கனவு நிலையில் மனம் மட்டும் செயல்படும்
விழிப்பு நிலையில் மனமும் உடலும் செயல்படும்
ஆனால் உண்மையில் நாம் விழிப்பு நிலை
என்று நினைத்து கொள்வது
உண்மையில் விழிப்பு நிலை அல்ல
அது ஒரு நீண்ட கனவு அவ்வளவுதான்

உண்மையில் விழிப்பு நிலை என்பது ஆழ்ந்த உறக்கம்
,கனவு, நீண்ட கனவு ஆகிய நிலைகளையும் தாண்டி
அனைத்தையும் சாட்சியாக நின்று பார்க்கும் ஒரு உணர்வு

அந்த நிலையை அடைய நாம்
பகவான் ரமண மகரிஷி காட்டிய 'நான் யார்'
என்று அவர் அருளியுள்ள அறிவுரைப்படி
முயற்சி செய்தால் அந்த நிலையை
அடையமுடியும். அடைந்தால்
அவரைபோல் நாமும்
அந்த தெய்வீக ஆனந்தத்தை பெறமுடியும்

உண்பது,இரை தேடுவது,உறவு கொள்வது,சண்டையிடுவது போன்ற விலங்குகள் செய்யும் வேலையை தான் மனிதர்கள்
தினமும் செய்துவருகின்றனர் சிந்திக்கும் வேலையை தவிர

ஒரு சிலர் மட்டும் வேறு விதமாக செயல்படுகின்றனரே அது ஏன்?

கோடிகணக்கான மனிதர்களிடையே
ஒரு சிலர் மட்டும் இவ்வுலகில் தங்கள் சுவடுகளை விட்டு செல்கின்றனர்
மற்றவர்களின் சாம்பல் கூட நிற்பதில்லையே அது என்?

பிறருக்கு தீங்கு செய்வதையே தொழிலாக
கொண்டுள்ளனர் பல பேர் அது ஏன்?

எதற்கெடுத்தாலும் கவலைப்படுவதே
வாழ்வின் கொள்கையாக வைத்துள்ளனரே பலபேர் அது ஏன்?

பலர் எப்போதும் துன்பத்திலேயே ஆழ்ந்துள்ளனர் அது ஏன்?

சிலர் எல்லாம் இருந்தும் மகிழ்ச்சியாக இல்லையே அது ஏன்?
ஒரு சிலர் எதுவும் இல்லாமல் மகிழ்ச்சியாக இருக்கின்றனரே அது எப்படி?

தங்கள் மீதுள்ள குறைகளை காணாது பிறர்மீது குறைகளை கண்டு அனைவரையும் வேதனைபடுத்துவதையே தங்கள் வாழ்வின் குறிக்கோளாய் மனிதர்கள் பலபேர் வைத்திருப்பது ஏன்?

எந்நிலையிலும், அமைதியாகவும் மகிழ்ச்சியாகவும் இருப்பது எப்படி?

மேற்கண்ட காரணங்களை மனதில் வைத்து மீண்டும் மீண்டும் சிந்தித்தால் இந்த துன்பங்களிலிருந்து விடுபடும் வழியை மனம் நாடும். நல்லதொரு குருவை நாடினால் வழி பிறக்கும்.

நாடாவிடில் என்றும் துன்பமே
மனித பிறவியில் மட்டும்தான் இது சாத்தியம்.
இப்போது கிடைத்த இந்த வாய்ப்பை விட்டுவிட்டால்
எத்தனை ஆயிரம் ஆண்டுகள் மனித பிறவிக்காக
காத்தி ருக்கவேண்டுமோ?

அதை அந்த இறைவனே அறிவான்

2012-01-15T17:40:00.000-08:00

தலையோ பரட்டை

கையிலோ சிரட்டை

வாயில் பற்ற வைப்பதோ சிகரெட்டை

விரட்டுவதோ நம் மன இருட்டை

உடுப்பதோ கந்தை துணி

அழிப்பதோ நம் அகந்தை பிணி

குளிக்காமல் பல காலம் இருந்தாலும்

என்றும் புளிக்காத தெய்வீக கள் அவன் ;

இடி போன்ற அவன் சிரிப்பில்

பொடியாகிபோகும்

நம் கவலைகோட்டைகள்

அவனை சுற்றி குவிந்திருக்கும்

அழுக்கு மூட்டைகள்

அவன் நம்மிடமிருந்து

அகற்றிய பாப மூட்டைகள்

நினைத்தாலே முக்தி தரும்

அண்ணாமலையான்போல்

அவன் நாமம் நினைத்தாலே

நினைத்த கணம் தோன்றி

விரட்டுவான் நினைத்தவரின்

துன்பங்களை

உலகையளந்த நெடுமால்போல்

நெடிய தோற்றம் கொண்டவன்

அருளை வாரி வழங்கும் வள்ளலவன்

ஆனாலும் தன்னை பிச்சைகாரன்

என்று அழைத்து கொள்பவன்

தன்னை நாடி வரும் மக்களை

அன்பால் வசியம் செய்து

ஆட்கொள்ளும் ஆற்றல் படைத்தவன்

காண்போரை வசீகரிக்கும்

பார்வை கொண்டவன்

உள்ளத்தை கொள்ளை

கொள்ளும் மாய கண்ணனவன் ;

சொல்லிடுவோம் அவன்

நாமம் எப்போதும்

வாழ்ந்திடுவோம் சுகமாக

இவ்வுலகில் வாழும் காலம் வரை

யோகிராம் சூரத்குமார்

ஜெயகுரு ராயா

சொல்வதொன்றும் செய்வதொன்றும்

2012-01-08T23:53:00.000-08:00

நதிகளை தெய்வம் என்கிறோம்

அதுவும் நதிகளை

பெண் தெய்வமாக போற்றுகிறோம்

கங்கையை விட புனிதமான காவிரி நதியை

தோற்றுவித்தவர் அகத்திய பெருமான்

காவிரி நதியினால் பல மாநிலங்கள் செழித்து

வளர்ந்து வாழுகின்றன

காவிரின் நடுவில்தான் காக்கும் கடவுளான

அரங்கன் அரி துயில் கொண்டுள்ளான்

தெய்வம் அனைவருக்கும் பொது

அதுபோல் தெய்வீகநதியான காவிரியும்

அது தொடங்கும் இடத்திலிருந்து

கடலில் சென்று சேரும் வரை

அனைவருக்கும் பயன்படவேண்டும்

அவ்வாறு செய்யாமல்

ஒரு மாநிலம் மட்டும்

அனுபவிக்க நினைப்பது

இயற்க்கைக்கு முரணானது

காவிரி நீரினால் நம் அனைவருக்கும்

உணவும் குடிநீரும்,மின்சக்தியும்

கிடைக்கிறது

இந்நிலையில் அதை

கழிவுநீரையும் ரசாயன மற்றும்

மல கழிவுகளையும்

குப்பைகளையும் விட்டு மாசுபடுத்தி

அதன் புனிதத்தன்மையையும், அதன்

சுத்தத்தையும் தொடர்ந்து

அழித்துக்கொண்டுவருவது

மன்னிக்க முடியாத குற்றமாகும்

ஆனால் இந்தியாவில் உள்ள அனைத்து

நதிகளும் இவ்வாறுதான்

அசுத்தப்படுத்தபட்டு வருகின்றன

பெரும்பாலான மக்களும்

இது குறித்து விழிப்புணர்வு இல்லாமல்

இருப்பது கண்டிக்கத்தக்கது

நதியை தெய்வமாக பூஜிக்கும் மக்கள்

வாழும் நம் நாட்டில் இதுபோன்ற

செயல்களில் ஈடுபடுவது

அரசுகளும் இதில் அக்கறை

காட்டாமல் இருப்பது

மிகவும் வருந்ததக்கது

இது போன்ற இந்த அநீதிகளுக்கு

அனைவரும் ஒருநாள்

பதில் சொல்ல வேண்டி வரும்

அப்போது இயற்கை தரும் தண்டனை மிக

கடுமையானதாகவும் கொடூரமானதாகவும்

நிச்சயம் இருக்கும்.

2012-01-07T18:00:00.000-08:00

சொல்வது ஒன்று
செய்வது ஒன்று

சொல்வது:
அனைத்து உயிரிலும் வாசம் செய்யும்
வாசுதேவனான நாராயணனை/ஈசனை/
பராசக்தியை வணங்குகிறேன்

செய்வது:
உயிரற்ற அவன் வடிவங்களுக்கு
அனைத்து உணவுகளையும் அளிப்பது
அவன் வாசம் செய்யும் மற்ற உயிரினங்களனைதையும்
பட்டினி போடுவது

அவன் வடிவங்களுக்கு பல்லாயிரம் கோடி ரூபாய் செலவு செய்து
கோயில் கட்டுவது

அவன் வாசம் செய்யும் கோடிக்கணக்கான ஏழை மக்களை
வெய்யிலிலும்,மழையிலும், குளிரிலும் வாடி வதங்கி வசிக்க இடமில்லாமல்,வீடில்லாமல் நடைபாதையில் துன்புறுவதை
கண்டும் காணாமல் இருப்பது

உயிர்களின் உள்ளிருப்பவனை போற்றுவது

அவன் தாங்கியுள்ள வடிவமான மனிதர்களை கொடுமைபடுத்துவது, சிறுமைபடுத்துவது, ஒதுக்கி வைப்பது ,சொல்லால் செயலால் இழிவுபடுத்துவது,போன்ற செயல்களை மன சாட்சியின்றி செய்வது

இன்னும் எத்தனையோ
மானிடர்கள் சொல்வதொன்றாகவும் செய்வதொன்றாகவும்
பொய்களையே பேசி,உண்மையை மறைத்து
இறைவழிபாடு செய்வதாக தங்களையே ஏமாற்றிக்கொண்டு திரிகிறார்கள்

இவர்கள் திருந்துவது எந்நாளோ?

நெஞ்சு பொறுக்குதில்லையே இந்த நிலை கெட்ட மாந்தர்களை நினைத்தால்

2012-01-07T17:41:00.000-08:00

நெஞ்சு பொறுக்குதில்லையே

இந்த நிலை கெட்ட மாந்தர்களை

நினைத்தால்

அனைத்தும் அவன் செயல் என்பார்

ஏதாவது நடந்துவிட்டால் பிறர் மீது

சுமத்துவார் குற்றம்

அத்துடன் விடுவாரா அம்மனிதர்

அனைத்தையும் அடித்து நொறுக்கிடுவார்

அனைவரையும் அல்லல்பட வைத்திடுவார்

ஓயாமல் புலம்பிடுவார்

என்றுதான் இவர்கள் திருந்திடுவாரோ

நடந்தததை ஏற்று இனி நலமாக

வாழ வழி தேடுவாரோ

யாமறியேன்

2012-01-07T05:45:00.000-08:00

ஓம் அகத்தீஸ்வரா சரணம்

அனைத்தையும் அறிந்தவனே அகத்தீஸ்வரா
அன்புருவானவனே அகதீஸ்வரா

அகந்தையை அழித்திடுவாய் அகத்தீஸ்வரா
அருளை தந்திடுவாய் அகத்தீஸ்வரா

அவநம்பிக்கையை போக்கிடுவாய் அகத்தீஸ்வரா
அமைதியை தந்திடு அகத்தீஸ்வரா

அன்பு மயமாக்கிவிடு அகத்தீஸ்வரா
ஆதரிதருள்வாய் அகத்தீஸ்வரா

ஆணவத்தை அகற்றிவிடு அகத்தீஸ்வரா
ஆறுதலை தந்திடுவாய் அகத்தீஸ்வரா

ஆபத்பாந்தவனே அகத்தீஸ்வரா
இவ்வுலக வாழ்வுதான் அகத்தீஸ்வரா
நிலையில்லை நிலையில்லை அகத்தீஸ்வரா

இதனாலே உன்னடியை அகத்தீஸ்வரா
இறுகவே பற்றினோம் அகத்தீஸ்வரா

இல்லாதவர்க்கு உதவுவதே அகத்தீஸ்வரா
இறைவனுக்கு செய்யும் சேவை அகத்தீஸ்வரா

இதை எனக்கு உணர்த்திடுவாய் அகத்தீஸ்வரா
இவ்வுலக மோகத்தில் அகத்தீஸ்வரா
மூழ்கிய என்னை மீட்டு காத்திடுவாய் அகத்தீஸ்வரா

பக்தியை தந்திடுவாய் அகத்தீஸ்வரா
பாவங்களை போக்கிடுவாய் அகத்தீஸ்வரா

நம்பிக்கை தந்திடுவாய் அகத்தீஸ்வரா
ஞானத்தினை போதித்திடுவாய் அகத்தீஸ்வரா

மன இருளை போக்கிடுவாய் அகத்தீஸ்வரா
மோனத்தில் ஆழ்த்திடுவாய் அகத்தீஸ்வரா

பொறுமையை அளித்திடு அகத்தீஸ்வரா
பொறாமையை போசுக்கிடுவாய் அகத்தீஸ்வரா

தீமையை விலக்கிவிடு அகத்தீஸ்வரா
தீநட்பை அகற்றிவிடு அகத்தீஸ்வரா

நல்லுறவை நல்கிவிடு அகத்தீஸ்வரா
நன்மை செய்ய பழக்கிவிடு அகத்தீஸ்வரா

நிலையில்லா பொருளைஎல்லாம் அகத்தீஸ்வரா
நித்தியம் என்று நம்பினோமே அகத்தீஸ்வரா

நின்னடியை சரணடைந்தோம் அகத்தீஸ்வரா
நல்வழியை காட்டிடுவாய் அகத்தீஸ்வரா

வாழும் வழி வகையறியோம் அகத்தீஸ்வரா
வழி தவறி வருந்துகிறோம் அகத்தீஸ்வரா

உண்மை வழி உணராமல் அகத்தீஸ்வரா
உளம் நொந்து தவிக்கிறோம் அகத்தீஸ்வரா

பொன் பொருட்கள் இருந்தாலும் அகத்தீஸ்வரா
மனம் எதையோ தேடுவதேன் அகத்தீஸ்வரா

எத்தனை நாள் இப்படியே அகத்தீஸ்வரா
நான்அலைந்து திரிந்திடுவேன் அகத்தீஸ்வரா

பணிந்தோரை காப்பவனே அகத்தீஸ்வரா
பதமலர் பணிந்தோமே அகத்தீஸ்வரா

எங்களை காத்திடுவாய் அகத்தீஸ்வரா
என்றென்றும் உன் நினைவே அகத்தீஸ்வரா

உன் திருவடியை பற்றினேன் அகத்தீஸ்வரா
உண்மையை எனக்கு அகத்தீஸ்வரா
விரைவில் உணர்த்திஅருளிடுவாய் அகத்தீஸ்வரா

காலம் போய்விடும் அகத்தீஸ்வரா
காலனும் வந்திடுவான் அகத்தீஸ்வரா

ஆன்மாவை உணர்ந்திடவே அகத்தீஸ்வரா
எனக்கருள் செய்திடுவாய் அகத்தீஸ்வரா

மரணபயம் போக்கிவிடு அகத்தீஸ்வரா
மறுபிறவி நீக்கிவிடுஅகத்தீஸ்வரா

போற்றி உன்னை பணிந்தோமே அகத்தீஸ்வரா
போதும் எம்மை ஆட்கொள்வாய் அகத்தீஸ்வரா

இனிமேலும் தாங்கிடோம் அகத்தீஸ்வரா
இக்கணமே இன்னருள் செய்வாய் அகத்தீஸ்வரா

பராசக்திக்கு விண்ணப்பம்

2012-01-06T03:25:00.000-08:00

கலைத்தாயே

...

கலைத்தாயே என் அறியாமை களைந்திடவே

அருள் செய்வாய் கலைவாணியே

அறியாபொருளை அறியும் அறிவை

எனக்கு நிறைவாய் தந்திடுவாய்

அறிவு தெய்வமே அபிராமியே

கலையை விலையாக்கும் கற்றவர்கள்

மத்தியில் நிலையாய் நிமிர்ந்து நிற்க்கும்வழியை

எனக்கு காட்டிடுவாய் வடிவுடை அன்னையே

நிலையான பதம் தேடி வழி நாடும்
எனக்கு பழி தீண்டா வழி காட்டிடுவாய்
அகிலாண்டேஸ்வரி தாயே

வெளி சென்று வெளிச்சம் தேடுமெனக்கு

உட்சென்று தானே ஒளிருமொளியைகாணும்

வழியை கற்பிப்பாய் கற்பகவல்லியே

பிழை செய்தே பிழைப்பை தேடுமென்னை
பிறருக்கு நலம் செய்தே நானுயரும்மார்க்கம்
உணர்த்துவாய் பிரமராம்பிகையே

பிறர் உயர்வு கண்டு பொறாமை கொண்டு

பொறுமும் மக்களிடையே மற்றவர்

உயர்வு கண்டு அகமகிழும்பாங்கினை

அளிப்பாய் ஆனந்த வல்லியே

அனைதுயிர்க்குமஅன்பு செய்து ஆனந்தம்

அடையும் பாதையை விட்டு

பழியை தரும் பாவ வழியில்

சென்றிடாமல் என்னை

காத்திடுவாய் பரமேஸ்வரியே

பூக்குவியலின்நடுவில் கருநாகம்

புகுந்து உயிருக்கு ஆபத்தை விளைவிக்கும்

சில மனிதர்கள் போல் என் உள்ளத்தில்

புகுந்துவிட்ட தீய எண்ணங்களை அகற்றி

என்னை காத்திடுவாய் நாகேஸ்வரியே

இன்பத்தை கண்டு இறுமாப்பு அடையாமலும்

துன்பத்தை கண்டு துவண்டுவிடாமலும்

செல்வம் வந்தபோது செருக்கடையாமலும்

எந்நிலையிலும் அறவழிவிட்டு நீங்காமலும்

எக்கணமும் உன் திருவடி நினைவு மறவாமலும்

கண்ணின் இமை போல் என்னை காப்பாய்

கருமாரி தாயே

அனைத்துமாய் இருப்பவளே

அனைத்தையும் இயக்குபவளே

அஞ்ஞானத்தை அழிப்பவளே

ஆனந்தத்தின் ஊற்றே

ஆதிபராசக்தியே

சற்றே என் கோரிக்கையை செவி மடுப்பாய்

இந்த உடலைவிட்டு உயிர் நீங்குமுன்னே

தயாபரியே

எல்லா உயிரும் இன்புற்று வாழ்க கொல்லா விரதம் குவலயம் எல்லாம் ஓங்குக

2012-01-05T22:21:00.000-08:00

எல்லா உயிரும் இன்புற்று வாழ்க

கொல்லா விரதம் குவலயம் எல்லாம் ஓங்குக

என்று பாடினார் வள்ளலார்

ஆனால் இன்று என்ன நடக்கிறது?

எல்லா உயிரும் துன்புற்று மடிக என்றும்

விரத நாட்களை தவிர்த்து மற்ற நாட்களில்

அகப்பட்டதை எல்லாம் கொன்று

தின்று வயிற்றை நிரப்பும்

கூட்டம் பெருகிவிட்டது

இங்கு மட்டும் அல்ல இன்று உலகில்

அனைத்து பகுதிகளிலும் இதே நிலைமை

இயற்கையில் எப்படி மனித மிருகங்கள் வாழ்வதற்கு உரிமை

உள்ளதோ அதேபோல் ஒவ்வொரு உயிரினத்திற்கும்

வாழ உரிமை உண்டு என்பதை மனிதன் ஏற்றுகொள்வதில்லை

பிற உயிர்களை கொன்று தின்னும் மனிதன்

இன்று தன் இனத்தை சார்ந்த மனித உயிர்களையே

தன் சுயனலதிர்க்காக ஈவு இரக்கமின்றி கொடூரமாக

கொன்று வருகின்றான்

அதனால்தான் இன்று இயற்க்கை தன் நிலை மீறி

புயலையும், வெள்ளத்தையும், சுனாமியையும்,

தீ விபத்துகளையும் ஏற்படுத்தி மனித பதர்களுக்கு

புரிய வைக்க முயற்சி செய்து

வருகிறது

ஆனால் மனிதன் அதை புரிந்து

கொள்ளும் நிலையில் இல்லை

என்பது வேதனைக்குரியது

அனைவரும் அனைத்து

உயிர்களையும் வாழ வைக்க

இயற்க்கை அனைத்தையும்

இலவசமாக அபரிமிதமாக வழங்கியுள்ளது

அதை மனிதன் தடுக்க நினைத்தால்

இயற்க்கை கொடுக்கும் தண்டனை

இன்னும் மிக கடுமையாக இருக்குமென்பதை

புரிந்து கொண்டு வள்ளலார் அறிவுரைப்படி

தன் போக்கை மாற்றிக்கொண்டு அனைவரும்

நன்மை பெரும் வகையில் தன வாழ்வை

அமைத்துக்கொள்ள வேண்டும்

தன் பொறுப்புகளை நிறைவேற்றாமல் தட்டி கழிப்பவன் இறைவனை என்றும் அடையமுடியாது

2012-01-04T07:38:00.001-08:00

கருணை மறந்தே வாழ்கின்றார்

கடவுளை தேடி அலைகின்றார்

என்ற வரிகளை

மறக்க முடியுமா?

ஆனால் இன்று என்ன நடக்கின்றது?

தன்னை நம்பி வந்த மனைவியையும்,

குழந்தைகளையும் தவிக்கவிட்டுவிட்டு

வாழ்வில் பிரச்சினைகளை எதிர்கொள்ள

பொறுமையும், மன உறுதியும் இல்லாது

குடும்பத்தை நிராதரவாக விட்டு விட்டு

பொறுப்பற்ற நிலையில் சுற்றி கொண்டிருக்கிறது

ஒரு கூட்டம் எல்லா ஊர்களிலும்

இல்லறமே நல்லறம் என்று

அவ்வை மூதாட்டி அன்றே கூறியுள்ளாள்

இல்லறத்தில் இருந்துகொண்டே

தன் கடமைகளை செய்துகொண்டே

இறைவழிபாடு செய்து அனேக மக்கள்

இறைஅருளை பெற்றிருக்கிறார்கள்

தன் பொறுப்புகளை நிறைவேற்றாமல்

தட்டி கழிப்பவன் இறைவனை

என்றும் அடையமுடியாது

ஆடம்பரங்களை தவிர்த்து மன திருப்தியுடன் இறை தரிசனம் செய்வது சால சிறந்தது. .

2012-01-03T22:51:00.000-08:00

ஆண்டவனை துதிக்க செல்லும்போது

விலைஉயர்ந்த ஆபரணங்கள அணிவது தேவையா?

ஆடம்பரமாக உடை அணிந்துதான் செல்ல வேண்டுமா?

தற்போது திருவிழாக்களில்

லட்சகணக்கான மக்கள் கூடுகின்றனர்

திருவிழாவிற்கு வரும் பக்தர்களில் விலை உயந்த

ஆபரணங்களை அணிந்து வருவதால் அவர்களிடம்

கொள்ளை யடிப்பதற்கென்று திருடர்களும்

வெளியிடங்களிலிருந்து வந்து

மக்களோடு மக்களாக கலந்துவிடுகின்றனர்

விழாவில் பலர் நகைகளை யும், பணத்தையும் பறி கொடுத்து

மன வேதனைபடுகின்றனர்

இறைவன் வழிபாட்டில் பக்திதான் முக்கியமே தவிர

புற வேஷங்கள் தேவையற்றது.

இதை தவிர்க்க மக்கள் எளிமையாக உடையணிந்து

ஆடம்பரங்களை தவிர்த்து மன திருப்தியுடன்

இறை தரிசனம் செய்வது சால சிறந்தது.

ஆலயங்களுக்கு செல்வது எதற்க்காக

2012-01-01T19:47:00.000-08:00

ஆலயங்களுக்கு செல்வது எதற்க்காக?

ஒவ்வொரு மதத்தினரும் தங்கள் வழக்கப்படி
பிரார்த்தனை செய்கின்றனர்.

எல்லாம் வல்லவன் இறைவன் ஒருவனே என்று நினைவுபடுத்திகொள்வதர்க்காக

தான் செய்த பாவங்களை இறைவன் முன்பு
கூறி பாவ மன்னிப்பு பெறுவதற்காக
மீண்டும் பாவ செயல்களை செய்யாதிருக்க
உறுதி ஏற்ப்பதர்க்காக

தங்கள் கோரிக்கைகளை நிறைவேற்றி தருமாறு
துன்பங்கள் நீங்க, வளமான மகிழ்ச்சியான வாழ்வு
அமைய என பலவிதமான கோரிக்கைகள்
இறைவன் முன்பு வைக்கப்படுகின்றன

சமீப காலமாக உள்ளூர் ஆலயங்களுக்கு செல்வதை தவிர
வெளியூர் ஆலயங்களுக்கு செல்லும் மக்களின் கூட்டம்
ஆயிர கணக்கில் பெருகி வருகிறது

கோயிலுக்கு செல்வது எதற்க்காக?
நம் மன அழுக்கை நீக்கி கொள்ளத்தான்

ஆனால் கோயிலுக்கு செல்லும் மக்கள் கோயில் செல்லும், நகரையும், கோயில் வளாகத்தையும், சுற்றுப்புறத்தையும் அசிங்கபடுதுவதுடன், பாழ்படுதுவதையும் குறிக்கொள்ளக கொண்டுள்ளனர்

கோயில் நிர்வாகமோ, அரசு நிர்வாகமோ வருவாயை
சேர்பதிலேயே கண்ணாக இருக்கின்றனவே தவிர மக்களுக்கு அடிப்படை வசதிகளை செய்து தருவதிலும் சுற்றுபுறத்தை தூய்மையாக வைத்திருப்பதிலும் அக்கறை காட்டுவதில்லை என்பதை கோயில்களுக்கு செல்லும் மக்கள் நன்கு அறிவர்

உணவு கழிவுகள், மனித கழிவுகள், பிளாஸ்டிக் கழிவுகள் ,கந்தைகள் என
கோயில் முழுவதும் வெளியிலும் சிதறி பல நாட்கள் அப்படியே கிடக்கின்றன
கழிப்பிட வசதிகள் செய்ய படா மையால் மக்கள் கோயில் சுற்றுபுறத்தை பொது கழிப்பிடமாக ,சிறுநீர் கழிக்கும் இடமாக மாற்றி சுகாதார கேடுகளை ஏற்படுத்துவதுடன் மக்களுக்கு நோய்களை பரப்பும் கூடாரமாகவும் மாற்றிவிடுகிறார்கள்

இந்நிலை மாற

அரசுகள் நடமாடும் கழிப்பிடங்களை கண்டிப்பாக அமைத்து தரவேண்டும்
இலவசமாக கழிப்பிடமும் ஒவ்வொரு கோயிலிலும் அமைக்கபட்டு முறையாக பராமரிக்கபடவேண்டும்
குப்பைகளை போட குப்பைத்தொட்டிகள் அமைக்கப்பட்டு பராம்ரிக்கபடவேண்டும்

கோயிலுக்கு செல்லும் மக்கள் அங்கு வழங்கும் பிரசாதங்களை உண்டுவிட்டு கைகளை கோயில் தூண்களில் தடவுவதை விட்டு ஒரு கை துடைக்கும் திஸ்ஸுஎ காகிதத்தையோ கையில் கொண்டு செல்ல வேண்டும் அல்லது கோயில் நிர்வாகமே அதை தரவேண்டும்

குங்குமம்,விபூதி போன்றவற்றை கையில் அளித்தால் மீதியை கோயில் சுவற்றில் தேய்த்து விடுவதால் ஒரு சிறிய காகிதத்தில்தான் இனி குங்குமம் அளிக்கப்படவேண்டும்

சுத்தம்தான் கடவுள்

அதைவிடுத்து கடவுள் உறையும் இல்லத்தை அசிங்கபடுதுவது
அவருக்கு செய்யும் அவமரியாதை ஆகும்

கோயில் உண்டியில் காசு போட்டுவிட்டால் கடவுள் அருள் கிடைத்துவிடும் என்று நம்புவது நம்மை நாமே ஏமாற்றும் செயல்

அதைபோல் கோயிலுக்கு நிதி உதவி அல்லது காணிக்கை அளித்துவிட்டு விளம்பர படுத்தி கொள்வதும் அநாகரீகமான செயல்

கடவுளுக்கு ஆபரணங்கள் ஏற்கெனவே நிறையவே இருக்கிறது

கோயில் ஒழுக்கத்தை கடைபிடிப்பது, ஒழுங்கை கடைபிடிப்பது மற்றவரையும்,கடைபிடிக்க செய்வது
அடிப்படை வசதிகளை நிறைவேற்ற உதவுவதும் இறைவனுக்கு செய்யும் தொண்டாகும்
,
கோயில் நிர்வாகங்களும் காசு ஒன்றிலே குறியாய் இல்லாமல் பக்தர்களுக்கு அடிப்படை வசதிகள் செய்து தருவது மற்றும் சுற்றுபுறத்தை தூய்மையாக பராமரித்தலும் அவர்களின் கடமையாகும்

மெய் என்றால் என்ன?

2012-01-01T19:09:00.000-08:00

மெய் என்றால் என்ன?

மெய் என்றால் உண்மை

என்று ஒரு பொருள்

மெய் என்றால் நம்முடைய

உயிர் தங்கியிருக்கும் ஒரு கூடு

அந்த மெய் எதனால் ஆக்கப்பட்டது?

பஞ்ச பூதங்களால் ஆக்கப்பட்டது

பஞ்ச பூதங்கள் என்றால் என்ன?

மண்,நீர்,காற்று,தீ ,ஆகாயம் அதாவது வெட்டவெளி

இந்த உடலை விட்டு உயிர் நீங்கிடின் உடல் அழுகி

ரசாயன மாற்றமடைந்து அந்தந்த

மூல பொருளில் கலந்துவிடும்

இந்த உண்மையை

அறிந்துகொள்வதுதான்

உண்மையான அறிவு

மற்றபடி உலகில் உள்ள பொருட்களின்

மூல கூறுகளை

ஆராய்ந்து அறிந்துகொண்டு

நாம் இவ்வுலகில்

நலமாக வாழ பயன்படுத்தி கொள்ள

உதவுவது விஞ்ஞானம்

அந்த அறிவு இந்த உடலை விட்டு

நீங்கியபின் பயன்படாது போகும்

ஆனால் மெய்ஞானமோ

நாம் இவ்வுலகை விட்டு நீங்குவதற்கு

முன்னும், நீங்கிய பின்னும் நமக்கு

தெளிவும் அமைதியும், ஆனந்தமும்

அளிக்கும் மார்கமாகும்

சித்தர்களும், யோகிகளும்,ஞானிகளும்

இதை தெளிவாக தங்கள் நூல்களிலும்,

தாங்கள் வாழ்ந்த வாழ்க்கை மூலமும்

மனித குலத்திற்கு வழி காட்டியுள்ளனர்

இன்றும் முறையாக அணுகுவோருக்கு

உதவவும் செய்கின்றனர்.

உண்மை என்பது கடவுள்

2011-12-30T08:22:00.000-08:00

உள்ளம் சொல்வதை உதடு சொல்லாமல்
உண்மை பிறப்பதில்லை
உள்ளிருந்தே நீ அருள் செய்யாமல்
ஒன்றும் நடப்பதில்லை

என்ற வரிகளை சீர்காழி கோவிந்தராஜன்
பாடியதை அந்த கால ரசிகர்கள்
மறந்திருக்க மாட்டார்கள்

ஆனால் இன்று உலகில் என்ன நடக்கிறது?

உள்ளம் ஒன்று நினைக்கிறது
உதடு ஒன்று சொல்கிறது

வீட்டிற்குள்ளும் அதே நிலைமை
வெளியிலேயும் அதே நிலைமை

பெற்றோர்கள் தங்கள் குழந்தைகளிடம் பொய் சொல்லுகிறார்கள்
பல நேரங்களில் உண்மை பேசும் குழந்தைகளை பொய் சொல்ல சொல்லி
கட்டாயபடுத்துகிரார்கள் இல்லை கட்டாயபடுத்தபடுகிரார்கள்

இதனால் தூய மனதுடன் இவ்வுலகிற்கு வந்த குழந்தையின் உள்ளம்
கெடுகிறது

பிறகு அது பொய் சொல்லுவதை தன இயல்பாக கொண்டு விடுகிறது

பெற்றோர்களின் இந்த கொடுஞ்செயல் அவர்களுக்கு எதிராகவே
பிற்காலத்தில் முடிகிறது

இதனால் வீட்டிற்குள்ளும் வீட்டிற்கு வெளியேயும் பொய்தான் ஆட்சி செலுத்துகிறது

உண்மைக்காக வாழ்ந்த ஹரிச்சந்திரன் இருந்த இந்நாட்டில் அவன் வாழ்ந்த நெறியை கடைபிடிக்க சமீப காலத்தில் முயற்சி செய்தவர் மகாத்மா காந்தி

அது அவரோடு போய்விட்டது

உண்மை என்பது கடவுள்
கடவுள் என்றால் உண்மை
இரண்டையும் பிரிக்கமுடியாது

அவ்வாறிருக்க உண்மை பேசாமல்,
உண்மை நெறியை கடைபிடிக்காமல்
கடவுளை அடைவது என்பது
சாத்தியமற்றது என்பதை
கடவுளை நோக்கி
வழிபாடு செய்யும் மனிதர்கள்
உணரவேண்டியது அவசியம்

வரும் புத்தாண்டிலாவது
உண்மை நெறியை இயன்றவரை
கடைபிடிக்க முயற்சி செய்தால்
உள்ளத்தில் அமைதி பிறக்கும்

அமைதியை நாடி எங்கும்
செல்லவேண்டிய அவசியமும்
இருக்காது

காக்கும் கடவுளான நாராயணா இந்த மனித குலத்தை நீதான் காப்பாற்றவேண்டும்

2011-12-25T17:48:00.000-08:00

காக்கும் கடவுளான நாராயணா இந்த மனித குலத்தை நீதான் காப்பாற்றவேண்டும்

புராண காலத்தில் காக்கும் கடவுளான நாராயணன் மது,கைடபன் என்ற
அரக்கர்களை அழித்ததாக கூறப்பட்டுள்ளது

மக்களின் மதியை மயக்கி உடல்நலனை சீரழித்து வாழ்வை அழிக்கும் மதுவை
மதுவை உற்பத்தி செய்பவர்கள்,விற்பவர்கள் ஆகியவர்களை அழித்து தன படைப்புகளை காக்க இறைவன் அவதாரம் எடுதுள்ளதாகதான் இதை கருத வேண்டும்

இன்றும் அதே சூழ்நிலை தான் நீடிக்கின்றது

மதுவினால் இன்று கோடிகணக்கில் மக்களின் மதி மயங்கி
உடல் நோயுற்று துன்புறுகின்றனர்

கொள்ளை கொலை போன்ற குற்ற செயல்களில் ஈடுபடுகின்றனர்
குடும்பத்தில் மனைவி குழந்தைகள், பெற்றோர் ஆகியோரை துன்புறுத்தி
அமைதியையும் ஆனந்தத்தையும் கெடுப்பதுடன் குறைந்த ஆயுளிலேயே மாண்டு போகின்றனர்

இதனால் நாட்டில் ஆதரவற்ற,குழந்தைகள்,பெண்கள்,முதியோர் என சமுதாயத்தில் எண்ணிக்கை பெருகிவருகிறது

இந்த தீய செயலிலிருந்து மக்களை காக்க வேண்டிய அரசுகளே அதை தடுக்காமல் அவைகளே மதுவை தயாரித்து மக்களை குடிக்க வைத்து
தங்கள் சுயநல் நோக்கங்களுக்காக மக்களை பகடைகாய்களாக பயன்படுத்தி (கொள் )கொல்கின்றனர்

கடந்த காலத்தில் மகாத்மா காந்தி மதுவிற்கு எதிராக போராடிமக்களை
காப்பாற்றினார்.

தற்போது மீண்டும் இறைவன் நாராயணன் அனைவரின் வாழ்வை சிதைக்கும் மது என்ற அரக்கனை கொன்று மக்களை காக்க அவதாரம் எடுக்கவேண்டும் என்று முழுமனதுடன்பிரார்த்திப்போமாக

யாருக்கு அடிமை செய்ய வேண்டும் ?

2011-12-25T01:32:00.000-08:00

யாருக்கு அடிமை செய்ய வேண்டும் ?

பரிபூரணனுக்குதான் அடிமை செய்ய வேண்டும்

என்றான் மகாகவி பாரதி

ஆனால் இன்று என்ன நடக்கிறது?

சிலர் பெண்களிடம் அடிமைப்பட்டு கிடக்கிறார்கள்

பலர் பிறரை ஆட்டுவிக்கும் அதிகார போதைக்கு

அடிமைப்பட்டு கிடக்கிறார்கள்

கோடிகணக்கான மனிதர்கள் மதுவுக்கும்,

போதை பொருளுக்கும் ,பலவிதமான சூதாட்டங்களுக்க்கும்

அடிமைப்பட்டு பொருளை இழந்து, தன்னை இழந்து,அதிலிருந்து

வெளி வர முடியாமல் மூழ்கிகொண்டிருக்கிரார்கள்

பலர் புகழுக்கு அடிமைப்பட்டு

இகழ்ச்சியைவலிய தேடிகொள்ளுகிரார்கள்

வலிமையான நாட்டிற்கு வலிமை குறைந்த

நாடுகள் அடிமைப்பட்டு சிறுமைபட்டுகொண்டிருக்கின்றன

இப்படியாக இன்று யாருக்கும்

உண்மையான விடுதலை இல்லை

விடுதலை வேண்டும் என்று

தறுதலையாக தாறுமாறாக நடந்துகொண்டு

சூழ்ச்சி வலையில் சிக்கி கூண்டோடு

அழிந்து போய்கொண்டிருக்கிறார்கள்

என்பதை வரலாறு சொல்லும்

நம்மை சுரண்டி நம்மை பூண்டோடு அழிக்கும்

மனிதர்களிடம் நாம் உதவி தேடி சென்றால்

மேற்கொண்டவாறுதான் நிகழும்

நம்மை நாம் காப்பற்றிகொள்ளமுடியாத

நிலை வரும் போது நம் நிலையை புரிந்துகொண்ட

நம்மை காப்பாற்றக்கூடிய

நல்லவர்களிடம்,வல்லவர்களிடம்தான்

நம்மை ஒப்புவிக்கவேண்டும்

அதற்க்கு தகுதியானவர் இறைவன் ஒருவன் மட்டுமே

அவனிடம் முழுவதுமாகநம்மை ஒப்புவித்தால்

அனைத்து துன்பங்களிலும் இருந்து

விடுபடுவோம் என்பதில் ஐய்யமில்லை

கடவுள் எல்லா இடத்திலும் நிறைந்திருந்தும் நம்மால் ஏன் அவரை காண முடியவில்லை?

2011-12-22T04:36:00.000-08:00

கடவுள் எல்லா இடத்திலும் நிறைந்திருந்தும்

நம்மால் ஏன் அவரை காண முடியவில்லை?

அதற்க்கு காரணம் நம் மனம்தான்

நம் மனதில் கடவுளை பற்றிய பலவிதமான

கற்பனைகள் நிறைந்துள்ளன

பொதுவாக நாம் கடவுளை பல வடிவங்களில் இருப்பதாக

கற்பனை செய்து வைத்துகொண்டு

அதை கடவுள் என்று வழிபடுகின்றோம்

இந்த எண்ணம் எல்லோரின் மனதிலும்

ஆழமாக பதிந்துவிட்டது

பிறந்ததிலிருந்தே நாம் அப்படிதான் வழிபாடு

செய்ய கற்பிக்கபட்டிருக்கிறோம்

அந்த எண்ணத்தை தாண்டி நம் சிந்தனை செல்வதில்லை

அப்படி செல்லவும் நம்மை சுற்றியுள்ளவர்களும்

நம்மை விடுவதில்லை

கோடிகணக்கான மனிதர்களில் பகவான் ரமணர்

போன்றவர்கள்தான் இந்த எண்ணத்திலிருந்து

வெளியே வந்து சில உண்மைகளை

வெளிப்படுத்தி அதன்படி வாழ்ந்தும் காட்டினர்

ஆனால் அவர் வெளிபடுத்திய உண்மைகளை இந்த உலகம்

இன்னும் புரிந்துகொள்ளவில்லை

மாறாக அவரையே கடவுளாக்கி சிலை வைத்து

கோயில் கட்டி வழிபாடு செய்ய ஆரம்பித்துவிட்டனர்

எத்தனையோ மகான்கள் புற வழி பாடுகளை

மேற்கொண்டாலும் அவர்கள் எழுதிய நூல்களில்

தெளிவாக இறைவன் நமக்குள்ளேதான் இருக்கின்றான்

என்று எழுதி வைத்துள்ளதை யாரும் கவனிப்பது கிடையாது

அக வழிபாட்டிற்கு முக்கியத்வம் அளிக்காமல் புற வழிபாட்டிலேயே

தங்கள் வாழ்நாள் முழுவதையும் வீணடித்து இறைவனை

அறியாமலேயே மீண்டும் பிறப்பு இறப்பு சுழலில்

சிக்கிக்கொண்டு அவதி பட்டுகொண்டிருக்கின்றனர்.

உண்பதும் உறங்குவதும்தான் உன் வாழ்க்கையின் லட்சியமோ?

2011-12-18T17:51:00.000-08:00

உண்பதும் ஊர் சுற்றுவதும் உறவு கொள்வதும்
உறங்குவதும் பிற உயிர்களை
துன்புறுத்தி இன்பம் காண நினைப்பதுவும்தான்

உன் வாழ்க்கையின் லட்சியமோ?

ஓரறறிவு முதல் ஐந்தறிவு

படைத்த உயிர்கள் செய்யும்

வேலையை நீ செய்வதற்கு

உனக்கு ஆறறிவு எதற்கு?

சிந்தனை செய்வாய் மனமே

சிந்தனை செய்வாய்

சிந்தனை செய்யும் மனதை அளித்த

அந்த மாதவன் கேட்கின்றான்

பதில் சொல் மனமே சொல்

தாமரை பூவில அமர்ந்தருள் செய்யும் இலக்குமியை

வணங்கி மகிழாது கண் விழித்தெழுந்தது

முதல் உறங்கும் வரை தறி கெட்டலைந்து

உன் மனமென்னும் பொறியில்

அகப்பட்ட பூச்சிகள் போல் துடிப்பது ஏனோ?

வீணை ஏந்தி கானம் செய்யும் கலைமகளை வணங்காது

வீண் கதைகள் பேசி சுற்றி திரிந்து வாழ்வை

வீணாக்கலாகுமோ சொல் மனமே சொல்

மாலவனை அடைய மாதவம்

செய்திடவே அளித்த இந்த

கிடைத்தற்கரிய இப்பிறவியை

வீணடிப்பது முறைதானோ சொல்

முறைதானோ சொல் மனமே

முறைதானோ சொல் மனமே சொல்

ஊரெங்கும் கோயில் கொண்டு

உனக்கு உணர்த்த நான் சிலையாய்

நின்றிடினும் உலக போகம் என்னும்

மாய வலையில் நீ சிக்கி

வீணே மடிவது சரிதானோ

சரிதானோ சொல் சரிதானோ

எச்செயலுக்கும் கால அட்டவணை போடும் மனிதா

காலன் உனக்கு போட்டு வைத்த அட்டவனையை

நீ அறிய மறுப்பதேனோ?

அறிய மறுப்பதேனோ சொல்?

அனைத்துமாய் நான் இருந்தாலும்

மாதத்தில் நான் மார்கழியானேன்

உன் பாவங்கள் கழிந்து நீ புனிதமடைய

இப்புவியில் நலமாய் வாழ

இன்றே என்னை அடைக்கலம் புகுவாய்

துன்பமற்ற இன்ப வாழ்வை பெற

ஆலயம் வந்திடுவாய்

கண் குளிர கண்டிடுவாய் என் வடிவம்

இனிய இசையுடன் என்னை துதித்திடுவாய்

ஆனந்தமுடன் அன்றாடம்

பணிகளை ஆற்றிடுவாய்

கவசம் போல் உன்னை நான் காப்பேன்

காலமெல்லாம் என் கண்ணுக்குள் வைத்து

தண்ணீருக்காக கண்ணீருடன் அலையும் மக்களே

2011-12-18T05:45:00.000-08:00

சிந்தனைக்கு சில வரிகள்

எந்த பிரச்சினைக்கும் கூட்டம் சேர்த்து

கூப்பாடு போடாதீர்கள்

கூப்பாடு போட்டு முடிந்த பின்

கூட்டம் கலைந்து விடும்

எந்த பிரச்சினையும் தீராது

கூட்டமாக இணைந்து இறைவனை

நோக்கி வழிபாடு செய்யுங்கள்

உங்கள் பாடும் தீரும்

பிரச்சினைகளும் முடிவுக்கு வரும்

ஒவ்வொரு ஆண்டும் காவிரி நீர்

பிரச்சினையை தீர்த்துவைப்பது

அரசியல்வாதிகளோ நீதிமன்ற தீர்ப்புகளோ அல்ல

வருண பகவான்தான் தீர்த்துவைக்கிறான்

என்பதை புரிந்து கொள்ளுங்கள்

தண்ணீருக்காக கண்ணீருடன் அலையும் மக்களே

இறைவன் ஆண்டுதோறும் வெள்ளமென மழையை

அளவின்றி அளிக்கிறான்

அதை சேமித்து வைத்துகொள்ள வழியின்றி

கடலில் விட்டுவிட்டு அண்டை மாநிலங்களுடன்

சண்டையிடுவதால் யாருக்கு பயன்?

இறைவனிடம் தூய உள்ளத்துடன் மன்றாடுங்கள்

அவன் எல்லா பிரச்சினைகளையும் நிரந்தரமாக

தீர்த்து வைப்பான்
.

மனிதர்களை நம்பாதீர்கள்

அவர்களின் உள்ளம் சுயலமும் உள்நோக்கமும்

கொண்டு மாசடைந்துள்ளது

நம் அரசுகள் அதேபோன்ற உள்ளங்களை கொண்ட

மனிதர்களால் ஆக்கப்பட்டுள்ளது

அதனால்தான் எந்த பிரச்சினைக்கும் அவர்களால் தீர்வு

காணமுடியவில்லை
.

அனைவருக்கும் நல்லஉள்ளம் அமைய வேண்டும் என்று

தினமும் இறைவனிடம் பிரார்த்தனை செய்யுங்கள்

தூய உள்ளம் கொண்டவர்களால்தான் அனைவருக்கும்
நன்மை பயக்கும் செயல்களை செய்ய முடியும்

மனம் என்பது ஒரு கட்டுபாடற்ற சக்தி அதை ஒருமைபடுத்தி அதிக சக்தியை பெறலாம்

2011-12-14T17:20:00.000-08:00

நாம் காண்பதனைத்தும் உண்மையா?

நம்முடைய கண் என்னும் கருவி மூலம்
காண்பது உண்மையின் பிரதிபலிப்பா?

கண்ணால் கண்ட காட்சியை மனம் ஒருவாறு பார்க்கிறது
புத்தி ஒருவாறு புரிந்து கொள்கிறது

ஆனால் உண்மை என்ன என்பதை எப்படி அறிந்துகொள்வது?
மனம் என்பது கடந்த கால பதிவுகளின் தொகுப்பு
எந்த காட்சியை கண்டாலும் ஏற்கெனவே அக்காட்சி தொடர்பாக
மனதில் உள்ள காட்சி பதிவுகளுடன் ஒப்பிட்டு பார்த்து
முடிவுக்கு வரும்
அது சரியா தவறா என்பதை புத்திதான் முடிவு செய்யும்

மனதில் எந்த விதமான எண்ணங்கள் நிறைந்திருக்கிறதோ
அதை பொறுத்துதான் அதன் செயல்பாடு இருக்கும்
தீயவர்களோடு அது தொடர்பு கொள்ளும்போது பிறரை பாதிக்கும் தீய முடிவுகளையும் நல்லவர்களோடு தொடர்புகொள்ளும்போது பிறருக்கு நன்மை பயக்கும் முடிவுகளையும் எடுக்கும் .
இதில் குழப்பம் ஏற்படாமல் தடுக்க புத்தியினால்தான் முடியும்

மனம் தன்னிச்சையாக தவறாக முடிவுக்கு வரும்போதுதான் மற்றவர்கள் உனக்கு புத்தி இருக்கிறதா என்று கேள்வி கேட்பதை அனைவரும் கவனித்திருப்பீர்கள்

மனம் என்பது ஒரு கட்டுபாடற்ற சக்தி
அதை ஒருமைபடுத்தி அதிக சக்தியை பெறலாம்
அதை கொண்டு இந்த உலகில் சாதிக்க முடியாதது எதுவும் இல்லை

இறைவனை அடையவும் மன ஒருமைப்பாடு தேவை
மன ஒருமைப்பாடுடன் இறைவனை தியானித்தால் இறைவனை அடையலாம்
அதற்க்கு தியானம் செய்யவேண்டும்

அதற்க்கு நல்ல புத்தியை இறைவனிடம் வேண்டி பெறவேண்டும்
அதனால்தான் திருமூலரும் இறைவனை புந்தியில் வைத்து அடி போற்றுகின்றேன் என்று கூறியுள்ளார்
.
தொண்டரடிபொடி ஆழ்வாரும் தான் இவ்வுலகில் பட்ட துன்பங்களிலிருந்து
இறைவன் தன்னை விடுவிக்க 'போதரே என்று என் புந்தியுள்புகுந்தே 'என்று
திருமாலையில் கூறியுள்ளார்
.
இறைவன் நம் புத்தியில் புகுந்து நம்மை நல்வழியில் அழைத்து செல்லுமாறு வேண்டுவோம்.

சிந்தனைக்கு சில வரிகள்

2011-12-14T04:46:00.000-08:00

சிந்தனைக்கு சில வரிகள்

அனைத்தையும் அவனிடம் விட்டுவிடு
உன் உள்ளிருக்கும் அவன் ஆணைப்படி செயல்படு

உள்ளிருந்து உன்னை இயக்குபவன் அவனன்றோ
எல்லாம் உன்னால்தான் என் நீ நினைப்பது தவறன்றோ

அன்போடு அனைவரின் நலம் நாடு
அதுவே அவனுக்கு நீ செய்யும் வழிபாடு

கண்ணால் காண்பதனைத்தும் அவன் வடிவே
உன் கண்ணில் காணும் ஒளியாய் இருப்பதும் அவனருளே

ஒன்றை ஆக்குவதும் அழிப்பதும் அவன் லீலை
அது ஏன் என்று நீ ஆராய்வது வீண் வேலை

சாத்திரங்கள் எல்லாம் அவன் புகழ் பாடும்
நீ அவனை தோத்திரம் செய்தால் அருள் கூடும்

நல்லோரின் கூட்டுறவை நாடிடுவாய்
தீயோரின் கூட்டுறவை விட்டு ஓடிடுவாய்

பசித்தோருக்கு உணவிட்டால் அவன் மகிழ்ந்திடுவான்
உன்னை பாசத்தோடு பக்கத்தில் நின்று காத்திடுவான்

அரிதாய் கிடைத்த மனித பிறவி
அவனை அறியாது போனால் கிடைக்கும் இழிபிறவி
உலக பற்றுகளை ஒதுக்கி இதை அறிந்தே
தவம் செய்வான் துறவி

கடமைகளை தவறாமல் காலத்தோடு செய்திடுவாய்
கண நேரமும் கடவுளை மறவாமல் வாழ்ந்திடுவாய்
காலமெல்லாம் கவலையற்று வாழ
அவன் அருள் செய்திடுவான்

நாம் செய்யும் அனைத்து செயல்களிலும் நான் என்ற அகந்தையின் சாயம் ஒட்டிக்கொண்டு உண்மையை அறியவிடாமல் அது தடுத்துகொண்டிருக்கும்

2011-12-13T17:52:00.000-08:00

மனம் என்று ஒன்றிருக்கும்வரை
எண்ணங்கள் இருக்கும்
எண்ணங்கள் இருக்கும்வரை
செயல்கள் இருக்கும்
செயல்கள் இருக்கும்வரை
விளைவுகள் இருக்கும்
விளைவுகள் இருக்கும்வரை வாழ்க்கையில்
இன்ப துன்பங்கள் இருந்துகொண்டே இருக்கும்
இன்பதுன்பங்கள் இருக்கும்வரை
மனதில் அமைதி இருக்காது

நமக்கு இன்பமும் துன்பத்தை தருகிறது
துன்பமும் இன்பத்தை தருகிறது
இன்பமும் துன்பமும் நிலையானதாக இல்லை
இரண்டும் மாறி மாறி வந்து நம்மை
ஆட்டி வைக்கின்றன
இதனால் மனித உறவுகளில் உரசல்கள்,
விரிசல்கள் ஏற்படுகின்றன

இன்பத்திற்கும் துன்பத்திற்கும்
அப்பாற்பட்ட ஒரு இன்பம் இருக்கிறது
அது எங்கே கிடைக்கும்?
அதை எப்படி அடைவது?
அந்த நிலையான இன்பத்தை நாடிதான்
ஒவ்வொரு மனித உயிரும் வாழ்நாள்
முழுவதும் அலைந்து கொண்டிருக்கின்றன
அதை நாம் அடையும் வரை
நம் தேடல் தொடர்ந்துகொண்டே இருக்கும்

எதை தேடுவது?
எங்கே தேடுவது?
யாரிடம் தேடுவது?
எப்படி தேடுவது?
அந்த தேடலில்தான் எவ்வளவு குறுக்கீடுகள்
எவ்வளவு ஏமாற்றங்கள்
எவ்வளவு இழப்புக்கள்
புற உலகில் அதை தேடி அலைந்து
மனிதர்கள் வாழ்நாள் வீணாகிவிடுகிறது
உண்மையில் அது, அந்த நிலையானஇன்பம்
நமக்குள் ஒளிந்துகொண்டிருக்கிறது
என்பதை அறியும்போதுதான்
நமக்கு உண்மை விளங்குகிறது
அப்போதுதான் நமக்குள் இருப்பதுதான்
அனைத்திற்குள்ளும் இருக்கிறது
என்ற அறிவு ஏற்படுகிறது
அப்போதுதான் இந்த உலகத்தின் மீதும்
அனைத்து உயிரினங்களின் மீதும்
உண்மையான அன்பு ஏற்படுகிறது

அன்பிருக்கும் இடத்தில எதிர்பார்ப்புகள் இல்லை
எதிர்பார்ப்புகள் இல்லாமையால் ஏமாற்றங்கள் இல்லை
ஏமாற்றம் இல்லையேல் மன அழுத்தம் இல்லை
மனம் எப்போதும் அமைதி நிலையில் இருக்கிறது
இவ்வுலக வாழ்வே இனிக்கிறது
மரணத்திற்கு பிறகும் நம்மை தொடர்ந்து வரும்
உயிரின் உண்மை நிலை அதுவே
அதை அடைந்த பிறகு மனது அமைதியடைந்து
வேறு எதையும் நாடுவதில்லை

அந்நிலையை அடையும் வரைக்கும்
நாம் செய்யும் அனைத்து செயல்களிலும்
நான் என்ற அகந்தையின் சாயம் ஒட்டிக்கொண்டு
உண்மையை அறியவிடாமல் அது தடுத்துகொண்டிருக்கும்

நமக்கு இறைவன் அனைத்தையும் அளித்திருந்தாலும்
அனைத்தையும் அவன்தான் நம் உள்ளிருந்து இயக்குகிறான்
என்ற தெளிவு வரும்வரை இந்த நான் என்ற எண்ணம்
நம்மை விட்டு நீங்க வாய்ப்பில்லை

மிக குறுகிய காலமே இந்த உலகில் வாழ போகும் நாம் இருக்கும் காலம் வரை பிறருடன் அன்பாக, நல்ல உறவை பேணி திருப்தியாக மன அமைதியுடன் வாழ முயற்சி செய்ய வேண்டும்

2011-12-13T02:38:00.000-08:00

என் உள்ளம் வெள்ளை என்றால் என்ன பொருள்?
சிலர் சொல்வார்கள்
உண்மையை உள்ளபடி உரைப்பவர்கள்
அப்படி உரைப்பதால் ஏற்படும் விளைவுகளை பற்றி
சிந்திக்காமலே

சிலர் பொருள் கொள்ளுவார்கள்
குழந்தை போன்ற உள்ளம் கொண்டவர்கள்
குழந்தைகள் உடனே அனைத்தையும் மறந்துவிட்டு
உடனே நடப்பதை ஏற்றுகொள்ளும்

அது குழந்தையாக இருக்கும்போது சரியாக வரலாம்
வளர்ந்த பிறகு அந்த குணம் சரிப்படுமா?
நமக்கு கெடுதலை செய்தவர்களை பழி
வாங்காமல் எப்படி இருக்க முடியும் ?
நம்மை வெறுத்து ஒதுக்கியவர்கள் மீது
அவர்கள் செயலை மறந்து எப்படி நாம் அன்பு
காட்ட முடியும்?

இப்படியாக சிந்தித்து கொண்டு
போனால் வாழ்வில் போராட்டங்களுக்கும்
துன்பங்களுக்கும்
நம் முடிவு வரை முடிவில்லை

பழி வாங்கும் எண்ணம் நீங்க வில்லை என்றால்
அது அடுத்த தலைமுறைக்கும் தொடர்ந்து
போய்கொண்டிருக்கும்

சரி. இனி தலைப்புக்கு வருவோம்

திரைப்படம் காட்டப்படும் திரை வெண்மையாக இருக்கிறது
படம் காட்டப்படும்போது பல வண்ணங்களில்
அது ஜொலித்தாலும் படம் காட்டி முடிந்த பிறகு
அது வெண்மையாகவே காட்சியளிக்கிறது

ஒவ்வொருமுறை காட்டப்பட்ட படங்களின் வண்ணங்களை
அது அப்படியே வைத்திருந்தால் மீண்டும் மீண்டும் படம்
அதில் பார்க்க முடியுமா?
அல்லது படங்கள் நன்றாகதான் தெரியுமா?

அதைபோல்தான் நம்முடைய மனமும் ஒரு வெள்ளை திரை
நாம் ஒவ்வொருமுறை கண் விழித்து படம் பார்க்கிறோம்
தூங்கும்வரை அப்போது நடைபெறும் அனைத்து உணர்ச்சிகளும் திரையிலேயே பசை போல் ஒட்டிகொள்கின்றன
அவை கோபமோ,தாபமோ , துக்கமோ,
மகிழ்ச்சியோ நம் மனத்திரையில் தங்கிவிடுவதால் நம்மால்
நம் வாழ்க்கை படங்களை சரியாக காண விடாமல் அமைதியின்றி தவிக்கின்றோம்

எனவே அடுத்த முறை படம் கண்டு மகிழ வேண்டுமென்றால்
நம் மனத்திரையை வெள்ளையாக வைத்துகொள்வோம்.
ஏற்கெனவே கண்ட காட்சிகளை மறந்துவிட்டு
தினமும் புதிய புதிய காட்சிகளை கண்டு மகிழ்வோம்

இரவு உறங்கியவுடன் நாம் இறந்து மீண்டும் விழிக்கும்போது
புதிய பிறவி எடுப்பதால் முக்கியமாக பழைய தீய நினைவுகளை மறந்து
தினமும் புதிய சிந்தனைகளுடன் இன்பமான வாழ்வை எதிர்கொள்வோம்

அதற்க்கு மிக எளிய வழி நாம் யாரை சந்தித்தாலும்
அவர்களை பற்றிய எண்ணங்கள் நம் மனதில் எழாது
அவரை அப்போதுதான் முதல்முதலாக சந்திப்பதாக கருதி
அவருடன் நல்லுறவை பேண முயற்சிக்கவேண்டும்
.
மிக குறுகிய காலமே இந்த உலகில் வாழ போகும் நாம்
இருக்கும் காலம் வரை பிறருடன் அன்பாக,
நல்ல உறவை பேணி திருப்தியாக மன அமைதியுடன்
வாழ முயற்சி செய்ய வேண்டும்
இந்த அணுகுமுறை நிச்சயம் பலன் தரும்

பிறந்தால் இறந்துதான் ஆகவேண்டும் இறந்தால் பிறந்துதான் ஆகவேண்டும்

2011-12-11T17:18:00.001-08:00

ஏன் பிறந்தாய் மகனே ஏன் பிறந்தாய்?
இல்லை ஒரு பிள்ளை என்று ஏங்குவோர் பலரிருக்க
இங்கு வந்து ஏன் பிறந்தாய் செல்ல மகனே?
நான் பிறந்த காரணத்தை நானே அறியுமுன்னே
இங்கு வந்து ஏன் பிறந்தாய் மகனே
என்ற வரிகளை முந்தைய தலைமுறை மக்களுக்கு
தெரியாமலிருக்க முடியாது

அதே நேரத்தில் கண்ணன் பிறந்தான்
எங்கள் மன்னன் பிறந்தான் என்று
உலகமே கொண்டாடும் பிறப்பும் இவ்வுலகில் உண்டு

பெண் சிசு என தெரிந்தால் சுற்றதிர்ற்கு அஞ்சி
கருவிலேயே அழிக்கும் பெண்கள் ஏராளம்
இன்று உலகெங்கும் அங்கு இங்கு எனாதபடி
பெண்களை கொடுமைபடுத்தி அவர்கள் வாழ்வை
கேள்விக்குறியாக்கும் நவீன காம காம கொடூரன்களின்
பார்வையிலிருந்து தப்பி நல்லதோர் வாழ்க்கை
பெண்ணினத்திற்கு அமைவது இன்றைக்கு கேள்விக்குறி

வறுமையினால் வாழ்க்கையை தொலைக்கும்
பெண்கள் ஒருபுறமிருக்க
வளமான வாழ்க்கையினால் மோகம் தலைக்கேறி
வாழ்க்கையை தொலைக்கும் பெண்கள் ஏராளம்

இவ்வளவு புதை குழிகள் இருந்தும் கடவுளை தேடி
அலைகின்ற மக்களும் இவ்வுலகில் இருக்கத்தான்
செய்கின்றனர்

உண்மையை தேடி பொய்களிடம் அடைக்கலம்
புகும் கூட்டம் தன இன்று அதிகம்
உண்மை எது பொய் எது என்று பகுத்தறிவது
மிக கடினம்

எல்லாவற்றிற்கும் ஒரு காரணம் உண்டு
காரணமில்லாமல் எந்த செயலும் இல்லை
நம் பிறப்புக்கும் நாம் முற்பிறப்பில் செய்த
நல்வினை,தீவினைகளே காரணம்

இப்பிறப்பிலாவது நல்லவர்களோடு சேர்ந்து
நல்லதை எண்ணி,நல்லவைகளை செய்து
நலம் பெறுவோம்
.
பிறந்தால் இறந்துதான் ஆகவேண்டும்
இறந்தால் பிறந்துதான் ஆகவேண்டும்

இந்த வட்டத்திலிருந்து விடுபட வேண்டுமானால்
இறைவனிடம் எந்த நிலையிலும் அசைக்கமுடியாத
நம்பிக்கையும் முயற்சியும் வேண்டும்
அதை அந்த இறைவன்தான் நமக்கு தரவேண்டும்.

திருந்திய வாழ்க்கை அமிழ்தினும் இனிது என்றார்

2011-12-11T01:39:00.001-08:00

இன்று உலகத்தில் தீய செயல் புரிபவர்களின்
எண்ணிக்கை பெருகிவிட்ட்டது

பிறரை துன்புறுத்தும்,வஞ்சிக்கும்,சுரண்டும்,
ஏமாற்றும் குணங்கள் ஒரு தனி மனிதனின் மனதில் தொடங்கி
,குடும்பத்தில் பரவி ,இன்று உலக அளவில் தீரா வியாதியாய்
மனித குலத்தை நிம்மதியாக வாழ முடியாமல் செய்துகொண்டிருக்கிறது
.
அவ்வப்போது தீயவர்கள் அழிக்கபட்டாலும் அவர்கள் விட்டு சென்ற பணிகள்
தயவில்லாமல் நடந்துகொண்டே இருக்கின்றன என்ன சிகிச்சை அளித்தாலும்
சாகா வரம் பெற்ற முற்றிய புற்று நோய் செல்கள் போல
.
நாளுக்கு நாள் விதவிதமான தீய செயல்கள் இவர்கள் மூலம் அரங்கேறிகொண்டிருக்கின்றன
.மக்களை ஆட்சி செய்யும் கூடாரத்திலும்
தீயவர்கள் நிறைந்திருப்பதால் அவர்கள் ஆளும் நாட்டு மக்களுக்கும் நிம்மதியில்லை,பாதுகாப்பில்லை,வசதியான வாழ்க்கையுமில்லை
.
வளம் கொழிக்கும் நாடுகள் வளம் குறைந்த நாடு மக்களிடையே சண்டைகளை மூட்டி அவைகளை ஒருவொருக்கொருவர் அழித்துக்கொண்டு சாவதை கண்டு ஆனந்தப்படும் வக்கிர புத்தியே மேலோங்கிகொண்டிருக்கிறது

இதற்க்கு மூல காரணம் இன்று மக்களிடையே ஒழுக்கம் இல்லை,நேர்மை இல்லை,அன்பில்லை,நல்லொதொரு பண்பு எதுவும் இல்லை
.
சுயநலமும்,பொறாமையும்,போட்டி மனப்பான்மையும்,பெருகிவிட்டதால்
மனித நேயமே அற்றுபோயவிட்டது

எண்ணங்கள் நல்லவையோ அல்லது தீயவையோ அவைகள் அழிவதில்லை
.
ஒரு கொடியவன் அழிக்கபட்டால் அவன் உடல்தான் அழிகிறதே தவிர அவன் மனதில் உள்ள தீய எண்ணங்கள் அழிவதில்லை

அதனால்தான் அவன் மீண்டும் இவ்வுலகில் வேறொரு உருவில் தோன்றி மக்களை துன்புறுத்துகிறான்.

எனவேதான் ஒரு மனிதன் இறப்பதற்கு முன் தன்னிடம் உள்ள தீய குணங்களை விட்டுவிடவேண்டும் திருந்தி வாழ வேண்டும்.
.
இறக்கும்போது தூய மனதுடன் இந்த உடலை விட்டால் அவனால் இந்த உலகத்திற்கு மீண்டும் துன்பங்கள் நிகழ வாய்ப்பில்லை
தவறுகள் செய்வது மனித இயல்பு

அதனால்தான் திருந்திய வாழ்க்கை
அமிழ்தினும் இனிது என்றார் நம் முன்னோர். .
.

வாழ்க்கை வாழ்வதற்கே! ஆம் அதுவும் இன்பமாக வாழ்வதற்கே

2011-12-10T17:23:00.001-08:00

வாழ்க்கை வாழ்வதற்கே!
ஆம் அதுவும் இன்பமாக வாழ்வதற்கே

இன்பமாக இருப்பதுதான் நம் ஆன்மாவின் இயல்பு
ஆனால் நடப்பது என்ன?

இறைவன் நாம் அனைவரும் இவ்வுலகத்தில் இருக்கும் வரை
சுகமாக,மகிழ்ச்சியாக வாழவே அனைத்து வசதிகளையும்
இலவசமாகவே வழங்கியுள்ளான்

ஆனால் இன்று உலகில் பெரும்பாலானோர் இறைவன்
அனைவருக்கும் வழங்கிய வசதிகளை தங்களுக்கு
மட்டும்தான் என கருதி சுயநல எண்ணத்துடன் பிறருக்கு
சேரவேண்டிய தனைத்தையும் தங்கள் ஆதிக்கத்தை
செலுத்தி அபகரித்துகொண்டுவிட்டனர்

அதனால் கோடிகணக்கான மக்கள்
அடிப்படை வசதிகள்,சுகங்கள் உரிமைகளின்றி துன்பபட்டுகொண்டிருக்கின்றனர்
.
தன சுகம்,சுயனலதிர்க்காக பிறரை துன்புறுத்தும்
குணம் கொண்டவர்கள் அரக்கர்கள்

ஆனால் எந்த காரணமும் இல்லாமல்
பிறரை துன்புறுத்தி கொடுமை செய்து
கொலை செய்பவர்கள் ராஷதர்கள்

இவர்களை எதிர்த்து அழிக்க வேண்டுமென்றால்
மக்களிடையே ஒற்றுமை வேண்டும்

ஜாதி,மதம்,மொழி,இனம்,நிறம்,ஏழை,பணக்காரன்,
என பல பிரிவுகளாக பிரிந்து,அறியாமைக்கும்,
மூட நம்பிக்கைகளில்,மது போதை,சிந்திக்கும் திறமையின்மை ,அவநம்பிக்கை போன்ற தீய குணங்களால் ஆட்பட்டு
மதி மயங்கி உள்ளவர்களால் என்ன செய்ய முடியும்?

உலகெங்கும் அவர்களின் போராட்டங்கள் நசுக்கபடுகின்றன.ஒடுக்கபடுகின்றன

இந்நிலையில் அனைவருக்கும் தங்களை
காப்பாற்றிக்கொள்ள இருக்கும் ஒரே வழி
இறைவனின் பாதங்களை முழுமையாக சரணடைவதுதான்
.
பாற்கடலில்,பள்ளி கொண்ட அரங்கன்,குரங்கனோடு சேர்ந்துகொண்டு
ராம பிரானாக அவதரித்து அரக்கர்களை அழித்து நல்ல நிர்வாகத்தை மக்கள்
வாழ அளித்தான்

அவன் பதங்களை சரணடைந்தால்
நம் அனைத்து துன்பங்களும் முடிவுக்கு வரும்.
ராமன் பரப்ரம்ம ஸ்வரூபம்.
அனைத்து கடவுள்களும் அவனின்
வெவேறு வடிவங்களே என்பதை உணர வேண்டும்.

பற்றுதான் அனைத்து துன்பங்களுக்கும் மூல காரணம்

2011-12-10T01:45:00.001-08:00

கடவுள் நம்பிக்கையுள்ளவர்கள்
பல வழிகளில் கடவுளை தேடுகிறார்கள்
பலர் தாம் வாழும் இந்த உலகில் தேடுகிறார்கள்.
சிலர் புத்தகங்களில் ,சிலர் தம் உள்ளத்தில்,
சிலர் மனிதர்களிடத்தில் என தேடல் பலவாறாக உள்ளது.
ஆனால் வெற்றியடைவது கோடியில் ஒருவரே.
அப்படிப்பட்ட சிலர் அந்த இன்பத்தில் மூழ்கி
அமைதியாக இருந்து விடுகின்றனர்.
ஒரு சிலர் அந்த அனுபவத்தை
மற்றவருக்கு சொல்ல முற்படுகின்றனர்.
ஆனால் உலக மாயையில் மூழ்கியிருக்கும் மக்கள்
அவர்கள் கூறுவதை செவி மடுப்பது கிடையாது.
தங்களின் கோரிக்கைகள் நிறைவேற
ஏதாவது மார்க்கம் கோரி அவர்களை
துன்புறுத்துவதால் அவர்கள் வெறுப்படைந்து
மக்கள் முன் தோன்றாமல் தங்களை
மறைத்துக்கொண்டு வாழுகின்றனர்.
உலக வாழ்வோடு ஒட்டாமல்
உலக கடமைகளை பற்றில்லாமல் செய்து
இறைவனை தேடுவது பகவத் கீதையில்
பகவான் காட்டிய சுலபமான வழி.
பற்றுதான் அனைத்து துன்பங்களுக்கும்
மூல காரணம் .
ஒரு பொருள்,ஒரு மனிதர் மீது
பற்று வைக்கும்போதுதான்
,விருப்பு வெறுப்புகள்,ஏமாற்றங்கள்,
துன்பங்கள் ஏற்படுகின்றன
அதனால்தான் பாவ புண்ணியங்கள்
விளைகின்றன
அவைகள் சேர சேர பிறவிகளின்
எண்ணிக்கை கூடி கொண்டே போகிறது
இதை உணர்ந்து கொண்டு
ஆன்மாவை தேடும் பயணத்தில்
எச்சரிக்கையாக இருக்க வேண்டும்

சுத்தம்தான் தான் கடவுள்

2011-12-09T22:22:00.001-08:00

கடவுள் பற்றிய இலக்கியங்களின் உண்மை பொருளுணராது

அவைகளை பழித்தும்,திரித்தும் ,இழிவு படுத்தியும்

மக்களின் மனதில் கடவுளை பற்றிய காலம் காலமாக

இருந்த நம்பிக்கைகளை அகற்ற கடும் முயற்சிகளை

செய்தனர் நாத்திகவாதிகள் .

ஆனால் இன்று ஆன்மிகம் கரை புரண்டோடுகிறது

லட்சகணக்கான மக்கள் விரதம் இருக்கின்றனர்,

ஆலயங்களுக்கு செல்கின்றனர்.

வழிபாடுகள் செய்கின்றனர்.

நாத்திகம் பேசும் பகுதறிவாதிகளின் குடும்பத்தினரே அவர்களின்

பேச்சை கேட்காமல் ஆன்மீகத்தை நாடுகின்றனர்.

ஒரு மனிதன் மற்றொரு மனிதன் மீது ஆதிக்கம்

செலுத்துவதும்,பிறரை இழிவுபடுத்துவதும்

ஆன்மீகவாதிகளை விட இந்த பகுத்தறிவு பேசும்

கூட்டத்தினரிடையே அதிகம் என்பதை சாமானிய

மக்கள் நன்கு அறிவர்

இன்று அவர்கள் கையில் அதிகாரம் இருப்பதால்

அவர்களிடம் பிழைப்புக்காக நாத்திக வேஷம்

போடுகின்றனரே தவிர

உண்மையில் அல்ல.

கடந்த காலங்களில் கடவுள் மீது பய உணர்வு இருந்ததால்தான்

நதிகள்,நீர் நிலைகள்,ஆலயங்கள் ,பொது இடங்கள் சுத்தமாக

இருந்தன

.நாத்திகம் பேசிய நயவஞ்சகர்களால் இன்று

தெய்வமாக போற்றி வணங்கப்பட்ட நதிகளில்,

இறைச்சி கழிவுகள்,சாய கழிவுகள்,மனித மிருக கழிவுகள் ,

ரசாயன கழிவுகள் அனைத்தையும் விட்டு நாசமாக்கிவிட்டனர்

தங்கள் நதிகளிளிருந்துதான் குடி நீரை பெற்று வாழ்கிறோம் என்பதை

சிந்தித்து பார்ப்பதேயில்லை .

ஏரிக்கரைகள்,குளக்கரைகள் நதிகரைகள்.கடற்கரைகள்

,காலியாக உள்ள இடங்கள் கட்டிடங்கள்,

சுற்றுலாதலங்கள்,ஆலய சுற்றுபுரங்கள்

என ஒரு இடம்கூட மிச்சம் வைப்பதே இல்லை

எல்லாவற்றிலும், சிறுநீர்கழித்தும் ,மலம் கழித்தும்,

குப்பைகளை கொட்டியும் அசுத்தம் செய்வதையே

தங்கள் இயல்பாக கொண்டுவிட்டனர்.

அரசுகள் கழிப்பிடங்கள் கட்டி தந்தாலும்

முறையாக பயன்படுத்துவதில்லை.

மேலும் அரசும் அவைகளை தொடர்ந்து பராமரிப்பதில்லை.

சுத்தம்தான் தான் கடவுள்

அதை புறக்கணித்துவிட்டு மற்ற புற வழிபாடுகள்

அனைத்தும் அனுசரிப்பது நம்மை நாமே

ஏமாற்றி கொள்ளும் செயலாகும்

இயற்கையை அசிங்கபடுத்தும் இந்த மூடர்களுக்கு

இறைவன் அருள் கிடைக்கும் என்பது கானல் நீரே .

நிலையற்ற உடலின் துணை கொண்டு நிலையான இறைஇன்பத்தை அடையத்தான் இந்த உடல் நமக்கு அளிக்கப்பட்டுள்ளது

2011-12-08T21:53:00.001-08:00

நமக்கு முடிவு நெருங்கிவிட்டது என

உணர்த்த தலை முடி நரைக்கும்

ஆனால் அதை உணராது இன்று மக்கள்

நரை மயிருக்கு சாயம் பூசி

முதுமைகோலத்தை மறைக்க

பார்க்கிறார்கள்

hair will die at any moment

அழியபோகும் அந்த மயிருக்கு

hair dye பூசுவதிலேயே பெரும் பணத்தை

செலவழிக்கிறார்கள்

இருந்தாலும் சில நாட்களுக்கு பிறகு சாயம் வெளுத்துவிடுகிறது

ஒரு கால கட்டத்தில் ஒரு சாயமும் பயன்படுவதில்லை

இன்னும் சிலர் தலை முழுவதும் வழுக்கை ஆகிய பின்னும்

விக் வைத்துகொண்டு திரிகின்றனர்

பணம் படைத்தவர்கள் மண்டையில் மயிர் முளைக்க

பலவிதமான சிகிச்சைகளை மேற்கொள்ளுகின்றனர்

மயிரை அறுவை சிகிச்சை மூலம் தலையில் நடும்

படலமும் அரங்கேறிகொண்டிருக்கிறது

இப்படியாக உடலின் பழுதடைந்த ஒவ்வொரு

பகுதியையும் சீர்படுத்த காலத்தையும் பணத்தையும்

வாழ்நாள் முழுவதையும் வீணடிக்கின்றனர்

இவர்களை என்னவென்று சொல்வது?

பிறர் தம்மை மெச்ச வேண்டும் என்று இவர்கள்

இவ்வாறு செய்கின்றனர்

நிலையற்ற உடலின் துணை கொண்டு நிலையான

இறைஇன்பத்தை அடையத்தான்

இந்த உடல் நமக்கு அளிக்கப்பட்டுள்ளது

என்று இவர்களிடம் ஆன்மிகம் பற்றி பேசினால்

நம்மை பயித்தியக்காரர்கள் என்றும் ,

இவ்வுலக வாழ்க்கை எல்லா சுகங்களையும்

அனுபவிப்பதற்கே என்றும் திமிராக பேசுகின்றனர்

ஆனால் வாழ்க்கையில் எதிர்பாராத துன்பங்களோ,

தீர்க்க முடியாத நோய்களோ,இழப்புகளோ

ஏற்பட்ட பின்புதான் இவர்களுக்கு கடவுளை

பற்றிய நினைப்பே வரும்

ஆனால் அப்போதும்கூட திருந்தாதவர்

பலர் உண்டு. இவ்வுலகில்

உயிரை ஏன் வளர்க்க வேண்டும் ?

2011-12-08T17:10:00.001-08:00

கிடைத்தற்க்கரிய இந்த மனித பிறவி கிடைத்தும்
இந்த மனித குலம் பிறவியின் நோக்கத்தை மறந்து
வாழ்நாள் முழுவதும் கிடைத்ததைஎல்லாம்
வயிற்றுக்குள் தள்ளுவதுதான் தன கடமையாக
நினைத்துக்கொண்டு மடமையுடன்
செயல்பட்டுகொண்டிருப்பது
வேதனைக்குரிய விஷயம்

ஒருநாள் பிணமாக போகும் மனிதன் பிற உயிர்களை கொன்று
அவைகளை விதவிதமாக சமைத்து தன உடலை கொழுக்க வைக்கின்றான்.
கொழுத்த உடல் பருத்து நோய்களின் இருப்பிடமாகி மடிந்து போய்
பருந்துகளுக்கும்,நரிகளுக்கும்,நாய்களுக்கும்,நெருப்புக்கும் இரையாகி
போவதை தினம் தினம் கண்ணுற்றும் அவன் மனதில் எந்த சலனமும் ஏற்படுவதில்லை

உடம்பார் அழியின் உயிரார் அழிவர் .
உடலை வளர்த்தேன் உயிரை வளர்த்தேனே
என்றார் திருமூலர்

உயிர் அழியாமலிருக்க உடலை வளர்க்கத்தானே சொன்னார்
காண்பதனைத்தையும் தின்று கொழுக்க அல்லவே

உடலை வளர்த்தால் மட்டும் போதாது
உயிரையும் வளர்க்க வேண்டும் என்று சொன்னதை
மனிதர்கள் ஏன் மறந்தனர்?

உயிரை ஏன் வளர்க்க வேண்டும் ?

இந்த ஊனுடலில் உத்தமன் கோயில் கொண்டுள்ளான்
என்பதை அறிந்து தெளிந்ததை நமக்கெல்லாம்
புரியும்படி விளக்கியுள்ளார்

அந்த உயிரின் துணை கொண்டு இந்த உடலில் உறைந்து நம்மையும்
இந்த உலகனைத்தையும் இயக்குகின்ற ஒலி மற்றும் ஒளி வடிவான
இறைவனை அறிந்து கொள்ளவேண்டும் என்பதற்காக
புற இருள் நீங்க உலகில் தீபம் ஏற்றி வழிபடுதலும்
அக ஒளியான இறைவனை காண சத்தியத்தையும்
கடைபிடிக்க சொன்னார்கள் ஆன்றோர்

கார்த்திகை தீப திருநாளில் இந்த சிந்தனையை மனதில் நிறுத்தி
கிடைத்தற்கரிய இப்பிறவியை பயனுள்ளதாக ஆக்குவோம்

வயிற்றை மட்டும் நிரப்பும் பணியை மட்டும் எந்நேரமும் செய்யாமல்
மணிவயிறு வாய்த்த கோசலை மகனான ராம நாமத்தை
உச்சரித்து உய்வடைவோமாக

என்று மறையும் இந்த விரோத போக்கு?

2011-12-04T17:46:00.001-08:00

என்று மறையும் இந்த விரோத போக்கு?

முஸ்லிம்கள் கிறிஸ்துவர்கள் மீது பகைமை கொண்டு

அவர்களை பழி தீர்ப்பதும் அதற்க்கு பதிலாக கிறிஸ்துவர்கள் முஸ்லிம்கள் மீது பழி தீர்ப்பதும்

பல நூற்றாண்டுகளாக நடைபெறும் இந்த மோதல் போக்கில் அழிவது ஒன்றும் அறியாத அப்பாவி மக்களும் அந்த நாட்டு வளங்களும்

போரினால் பெரிதும் பாதிக்கபடுபவர்கள் பெண்களும் குழந்தைகளுமே

இரு மதத்தினரும் இந்து மதத்தை இழிவுபடுத்துவதையும் மக்களின்

அறியாமையையும் ஏழ்மையையும்,ஒரு சிலரின் சுயநலத்தையும்

பயன்படுத்தி மதம் மாற்றம் செய்வதையும் சமீப காலமாக

அதிகரித்து வருவதும் அதனால் இந்திய நாட்டில் பல இடங்களில்

சமூக அமைதி குறைந்து வருவதையும் நாம் பார்க்கின்றோம்

மதத்தின் பெயரால் இன்று மக்களிடையே ஒருவர் மீது ஒருவர் அவநம்பிக்கையும் ,அவர்களின் மனதில் மிருக உணர்ச்சியை தூண்டிவரும்

ஒரு சில விஷமிகள் ஒற்றுமையாய் வாழும் மக்கள் ஒருவொருக்கொருவர்

அடித்துக்கொண்டு அழிவதற்கு வழி வகுப்பதும் தினசரி நிகழ்வாகிவிட்டது

கடவுள் நம்பிக்கையில்லா சீன அரசும் அஹிம்சையை போதிக்கும் புத்த மதத்தை சார்ந்த திபெத்தை ஆக்கிரமித்து அங்குள்ள மக்களை கொடுமைபடுத்தியதால் லட்சகணக்கில் அகதிகளாக வேறு நாடுகளில் அந்நாட்டு மக்கள் தஞ்சம் புகுந்துள்ளனர்

இன்று அநேகமாக உலகில் எல்லா நாடுகளிலும் உள்ள வெவ்வேறு இனங்களை சேர்ந்த தலைவர்கள் மற்ற இனங்களை கொன்று துன்புறுத்தி அழித்து இன்பம் காண்பது தொடர்கதையாகிவிட்டது

விலங்குகளை போல் அறிவில்லாமல் ,ஒருவொருகொருவர் அன்பு

பாராட்டாமல் சுயநலத்துடன் பிறரை கொடுமைபடுத்தி,பிறரை வஞ்சித்து

வாழ்க்கை நடத்தவா இந்த உலகை இறைவன் படைத்தான்?

நாம் கேட்காமலேயே கோடிகணக்கான இன்பங்களை இறைவன் அள்ளி அள்ளி தந்தது மானிடம் முழுவதும் அன்போடு ஒருவொருகொருவர் உதவி செய்துகொண்டு மகிழ்வோடு வாழவே

ஆனால் இங்கு நடப்பதை நினைத்தால் நெஞ்சம் பதறுகிறது

மனதில் இரக்கமுள்ளவன் உறங்கமுடியவில்லை

உருக்கமுள்ளவன் இறைவன் திருவடிகளிடம் இந்நிலை மாற பிரார்த்தனை செய்வதை தவிர வேறு வழியில்லை

அன்பர்களே அனைவரும் இந்நிலை மாற தினமும் காலையில் எழும்போது

தீய சக்திகளின் மனதில் நல்ல எண்ணங்கள் தோன்றி பகைமையற்ற பொழுதாக தினம் விடிய வேண்டும் என்று ஒரு கணம் இறைவனிடம் இந்த உலகிற்காக மன்றாடுங்கள்

அதில்தான் அனைவரும் நலமும் அடங்கியுள்ளது.

பாசம் என்பது சுயநலம் கொண்டது அன்பு சுயநலமற்றது

2011-12-04T05:30:00.001-08:00

பாசம்தான் நம்மை பந்தத்தில் சிக்க வைக்கிறது

பாசம்தான் நம்மை பாவம் செய்ய தூண்டுகிறது

பாசம்தான் நம் கண்களை மறைக்கிறது

அப்படியானால் பாசம் இல்லாவிடில் இந்த உலகம் இயங்க முடியுமா?

ஒரு குழந்தைக்கு தாயின் பாசம் இல்லாவிடில் அது ஆரோக்கியமான

மனநிலையில் வளரமுடியுமா என்றால் நிச்சயம் முடியாது

பாசம் தேவைதான்

ஆனால் அளவுக்கு மீறிய பாசம் பாசம் காட்டுபவரையும்

பாசத்திற்குஆளானவரையும் ஒரு சேர அழித்துவிடும்

மகாபாரதத்தில் திருதராஷ்ட்ரன் தன் மகன் துரியோதன் மீது வைத்த

அளவுகடந்த பாசத்தால் அவன் செய்த தீய செயல்கள் அனைத்தையும் கண்டும் காணாமல் இருந்ததால் அவன் தீயவனாகி தீய செயல்களை செய்து

அவனும் அவன் வம்சமும் அழிய காரணமாகிவிட்டான்

ராமாயணத்தில் கைகேயி தன் மகன் பரதனிடம் வைத்த

பாசத்தால் தன் கணவனை இழந்தாள்,தன் மகனின் அன்பையும் இழந்தாள்

இப்படியாக ஒவ்வொரு குடும்பத்திலும் இதுபோன்ற சம்பவங்கள்

அரங்கேறிக்கொண்டுதான் இருக்கின்றன

ஆனால் யாரும் தங்களை திருத்திகொள்ளவில்லை என்பது வேதனைக்குரியது

எல்லோரிடம் அன்பு காட்ட வேண்டும்

பாசம் என்பது சுயநலம் கொண்டது

அன்பு சுயநலமற்றது

இரண்டிற்கும் உள்ள வேறுபாட்டை புரிந்துகொண்டால் வாழ்க்கை இனிக்கும்

பொறுப்புகளுக்கு பயந்து ஓடிபோனால் பலபிறவிகளுக்கு பந்தம் நம்மை துரத்தும்

2011-12-03T22:36:00.000-08:00

ஒரு கவிஞன் எழுதினான்

தந்தை தவறு செய்தான்

தாயும் இடம் கொடுத்தாள்

வந்து பிறந்து விட்டோம்

பந்தம் வளர்த்துவிட்டோம் என்று

பத்து மாத பந்தம் தாயுடன்

பிறக்கும்போதே பூர்வ ஜன்ம பந்தம்

பிறந்தவுடன் ஏற்ப்படும் பந்தங்கள் கணக்கற்றவை

உடலோடு தோன்றும் பந்தங்கள் மரணத்தோடு முடிவடைந்துவிடும்

ஆனால் மனதோடு தோன்றும் பந்தங்கள் என்றும் அழிவதில்லை

அவைகள் பிறவிதோறும் நம்மை தொடர்கின்றன

இதிலிருந்து எப்படி விடுபடுவது ?

உயிருடன் இருக்கும்போதே பந்தங்களை

உரிய முறையில் நீக்கிகொள்ள வேண்டும்

நம் கடமைகளை சரியாக செய்துவிட்டால்

ஒவ்வொரு பந்தமாக நம்மை விட்டு நீங்கிவிடும்

உதாரணத்திற்கு ஒரு தாய் தன் குழந்தையை

நன்றாக,ஒழுக்கமுள்ளவனாக வளர்க்க வேண்டும்

அதுபோல் ஒவ்வொருவரும் அவரவர்களின்

கடமைகளை சரியாக செய்து முடிக்க வேண்டும்

தவறினால் அதனால் ஏற்ப்படும் விளைவுகள்

மிகவும் மோசமாக இருக்கும் என்பதை

இன்றைய சமுதாயத்தில் பெருகிவிட்ட

ஒழுக்க சீர்கேடுகளும் குற்றங்களுமே இதற்க்கு சான்று

என்பதை அனைவரும் அறிந்ததே

அவ்வாறு செய்யாமல் பந்தங்களிலிருந்து

நம்மை விடுவித்துக்கொள்ள முடியாது

பொறுப்புகளுக்கு பயந்து ஓடிபோனால்

பலபிறவிகளுக்கு பந்தம் நம்மை துரத்தும்

நம்மிடமிருந்து பிரிக்கமுடியாத பந்தம் ஒன்று உண்டென்றால்

அது இறைவனுக்கும் நமக்கும் உள்ள உறவு

மற்ற பந்தங்கள் அனைத்தும் தற்காலிகமே

நாம் இறைவனை நினைத்துகொண்டே இருந்தால்

மற்ற பந்தங்களெல்லாம் தானே விலகிவிடும்.

இல்லாவிடில் இறைவன் நீக்கிடுவான்

அதிகம் படிக்க படிக்க வீண் கர்வமும் படிக்காதவர்களை அவமதிக்கும் குணமும் அதிகரிக்கும்

2011-12-03T17:30:00.000-08:00

கடவுள் நம்பிக்கை கொண்டவர்கள் தம்மையும்

இந்த உலகையும் படைத்த ஒருவனை

இறைவன்என்று நம்புகிறார்கள்

இறை நம்பிக்கை இல்லாதவர்கள் என்று தங்களை

கூறிகொள்ளும் நாத்திகர்கள் கூட தங்களுக்கு

புரியாமல் இருக்கும் விஷயங்களை இயற்க்கை என்று

பெயர் சூட்டி மக்களை குழப்புகின்றனர்

அறிவுடையவன் அவனை பற்றி

அறிந்து கொள்ள பல சாத்திரங்களை

படித்து பல வழிகளில் இறைவனை புரிந்து

கொள்ள கடும் முயற்சிமேற்கொள்ளுகிறான்

அவனுக்கு குழப்பம்தான் முடிவில் மிஞ்சுகிறது

ஏனென்றால் ஒவ்வொன்றும்

ஒவ்வொரு வழியை கூறுகின்றன

ஒரு சாத்திரம் கூறும் வழியை மற்றொரு

சாத்திர ஆசிரியர் ஏற்றுகொள்ளமறுப்பதுடன்

கண்டிக்கவும் செய்கின்றார்

அதனால் ஒவ்வொரு முறையையும்

பரிசீலித்து பார்ப்பதிலேயே அவன் வாழ்க்கை முடிந்துவிடுகிறது

பலபுராணங்களை இயற்றிய வியாச பகவானே

மன அமைதியின்றி பகவான் கண்ணனின் லீலைகளை

விவரிக்கும் பக்தி இலக்கியத்தை இயற்றி

மன அமைதி அடைந்தார்.என்பது உண்மை

சாத்திரங்களை வாழ்நாள் முழுவதும் படித்துகொண்டிருப்பதில்

யாதொரு பயனும் இல்லை

அதிகம் படிக்க படிக்க வீண் கர்வமும்

படிக்காதவர்களை அவமதிக்கும் குணமும்

அதிகரிக்கும் அதனால் ஆன்மீகத்தில்

எந்த முன்னேற்றமும் ஏற்ப்படாது

ஏதாவதொரு வழியை பின்பற்றி நம்பிக்கையுடன்

மன உறுதியுடன் இறைவனை அடைவதற்கு

முயற்சி செய்பவனே வெற்றி காண்கிறான்

பாமரர்கள் அவன் மீது கள்ளமற்ற உள்ளத்துடன் பக்தி செய்து

மிக சுலபமாக அவன் அருளை பெற்றுவிடுகின்றனர்

என்பதற்கு ஏராளமான சான்றுகள் இருக்கின்றன

இந்த உலகத்தில் எதற்காக பிறக்கிறோம்?

2011-12-03T08:28:00.000-08:00

இந்த உலகத்தில் எதற்காக பிறக்கிறோம்?

ஒரு குறிப்பிட்ட காலம் வாழ்ந்து மரிக்கிறோம்

இந்த இடைப்பட்ட காலத்தில்தான் எத்தனை குழப்பங்கள்

இறைவன் நாம் கேட்காமலேயே நமக்கு வேண்டியதனைதையும்

நாம் இன்பமாக வாழ அளித்துள்ளான்

ஆனால் நம் ஏன் அவன் தந்தஇன்பங்களை அனுபவிக்காமல்

துன்ப கடலில் மூழ்கி கிடக்கிறோம் ?

எல்லாம் இருந்தும் அதை முழு திருப்தியுடன்

அனுபவிக்காமல் இல்லாததை நினைத்து

ஏங்குகிறோம்?

நம்மால் ஒரு அளவிற்குமேல் எதையும்

அனுபவிக்கமுடியாது என்று தெரிந்தும்

பிறரின் சொத்துக்களை அபகரித்து ஏன்

மற்றவர்களின் மகிழ்ச்சியை கெடுக்கிறோம்?

எல்லாவற்றிற்கும் காரணம் நம்முடைய சுயநலம்தான்

அந்த தீய அக்குணம் நம்மை விட்டு போகும்வரை

நாமும் நிம்மதியாக இருக்கமுடியாது

மற்றவர்களும் நிம்மதியாக இருக்க முடியாது

இறைவா நீதான் உன் படைப்புகளுக்கு

நல்ல குணத்தை அருள வேண்டும்

உன் வேதனைக்கு பிறரை நிந்தனை செய்வதை நிறுத்து

2011-12-02T17:28:00.000-08:00

இறைவா உன்னை நினைக்க முடியாமல்

துன்பங்களை அடுத்தடுத்து தருகிறாயே

துன்பங்களை மறக்க முடியவில்லை

துன்பங்களை பொறுத்துகொள்ளும் உடல் உறுதியோ

மன உறுதியோ இல்லை

ஒரு துன்பம் நீங்கினால் அடுத்த துன்பம்

வாசலில் தயாராக நிற்கிறது

உடலில் நோய் என்ற நிலை மாறி

உடலே நோயாக மாறிவிட்டதே

எல்லாம் இந்த உடல் மீது வைத்த

பற்றினால் விளைந்தது

இந்த உடலுக்குள் உள்ளத்திற்குள்

உறைந்து என்னை இயக்கும் உன் மீது

பற்று வைக்காமல் வந்த வினைதான் இது

மனமே இனியாவது உன் கவனத்தை

இறைவன் மீது செலுத்து

உன் துன்பங்கள் குறையும்

அவன் நாமத்தை உச்சரி

அந்த நாமத்தின் நாதத்தின் மீது

சிந்தனையை செலுத்து

உன் வேதனைக்கு பிறரை நிந்தனை

செய்வதை நிறுத்து

வேதனைகள் குறையும்

வாதனைகள் நீங்கும்

பயிரை காக்கும் மழை போல்

உயிருக்குயிரான இறைவன்

உண்மையான பக்தனை காப்பான். .

இறைவனிடம் அசைக்கமுடியாத மன உறுதி வேண்டும்

2011-12-02T04:40:00.000-08:00

இறைவன் தன்னை அறிய முயற்சிப்பவர்களுக்கு

உதவ தயாராக காத்துகொண்டிருக்கிறான்

ஆனால் யாரும் அவனை கேட்பதுமில்லை,விரும்புவதுமில்லை

அவனிடம் செல்பவர்கள் எல்லாம் தங்கள் கோரிக்கைகளை

நிறைவேற்றித்தருமாறு மட்டுமே கேட்கின்றனர்

அதற்காக எத்தனை துன்பங்களை வேண்டுமானாலும்

அனுபவிக்க தயாராக இருக்கின்றனர்

அங்க பிரதத்ஷனம் செய்ய வேண்டுமா?

மொட்டை போட வேண்டுமா?

பல நூறு கிலோமீட்டர் நடந்து பாதயாத்திரை செல்ல வேண்டுமா?

ஆடு கோழி பலி கொடுக்க வேண்டுமா?

இல்லை நர பலி கொடுக்க வேண்டுமா?

தங்க தேர் இழுக்க வேண்டுமா?

யாகம்,ஹோமம் பண்ண வேண்டுமா?

கிரி வலம் வர வேண்டுமா?

இல்லை தீ மிதிக்க வேண்டுமா?

இல்லை உடல் முழுவதும் அலகு குத்திக்கொள்ள வேண்டுமா?

மண்டையில் தேங்காயை உடைத்துக்கொள்ள வேண்டுமா?

இன்னும் எத்தனையோ பிரார்த்தனைகள்

கணக்கே இல்லை

இவையெல்லாம் எதற்கு செய்ய வேண்டும்

நாம் செய்த பாவ புண்ணியத்திற்கு தகுந்தாற்போல்

நாம் ஏழையாகவோ,செல்வந்தனாகவோ இருக்கபோகிறோம்

நமக்கு நல்ல வாழ்க்கை அமைவதும் அதை பொறுத்ததே

பின் எதற்காக இத்தனை துன்பங்களை வேண்டி விரும்பி

ஏற்றுக்கொண்டு துன்பப்படவேண்டும்

நம் விருப்பம் நிறைவேறிவிட்டால்

அத்தோடு முடிவடைந்துவிடுமா நம் கோரிக்கைகள்?

ஒரு ஆசை முடியும் முன்பே அடுக்கடுக்காக ஏராளமான

ஆசைகள் வரிசையில் நிற்கின்றனவே?

ஆனால் இதையெல்லாம் யாரும் எண்ணி பார்ப்பதில்லை

அவர்களை சுற்றி இருப்பவர்களும் அவர்களை சிந்திக்க விடுவதில்லை

பொறுமையாக சிந்தித்தால் இவையெல்லாம் தேவையா என்று புரியும்

இந்த மாயையிலிருந்து விடுபடுவது மிக கடினம்

அதற்க்கு இறைவனிடம் அசைக்கமுடியாத மன உறுதி வேண்டும்

அப்போதுதான் வெற்றி கிடைக்கும்

புத்தகங்களில் இறைவனை தேடினால் கிடைப்பானா?

2011-12-02T00:10:00.000-08:00

புத்தகங்களில் இறைவனை தேடினால் கிடைப்பானா?

நிச்சயம் கிடைக்க போவதில்லை

எவ்வளவு காலம்தான் புராணங்களையும் பக்தி நூல்களையும் படித்து கொண்டிருப்பது?

எவ்வளவு காலம்தான் சித்தர்களையும் சாமியார்களையும்

கடவுளை காட்டுவார்கள் என்று நம்பி வாழ்நாளை வீணாக்கி கொண்டிருப்பது?

யாரும் எதுவும் காட்டபோவதில்லை

எவ்வளவுதான் சாத்திரங்களை கற்றாலும்

ஒன்றும் கடவுளை பற்றி அறிந்துகொள்ளமுடியாது

மனம் அடங்காமல் ஒன்றும் தெளிவாகாது

சினம் அடங்காமல் உள்ளத்தில் அமைதி பிறக்காது

ஆசைகள் இருக்கும்வரை மனம் ஓடிக்கொண்டுதான் இருக்கும்

ஆசைகளை அழிக்கமுடியாது. முதலில் அதன் எண்ணிக்கையை குறைத்து

இறைவனிடம் மட்டும் ஆசையை வளர்த்துகொள்ளவேண்டும்

அந்த ஆசை பலன் கருதா பக்தியாக கனிய செய்ய வேண்டும்

இறைவனிடம் பக்தி ஒன்றினால் மட்டுமே

அவனை அடைய முடியும்

ஒன்பது விதமான பக்தியில் நண்பனாக,குழந்தையாக தந்தையாக என

அவரவருக்கு ஏற்ற ஒன்றை தேர்ந்தெடுத்து

இவ்வுலக கடமைகளை அந்த பாவனையுடன் ஆற்ற பழக வேண்டும்

அதை விடுத்து மலருக்கு மலர் தாவும் வண்டு போல்

எந்த முறையிலும் நிலைத்து நிற்காமல் போய்கொண்டிருந்தால்

எதுவும் சித்திக்காது

வாழ்நாளும் முடிந்துவிடும்

2011-12-01T08:10:00.001-08:00

இன்று யோகி ராம்சுரத்குமார் பிறந்தநாள்

காசியில் பிறந்து அண்ணாமலையில் சுற்றி திரிந்து

அங்கேயே அயிக்கியமான மகான்

ராம நாமத்தை ஜபித்தால் உயர்ந்த நிலையை அடையலாம்

என்று நம் கண் முன்னே நிரூபித்து காட்டியவர்

அவர் காட்டிய வழியில் சென்று நாமும் உய்வோம்

உலகத்திலேயே தீர்க்கமுடியாத பிணி பிறப்பும் பசியும்தான்

2011-11-30T23:38:00.000-08:00

நோயற்ற வாழ்வே குறைவற்ற செல்வம் என்பார்கள்

இன்று நோயில்லாத மனிதர்களே இல்லை

நோய்கள் பலவிதமான அவதாரங்களை எடுத்து

மனிதர்களை வாட்டி வதைக்கின்றன

பிறக்கும்போதே நோயுடன் பிறக்கும் குழந்தைகள்

எப்போதாவது வந்து போகும் நோய்கள்

வந்தபிறகு நிரந்தர பாதிப்பை விட்டு செல்லும் நோய்கள்

வாழ்நாள் முழுவதும் வேதனைபடுத்தும் நோய்கள்

உணவிற்கு பதில் மருந்துகளே உண்டு வாழவேண்டிய நோய்கள்

மனதை பாதிக்கும் நோய்கள்

உடலை பாதிக்கும் நோய்கள்

மனம் உடல் இரண்டும் பாதிக்கும் நோய்கள் இப்படியாக நோய்களால்

மனித குலம் மிகுந்த துன்பங்களை சந்திதுகொண்டிருக்கிறது என்பது உண்மை

நோய் வந்தால் நோயால் பாதிக்கபடுபவர் மட்டும் துன்பபடுவது மட்டுமல்லாமல்

பெற்ற்றோர்கள் அவர்களை சார்ந்தவர்களும் துன்பபடுவது இயற்கையே

நோய்க்கு மருத்துவ சிகிச்சைகள் ஒரு புறம் இருக்க, மந்திரம்

,ஜோதிட பரிகாரம் மாந்திரீகம் கோயில்கள்,போலி சாமியார்கள் என தீர்வை தேடி அலைவது வேறு மக்களை அலைக்கழிப்பது நடக்கிறது

இப்படி நோய்களுக்கு ஏழைகள், செல்வந்தர்கள் என்ற விதிவிலக்கு கிடையாது

இந்த உலகில் பிறந்தவர்கள் நோயில்லாமல் வாழமுடியாதா?

நிச்சயம் முடியாது .நம்முடைய முன் வினைபயன்களால் நோய் வருகிறது

அதை பொறுமையுடன் அனுபவித்துதான் தீர்க்கவேண்டும்.

இனிமேலாவது தவறுகள் செய்யாவண்ணம்

வாழ்க்கையை அமைத்து கொள்ள வேண்டும்

செல்வம் உள்ளவர்கள் துன்பபடுவோர்க்கு உதவவேண்டும்

உடல் நலம் உள்ளவர்கள் உடல் நலம் பாதிக்கப்பட்டவர்களுக்கு உதவ வேண்டும்

எதுவும் செய்ய இயலாதவர்கள் இறைவனிடம் பிறர் துன்பம் தீர பிரார்த்தனை செய்ய வேண்டும்.

உலகத்திலேயே தீர்க்கமுடியாத பிணி பிறப்பும் பசியும்தான்

பிறந்தால் இறக்கவேண்டும் இறந்தால் மீண்டும் பிறக்கவேண்டும்

பசி உண்டால் நிற்கும் செரிமானம் ஆகியவுடன் மீண்டும் பசிஎடுக்கும்

தீர்க்க இயலா இரண்டு பிணிகளையும் தீர்க்க

இறைவனை சரணடைவதை தவிர வேறு வழியில்லை

மற்ற பிணிகளுக்கு நிச்சயம் இந்த உலகில் மருந்துண்டு. அதை தேடி பெறலாம்.

துஷ்டத்தனம் செய்யும் குழந்தைகளை தந்தையான இறைவன் பார்த்துக்கொள்ளுவார்

2011-11-30T17:30:00.000-08:00

என்னாட்டவருக்கும் இறைவா என்கிறீகள்

அப்போது அந்த சிவபெருமான் மற்ற மதத்தினருக்கும் இறைவன்தானே

ஹிந்துக்கள் அவனுக்கு குழந்தைகள் என்றால் அவர்களும் அவனுக்கு குழந்தைதானே

ஒரே தாயின் வயிற்றில் பிறந்த குழந்தைகள் அனைவரும் ஒரே மாதிரி இருப்பதில்லை

ஒருவன் ஆன்மீகவாதியாக இருக்கிறான்

ஒருவன் நாத்திகனாக இருக்கிறான்

ஒருவன் பண்புள்ளவனாக இருக்கிறான்

இவன் தீயவனாக இருக்கிறான்

இப்படி ஒவ்வொருவரும் ஒவ்வொருவிதமாக இருக்கின்றனர்

ஆனால் இறைவனுக்கு அனைவரும் ஒன்றே

இறைவனை அறிந்துகொண்டால்தான் மற்றவர் மீது விருப்பு வெறுப்பு அகலும்

தன்னை அறிந்தவனுக்குதான் பிறரை அறிந்துகொள்ளமுடியும்

அனைவரையும் இணைப்பது அன்பு ஒன்றுதான்

தனக்கு நன்மை செய்பவனும்,தன்னை வெறுப்பவனும் ஞானிகளுக்கு ஒன்றாகத்தான் தெரிகிறார்கள்

துஷ்டத்தனம் செய்யும் குழந்தைகளை தந்தையான இறைவன் பார்த்துக்கொள்ளுவார்

மற்றவர்களை திருத்தும் பொறுப்பை அவனிடம் விட்டுவிட்டு அவனிடம் பக்தி மட்டும் செலுத்துங்கள்

மற்ற மதத்தினரிடம் அவர்கள் செய்வது தவறேயாயினும் அவர்களிடம் விரோதம் பாராட்டுவதை விடுத்து நம் மதத்தினரின் நம்பிக்கைகளை பலபடுத்தும் செயல்களை ஊக்குவித்தால் நன்மைகள் விளையும்

தியாகம்தான் உலகில் உயர்ந்தது

2011-11-30T08:35:00.000-08:00

மரங்களை பார்த்து கற்றுக்கொள்ளுங்கள்.

என்ன மரங்கள் என்றால் மட்டமா?

மனிதனுக்குள் ஆத்மா இயங்குவதுபோல்

ஒவ்வொரு மரத்திற்கும் உயிர் இருக்கிறது

.அதனுள்ளே ஆத்மா இருக்கிறது.

மரமும் ஒரு பிறவிதான்

பாகவதம் படித்தால் தெரியும்

நிர்வாணமாக திரிந்த இரு மனிதர்கள் ஆடையில்லாத

மரமாக பிறவி அடைந்தனர்

அவர்களுக்கு கண்ணபிரான் முக்தி அளித்தான்

மரங்கள் எங்கும் செல்வதில்லை.

ஆனால் அது வளருகிறது,பூக்கிறது,காய்க்கிறது,

கனிகள் தருகிறது,அடுத்த தலைமுறைக்கு விதைகள் தருகிறது.

வெயில் நேரத்தில் நிழல் தருகிறது.கால்நடைகளுக்கு உணவாகிறது.

ஆயிரகணக்கான பூச்சிகளுக்கும், பறவைகளுக்கும் தங்க இடம் தருகிறது

.மனிதனுக்கு வேண்டிய அனைத்தையும் தருகிறது.

அவன் பிறக்கும்போது தொட்டிலாகவும் வாழும்போது கட்டிலாகவும்,உட்காரும்போது இருக்கையாகவும்,அவன் மரிக்கும்போது பாடையாகவும்,அவனை எரித்து சாம்பலாக்க விறகாகவும் உதவுகிறது.

மனிதர்கள் வெளிவிடும் கரிமிலவாயு போன்ற நச்சு வாயுக்களை

உட்கொண்டு உயிரினம் வாழ பிராணவாயு தருகிறது.

இப்படி தனக்கு என்று எதையும் வைத்துக்கொள்ளாமல்

அனைத்தையும் தியாகம் செய்துவிடுகிறது

அதனால்தான் அதற்க்கு வேண்டியதனைத்தையும்

இறைவன் அது இருக்கும் இடத்திற்கே அளித்து விடுகிறான்.

இவ்வுலகில் தனக்கென்று எதுவும் வைத்துகொள்லாமல் பிறருக்கேன்றே வாழும் உத்தமர்கள் இன்னும் இருப்பதால்தான் இந்த உலகம் அழியாமல் இருக்கிறது

ஆனால் மனிதன் வாழ்நாள் முழுவதும் சுயநலத்துடன் பொருளை தேடி அங்குமிங்கும் அலைந்து எதிலும் திருப்தியில்லாமல் திரிந்து மனதில் இருள் சூழ்ந்து மடிந்துபோகின்றான்

மரத்தை பார்த்தாவது இனியாவது மனிதர்கள் திருந்தட்டும்

தியாகம்தான் உலகில் உயர்ந்தது அதனால்தான் இந்த உலகம் அழியாமல் காப்பாற்றப்பட்டுவருகிறது

இறைவன் எங்கிருக்கிறார்?

2011-11-30T03:12:00.000-08:00

இறைவன் எங்கிருக்கிறார்?

சங்கரர் சொல்கிறார்,நீயே கடவுள்

ராமானுஜர் சொல்கிறார் ,நீ பகவானுக்கு சரீரம்,

அவனிடம் பக்தி பண்ணு என்கிறார்

மத்வர் சொல்லுகிறார் பகவான் வேறு நீ வேறு

நீ அவனுக்கு தொண்டு செய்பவன் மட்டுமே

சதாசிவ ப்ரம்மேந்திரர் சொல்லுகிறார்

எனக்கு எல்லாம் ப்ரம்மாமாக காட்சியளிக்கிறது

ராமதாசர் சொல்கிறார் இந்த அண்டமனைத்தும் ராம மயம்

கண்ண பரமாத்மா சொல்கிறார் காண்பதனைத்தும் நானே ,

அதன் உள்ளிருந்து இயக்குவதும் நானே என்கிறார்

பொதுவாக எது எப்படி இருந்தாலும் இறைவன் ஆலயங்களில்

உறைந்து அருள் செய்வதாக நம்புகின்றனர்.அங்கு சென்று வழிபாடு என்ற பெயரில் எதையோ நினைந்து,எல்லோரும் செய்வதை செய்து விட்டு தங்கள் ஆன்மீக கடமை முடிந்துவிட்டதாக திருப்திபட்டு கொள்கின்றனர்

இறைவன் எல்லா இடத்திலும் எல்லா உயிர்களிலும் நீக்கமற நிறைந்துள்ளதாக வேதங்கள் சொல்கின்றனவே ,ஏன் கோயிலுக்கு செல்ல வேண்டும் என்று ஆன்மீக பிரசாரகர்களை கேட்டால் ஒரு உதாரணம் சொல்கின்றனர்

நமக்கு பால் வேண்டுமென்றால் பசுவின் வாலையோ அல்லது கொம்பையோ பிடித்து கறந்தால் பால் கிடைக்குமா ? அல்லது அதன் மடியின் காம்புகளை பிடித்து கறந்தால் பால் கிடைக்குமா என்று கேட்கின்றனர்.

இறைவனின் சக்தி எல்லா இடத்திலும் நிறைந்திருந்தாலும் கோயிலில் பல காரணங்களால் அங்கு அதிக அளவில் சேமித்து வைக்கபட்டிருக்கிறது என்று விளக்கம் கொடுக்கின்றனர்.

தன்னிடம் கடவுள் உள்ளதை உணர்ந்த ஆத்ம ஞானிகள் எங்கும் செல்வதில்லை.

அவர்களுக்கு எதுவும் தேவையில்லை

சராசரி மனிதனுக்கு தேவையில்லாமல் எதுவும் இல்லை

அதனால் அவன் தேவைகள் நிறைவேறும்வரை ஒவ்வொரு கோயிலாக ஏறி இறங்கி கொண்டிருக்கின்றான்

எல்லாம் உண்மையே .

அவரவர்களின் ஆன்மீக முதிற்சிகேர்ப்ப இறைவனை அடையும் வழியை

தேர்ந்தெடுத்து கொள்வது அவரவர் கையில்தான் உள்ளது

யாரை வேண்டுமானாலும் ஏமாற்றலாம் ஆனால் இறைவனை ஏமாற்றமுடியாது

2011-11-29T02:09:00.000-08:00

யாரை வேண்டுமானாலும் ஏமாற்றலாம் ஆனால் இறைவனை ஏமாற்றமுடியாது

இன்று ஆலயங்களுக்கு மக்கள் அதிகம் செல்லுகிறார்கள் ஆலய விழாக்களுக்கு மக்கள் லட்சக்கணக்கில் கூடுகிறார்கள்

விரதம் இருந்து மாநிலம் விட்டு மாநிலம் ஆலயங்களுக்கு செல்லுகிறார்கள்

இருந்தும் நாட்டில் கொள்ளை,திருட்டு,பிறரை ஏமாற்றுதல் ,பெண்களை கொடுமைபடுத்துதல் கொலைசெய்தல், போன்ற குற்றங்கள் அதிகமாகிக்கொண்டே வருகின்றன.

விரதம் இருக்கும் காலத்தில் மட்டும் மாமிச உணவை,குடியை,போதை பொருளை தவிர்க்கிறார்கள்

எதற்காக செல்லுகிறீர்கள் என்று கேட்டால் ஒரு மன நிம்மதி கிடைக்கிறது

நினைத்த காரியம் நிறைவேறுகிறது என்றெல்லாம் சொல்லுகிறார்கள்

விரதம் முடிந்த பிறகு சில நாட்கள் விட்டிருந்த கெட்ட பழக்கங்களை எல்லாம் வருடம் முழுவதும் ஒழுங்காக கடைபிடித்து ,தீய வழியில் வாழ்க்கை வாழ்ந்து தானும் அழிந்து தங்கள் குடும்பம் மற்றும் சமூகத்திற்கும் தீங்கு விளைவிக்கிறார்கள்

இதனால் இன்று சிறைசாலைகளில் கூட்டம் பெருகிக்கொண்டே போகிறது.

நீதிமன்றங்களில் வழக்குகள் லட்சகணக்கில் தேங்கி கிடக்கின்றன

மக்களிடம் ஒழுக்கம் இல்லை மாறாக ஒழுக்க கேடுகள் பெருகிவிட்டன

ஒவ்வொரு ஆண்டும் இதே கதைதான்

இதனால் யாருக்கு நன்மை?

இந்த ஆன்மீகத்தை வைத்து பிழைப்பு நடத்துபவர்களுக்குதான் நன்மை

ஒரு மனிதன் எதை செய்தாலும் அதன் பதிவுகள் அவன் மனதில் நிலைத்துவிடும்

நன்மையோ அல்லது தீமையோ இரண்டும் பதிவாகும்

ஒரு மாதம் அல்லது ஒரு குறிப்பிட்ட காலம் வரை நாள் நல்ல வாழ்க்கை வாழ்ந்துவிட்டு பிறகு அதற்க்கு நேர்மாறான வாழ்க்கை வாழ்வதால் எந்த பயனும் இல்லை

தீயவை தீய பயத்தலால் தீயினும் அஞ்சப்படும் என்று திருவள்ளுவர் கூறியிருப்பதை நினைவில் கொள்ள வேண்டும்

தீ என்ற சொல் நெருப்பு .

நெருப்பு எல்லாவற்றையும் எரித்து சாம்பலாகிவிடும்

அதைபோல் தீய எண்ணங்கள் அதன் விளைவால் தீய செயல்கள்,தன்னையும், தன் குடும்பத்தையும் அழித்துவிடும்.
உண்மையான் பக்தி இறைவனிடம் இருந்தால்தான்

மனதில் நல்ல எண்ணங்கள் தோன்றும்,அன்பு தோன்றும்,பண்பு தோன்றும்
அதை விடுத்தது வெளிதோற்றத்தில் மட்டும் பக்தனாக வேஷம் போடுவதால்

போடுபவனுக்கும் பயனில்லை இந்த சமூகத்திற்கும் பயனில்லை.

யாரை வேண்டுமானாலும் ஏமாற்றலாம் ஆனால் இறைவனை ஏமாற்றமுடியாது

நம்பிக்கை கொள்ளுங்கள். நாராயணனின் திருவடிகளில்.

2011-11-28T17:16:00.000-08:00

விலங்குகளுக்கும் மனிதர்களுக்கும் என்ன வேறுபாடு?

மனிதர்களால் மட்டும்தான் தன்னை படைத்த இறைவனை அறிந்துகொண்டு

இந்த கொடிய பிறப்பு இறப்பு துன்பத்திலிருந்து விடுபடமுடியும்

இந்த வரம் தெய்வங்களுக்கும் தேவர்களுக்கும் கூட கிடையாது

ஆனால் என்ன நடக்கிறது ?

தேவர்கள் தெய்வங்கள்,மனிதனை விட அதிக சக்தி படைத்தவர்களாக இருந்தாலும்

அவர்கள் அவர்களை படைத்தது தங்களுக்கு சக்தியளித்த பரம்பொருளை

அறிந்து கொள்வதில் அக்கறை காட்டுவதில்லை

தேவர்கள் போகத்தில் மூழ்கி அவர்கள் பிறப்பை வீணடிக்கின்றனர்

தெய்வங்களும் விருப்பு வெறுப்புக்கு ஆளாகி அங்கும் இங்கும் அலைகின்றன

கோடிக்கணக்கான மனிதர்களில் ஒருசிலர் மட்டும் இறைவனை தேடி

ஆன்ம விழிப்பு பெற்று முக்திடைகின்றனர்

மற்றவர்கள் எல்லாம் விலங்குகளைப்போல் இரை தேடுவதும், வேறு ஏதாவதொன்றிர்க்கு இரையாவதும் காம இச்சை கொண்டு போகத்தில் மூழ்குவதுமாக வாழ்நாளை வீணே போக்கி மடிந்து போகின்றனர்

தேவர்களும்,தெய்வங்களும் தங்கள் நிலையாமையை உணரும்போதுதான்

இப்பூவுலகிர்க்கு வந்து இறைவனை வழிபாட்டு ஞானம் பெறுகின்றனர்

ஒவ்வொரு புராணங்களும் இதைதான் விவரிக்கின்றன

ஆனால் நாம் எதையும் அதில் உள்ள உண்மையான தத்துவங்களை புரிந்து கொள்ளாமல்

கிளிபிள்ளைபோல் படிப்பதும்,ஒதுவதுமாக காலத்தை கழித்து கொண்டிருக்கின்றோம்

காலம் சென்றால் மீண்டும் வராது

.காலன் வந்து நம் உயிரை நம்மிடமிருந்து எடுப்பதற்குள் கிடைத்த வாய்ப்பை பயன்படுத்தி இறைவனை அறிந்து கொள்ள தீவிர முயற்சி செய்ய வேண்டும்

அதற்க்கு எளிய வழி அவனை நினைத்துக்கொண்டே இருப்பதுதான்.

இந்த அண்டத்தை படைத்து காக்கின்ற அவன் அதில் ஒரு அணுவாக இருக்கும் நம்மை காப்பாற்றமலா விடுவான்.

நம்பிக்கை கொள்ளுங்கள். நாராயணனின் திருவடிகளில்.

அனைத்தும் நன்றாக நடக்கும்

விழித்துகொள்ளாவிடில் நஷ்டம் நமக்குதான்

2011-11-28T04:31:00.000-08:00

பிறவியை பெருங்கடல் என்கிறார் திருவள்ளுவர்

பெருங்கடல் என்றால் ஆழம் காணமுடியாதது

ஆபத்துகள் நிறைந்தது

கரையை விட்டு புறப்பட்டால் மறு கரையை காண்போமா

அல்லது நடு கடலில் மூழ்கி விடுவோமா என்று யாருக்கும் தெரியாது

கடலில் திமிங்கிலங்களும்,சுழல்களும் ,சுறாக்களும் போன்ற

எண்ணற்ற பேராபத்துக்கள் நிறைந்துள்ளது

அதைபோல்தான் நம் வாழ்க்கையும்

நாம் நம் ஆயுட்காலத்தில் உறக்கத்தில் தினமும்

அனைத்தையும் மறந்து கிடக்கிறோம்.

அப்போது நம் உடலையும்,உயிரையும்,உடைமைகளையும்

பாதுகாப்பது யார்?

ஆனால் நாம் விழித்திருக்கும் நேரம் நம்முடைய உடலையும்,உயிரையும் ,உடைமைகளையும் மற்றவர்களிடமிருந்து பாதுகாக்க பல நடவடிக்கைகளை மேற்கொள்ளுகிறோம்

சில நேரங்களில் நம் பாதுகாப்பு ஏற்பாடுகள் தடம் புரண்டு விடுகின்றனவே,

அது ஏன் என்றுயாரும் நினைத்து பார்ப்பதில்லை

நம்முடைய சக்தியையும் மீறி எதோ ஒரு சக்தி நம்மை ஆட்டி படைக்கிறது

என்பதை ஏற்று கொள்ள மறுக்கிறோம்

நமக்கு அனைத்து வசதிகளிருந்தும் நம்மால் எதுவும் செய்ய முடியாமல் வாய் மூடி மெளனமாக இருக்கிறோமே அது ஏன்?

நமது தேவைக்கு மீறி நாம் சேகரிக்கும் பொருட்கள் நமக்கு நிச்சயம் பயன்படாது

ஒரு சிறு குண்டூசி உட்பட

நாம் எவ்வளவு எச்சரிக்கையாய் இருந்தாலும்,

விபத்துக்கள் ஏற்படுகின்றன,நோய்கள் வருகின்றன.மரணம் வருகிறது நம்மால் ஒன்றும் தடுக்கமுடியவில்லையே

நாம் மயக்கத்தில் அல்லது உறக்கத்திலே இருக்கும்போது

நம்மை காப்பற்றிகொண்டிருக்கும் கடவுள் மீது நமக்கு

ஏன் நம்பிக்கை வருவதில்லை?

எல்லாவற்றிற்கும் காரணம் அகந்தை

அகந்தை இருக்கும் இடத்தில,காமம் இருக்கும்,மோகம் இருக்கும்,

கோபம் இருக்கும்,கர்வம் இருக்கும்,பொறாமை இருக்கும்,

இவ்வளவு நல்லவர்களை நம் கூட்டாளிகளாக வைத்து கொண்டிருந்தால்

நமக்கு நன்மைகள் எப்படி கிடைக்கும்?

அகந்தை இருக்கும் வரையில் நமக்கு மன அமைதி கிடைக்காது

அகந்தை இருக்கும் வரையில் பிறர் மீது அன்பு செலுத்த முடியாது

நம்மிடம் உள்ளதை இல்லாதவர்களிடம் பகிர்ந்து கொள்ள முடியாது

இறைவன் மீது பக்தி செலுத்த முடியாது

இறைவனின் மீது நம்பிக்கை வராது

நம்முடைய வழிபாடுகள் எல்லாம் போலியாகத்தான் இருக்கும்

சாத்திரங்களை தினமும் படிப்பதாலோ,தோத்திரங்களை சொல்லி வழிபாடு செய்வதாலோ,தினமும் ஆலயங்களுக்கு சென்று வருவதாலோ

எந்த மாற்றமும் ஏற்பட போவதில்லை

இன்று வழிபாட்டு தலங்களில் கூட்டம் நிரம்பி வழிகிறது

மக்கள் கோடிகணக்கில் பணத்தை கொட்டுகின்றனர்

மத(பாதகர்கள்) போதகர்கள் இறைவனை பற்றி வாய் கிழிய பேசி மக்களை

மூளை சலவை செய்கின்றனர்

சொகுசு கார்களில்உலா வரும் காவிகள் கடவுளை கண்டதாக

பிதற்றி மக்களை மயக்கி காசு பார்கின்றனர்

தம் உயிரை காப்பாற்றிக்கொள்ள வக்கில்லாமல் ஆயுதம் தாங்கிய காவலாளிகளை துணைக்கு வைத்துகொண்டிருக்கும் இந்த போலிகள் தங்களிடம் வருபவர்களை காப்பாற்றுவதாக சத்தியம் செய்கின்றனர்

அவர்களின் பசப்பு வார்த்தைகளை நம்பி,தங்களின், செல்வம், மானம் மரியாதையை அனைத்தையும் அவர்களிடம் ஒப்புவித்து மக்கள் ஏமாந்துபோகின்றனர்

பாமரன் ஏமாந்தால் பரவாயில்லை

ஆனால் மேதாவிகள் என்றழைக்கபடுபவர்களும் இந்த வலையில் வீழ்வது வேதனைக்குரியது

நம் உள்ளமே கோயில்

அந்த கோயில்தான் இறைவன் உறையும் இடம்

அந்த இடத்தில கள்ளம் இருந்தால் அவன் எவ்வாறு அங்கு இருப்பான்?

அங்கு ஆசைகள் என்னும் பேய்கள் எப்போதும் எதையாவது நாடி அங்கும் இங்கும் அலைந்துகொண்டு கூச்சல் போட்டுகொண்டிருந்தால் மனசாட்சியான

இறைவனின் குரல் நமக்கு எப்படி கேட்கும்?

பிறர் உயர்வு கண்டு மகிழாமல் அழுக்காறு என்னும் அசுத்தம் கலந்த ஆறு ஓடி கொண்டிருந்தால் அந்த உள்ளத்தில் அமைதி எங்கு தவழும்?

உள்ளத்தில் உள்ள துர்நாற்றம்தாம் உடலில் துர்நாற்றமாக வீசுகிறது

இந்த உடலுக்குள் செல்லும் எதுவும் எந்த வழியாக வந்தாலும்

அது சகிக்க முடியாத நாற்றம் வீசுகிறது.

அந்த நாற்றத்தை மறைக்கவே நாம் பல்லாயிரம் ரூபாய்களை

ஆயுள் முழுவதும் செலவழிக்கிறோம்.

முடிவில் மரணத்திற்கு பிறகு நாற்றம் தங்க முடியாமல்

மண்ணில் புதைத்தோ அல்லது எரித்தோ அந்த உடலை அப்புறபடுத்துகிறோம்.

பிறரை வஞ்சித்து அளவுக்கு மீறி சொத்து சேர்த்து ,

அதர்மவழியில் வாழ்க்கைவாழ்ந்து

சூது நிறைந்த மனம் கொண்டு நிம்மதியற்ற வாழ்வு வாழும் மனிதர்கள்

இவைகளிலிருந்து விடுபடவேண்டுமென்றால் இறை நாமத்தை அல்லும் பகலும் ஓதிக்கொண்டே இருக்கவேண்டும் .

அதற்காக எந்த வேலையும் செய்யாமல் சோம்பேறியாக இருந்துகொண்டு பொறுப்பற்ற முறையில் ஊர் சுற்றுவது அல்ல

நம் கடமைகளிடையே தான் அதை செய்ய வேண்டும்

நாம் நம்மை அறியாமல் மூச்சு விட்டுகொண்டிருப்பதைபோல

அப்போது மனதின் இரைச்சல் அடங்கி

இறைவனின் இனிய நாதம் கேட்கும் .

நாதம்தான் தான் இறைவன்.

இந்த மாற்றம் வெளியில் மட்டும் நிகழ்ந்தால் பயனில்லை

நம் உள்ளத்தில் இந்த மாற்றம் நிகழ வேண்டும்

விழித்துகொள்ளாவிடில் நஷ்டம் நமக்குதான்

எவ்வளவு காலம் மூடர்களோடு சேர்ந்துகொண்டு நாமும் மூடர்களாய் இருக்க போகிறோம் என்பதை சிந்தித்து பார்க்கவேண்டும்

2011-11-27T16:54:00.000-08:00

பிறவி பெருங்கடல் நீந்துவர்

நீந்தார் இறைவனடி சேராதார்

என்றார் திருவள்ளுவர்.

மானிட பிறவி கிடைப்பது அரிதினும் அரிது

கிடைதற்க்கரிய பொருள் கிடைத்தால்

என்ன செய்ய வேண்டும்?

அதை பத்திரமாக பாதுகாக்க வேண்டும்

பாதுகாத்து அதை நல்ல முறையில்

பயன்படுத்தி பலன் பெற வேண்டும்

அவ்வாறு செய்யாமல் அதை பயன்படுத்தாமல்

வீணடித்தால் யாருக்கு நஷ்டம்?

அந்த பிறவியை அளித்த இறைவனுக்கு

நன்றி சொல்லவேண்டாமா?

அந்த பிறவியை நம் மீது கருணை கொண்டு

நமக்கு அளித்த இறைவனை பற்றி

அறிந்துகொள்ள வேண்டாமா?

அவ்வாறு செய்யாவிடில் இந்த பிறவியால் நமக்கு பயன் ஏது?

ஆனால் அதை விடுத்து நாம் இறைவனை மறந்து விடுகிறோம்

அவனை பற்றிய சிந்தையே இல்லாமல் அழியும்

இந்த உடல் மீது பற்று வைத்து

அதை பராமரிப்பதில் ஆயுள் முழுவதும்

செலவிட்டு முடிவில் மரித்து விடுகிறோம்

பிறகு அடுத்த மானிட பிறவி எப்போது கிடைக்கும்

என்று பலகாலம் என்று

ஏங்கி ஆவியாய் உழலுகிறோம்

இந்த நிலை நமக்கு தேவையா?

இதைபோல் எவ்வளவு காலம் மூடர்களோடு சேர்ந்துகொண்டு

நாமும் மூடர்களாய் இருக்க போகிறோம் என்பதை சிந்தித்து

பார்க்கவேண்டும்

எனவே கிடைத்த இந்த அறிய வாய்ப்பை பயன்படுத்திக்கொண்டு

ஹரி மீது பக்தி செலுத்தி அவன் அருளை பெற்று

மாளா பிறவியிலிருந்து மீள அனைத்து முயற்சிகளையும்

மேற்கொள்ளுவதே அறிவுடையோர் செய்யும் செயலாகும்