கண்ணா கண்ணா என்று கண்மூடி அழைத்தாலே ......

கண்ணா கண்ணா என்று 
கண்மூடி அழைத்தாலே ...

கண்ணா கண்ணா என்று
கண்மூடி அழைத்தாலே
கண் முன்னே
வந்து நின்றிடுவான்

கவலைகளைஎல்லாம்
போக்கிடுவான்
காலமெல்லாம் உடனிருந்து
கண்ணிமைபோல் காத்திடுவான்

அன்புடன்  தினமும்
அவன் நாமம்
நாவிலும் நினைவிலும்
ஒலிக்க  விட்டால்
ஒயாது சலிக்கும்
மனமும் ஒடுங்கிவிடும்.

அரக்கரை அழிக்க
சீதையின் நாயகனாய்
தரணிக்கு  வந்த இராமனவன்
அதர்மத்தை அழித்து தர்மத்தை
நிலை நாட்டிய கீதா நாயகனவன்

சிலையாய் புறத்தே நின்றிடினும்
என் அகத்தே நிலையாய்
நின்றருள் செய்திடவே
ஓதுகின்றேன் அவன் திருநாமம்

குழப்பம் ஏதுமின்றி குறையொன்றுமில்லா கோவிந்தனிடம் முறையிடுவோம்.

குழப்பம் ஏதுமின்றி குறையொன்றுமில்லா 

கோவிந்தனிடம் முறையிடுவோம்.

மனமிரங்கினான்  மாலவன் 

குளிர் மழையாய் பொழிந்தான்  

ஆழி மழைக்கண்ணா 

6.5.2013 அன்று ஒரு பதிவிட்டேன் 

அனைத்துயிரும் வாழ மழை வேண்டி

மாலவனை சரணடைந்து 

பிரார்த்தனை செய்ய கோரி.

பின்நூட்டமிட்டவர் இருவர்மட்டுமே 

திருச்சியிலிருந்து ஒருவரும், 

திண்டுக்கல்லிலிருந்து ஒருவரும். 

13.5.2013 இரவு வானம் குளிர்ந்து 

மழையாய் பொழிந்தது. 

மனமிரங்கினான்  மாலவன் 

குளிர் மழையாய் பொழிந்தான்  

வறண்ட நிலத்தில் குளிர்ந்த 

நீரூற்று போல் பொழிந்தான்.

இன்னும் பொழிந்துகொண்டிருக்கின்றான்

என்னே அவன் கருணை. !

நீர் நிலையெல்லாம் நிரம்பி,பயிர்களும்

,உயிர்களும் துன்பமின்றி வாழ மீண்டும் 

அவன் தாள் சரண் புகுவோம்.  

நல்லார் ஒருவர் பிரார்த்தனையை ஏற்று

இறைவன் அனைவருக்கும் அருள். செய்யட்டும்

என்று மீண்டும் பதிவிட்டேன்

இன்று கர்நாடக மாநிலத்தில் மழை பெய்து 

நிலையெல்லாம் நிரம்பியதன் விளைவால் 

தமிழ்நாட்டில் அணைகள் நிரம்பி காவிரியாற்றில் 

வெள்ளம் கரை புரண்டு ஓட மக்கள்மகிழ்ச்சி பெருக்கில்  

 ஆடிபெருக்கும்  கொண்டாடிவிட்டனர்.

வழக்குகள் எதற்கு? 

வம்பதெற்கு ?  

போராட்டங்களும் 

வன்முறைகளும் எதற்கு?

குழப்பம் ஏதுமின்றி குறையொன்றுமில்லா 

கோவிந்தனிடம் முறையிடுவோம்.

குறை தீர்ந்து மகிழ்ச்சியாய் 

குவலயத்தில் வாழ்ந்திடுவோம்.  

pic. courtesy-hindu 

எது வந்தால் எனக்கென்ன?

எது வந்தால் எனக்கென்ன?

பிறவிக்கடலில் அலை அலையாய் 
துன்பங்கள் வந்தால் எனக்கென்ன?
பாற்கடலில்  அரிதுயில் கொண்டுள்ள 
அரங்கன் என் உள்ளத்திருக்கையில்  

ஐம்புலக் கள்வர்கள் என்னும் பாம்பினை அடக்கும் ஒரே உபாயம்

ஐம்புலக் கள்வர்கள் 
என்னும் பாம்பினை அடக்கும்
ஒரே  உபாயம்

ஐம்புலக் கள்வர்கள் 
என்னும் பாம்பினை அடக்கும்
ஒரே  உபாயம்
அழகன் கண்ணனின் 
திருவடிகளை சரணடைவதுதான் 

கண்ணா உன் பால் வடியும் முகம் நினைந்து நினைந்து

கண்ணா உன் 
பால் வடியும் முகம்
நினைந்து நினைந்து நெஞ்சம் பரவசம் ........

பரிவோடு உன்னை அழைக்கின்றேன்

பரிவோடு உன்னை 
அழைக்கின்றேன்
பரங்குன்றத்தில்
உறையும் முருகா 






பாரில் உன் கண்
முன் நடக்கும்
அவலங்களை கண்டும்
காணாததுபோல்
நின்று கொண்டிருப்பதன்
மர்மம் ஏனோ?

உன்னை தரிசிக்க கோயிலுக்குள்
நுழைந்தால் கேட்கின்றார் காசு
தர மறுப்போருக்கு கிடைக்கும்
ஏச்சு   பேச்சு

பக்தர்கள் என்ற பெயரில் எத்தர்கள்
கூட்டம் உன் கோயிலில் வலம்
வருதப்பா ,வருவோர் போவோரிடம்
அச்சடித்த சீட்டுகளை கொடுத்து
அரசு அச்சடித்த நோட்டுக்களை
பிடுங்குதப்பா?

ஒரு சில கோயில்களிலோ
அலை மோதுகிறது  பெருங்கூட்டம்
பல கோயில்களிலோஉன் இடையில்
உனக்கு உடுத்த ஆடையில்லை
தீபம் ஏற்ற ஆளில்லை

காசினியில் காசுதான் ஆட்சி செய்யுதப்பா
காசில்லோர் உன் கோயில் வாசலில்
பிச்சை எடுத்து வயிற்றை கழுவும்
நிலை நாள்தோறும் கூடுதப்பா

கசடர்களும் காமுகர்களும்
பெருகிவிட்டனர் இவ்வுலகில்
வியாபாரக் கூடங்களாகிவிட்டன நீ
உறையும் திருத்தலங்கள்

காசுள்ளவன் கோயிலில் நுழைந்தவுடன்
காணுகிறான்  பலவிதமாய்
உன் தரிசனங்கள்.
கணினி மூலம் பெற்ற
அனுமதி சீட்டை கொண்டு

காசில்லாதவனுக்கு
கால் கடுக்க பலமணி
நேரம் நின்று காண்பது
வெறும் கண  நேர
தரும   தரிசனம் தான்

ஆண்டவன் முன் அனைவரும் சமம்
என்று மேடை போட்டு பேசுகின்றார்
ஆனால் உன்னிடம் வருகையிலே
அவற்றை தன்  காலில்
போட்டு மிதிக்கின்றார்.

வறுமை பெருகிவிட்டது பாரெங்கும்
ஒரு சிலர் அனைத்து  வளங்களையும்
தன்னுடையதென எடுத்துக்கொண்டதாலே






வறண்டுவிட்டன
ஆறுகள் நீரில்லாமல்
வண்டல்மண்ணை சுரண்டியதால்

வயலூர் முருகா
இன்று வயல்களும் இல்லை
உயிர்களின் உயிரைக்காக்கும்
பயிர் செய்ய

அன்று நீ அரக்கர்களை வதைத்து
அவர்களின் கொட்டம் ஒடுக்கினாய்
இன்றோ உன் பக்தர்கள் தன்னையே
வருத்திக்கொள்கின்றனர்
பக்தி  என்ற போர்வையில்  

உலகில் சுத்தமும் இல்லை
சுகாதாரமும் இல்லை
அனைத்திற்கும்
ஆதாரமான அன்பும் இல்லை

உடலில் ஆறு ஆதாரங்களின்
ஒளியாய் திகழ்வோனே

ஆறுமுகனே , குகனே,
அனைத்தையும்
சரி செய்ய வேண்டுகிறேன்

இந்த அவனியில் உள்ளோர்
உன்  புகழ்  பணிந்துபாடி
துன்பம் நீங்கி இன்பமாய்
வாழ  வேண்டுகிறேன்.

ஓம் சரவணபவ 

குருவின் வாக்கை மீறுவது குருத்ரோகம்

குருவின் வாக்கை மீறுவது 
குருத்ரோகம் 

திருமணத்தில் ஆடம்பரம் (ஆட -ஆடல் -பாடல்-அலங்காரங்கள் முதலியன)(அம்பரம்-பட்டுப்புடவை தொடங்கி, பிளாட்டினம் நகை வரை வரை)
வேண்டாம்

பெரியவா   அன்றும் சொன்னார்
இன்றும் அவர் சொன்னது காற்றில்
ஒலித்துக்கொண்டிருக்கிறது
கேட்பவர்கள்தான் இல்லை

பெண்களை பாதிக்கும் இந்த கொடிய
வழக்கம் பெண்களாலேயே போற்றி
பாதுகாக்கப்படுகிறது

வீட்டில் இரண்டு மருமகள்கள்
இருந்தால் அவர்கள் கொண்டு வரும்
சீர்களை பொறுத்தே
அவர்களின் மரியாதை
நிர்ணயிக்கப்படும்.

தாயை போலவே பிள்ளை
நூலைப் போலவே
சேலை என்ற பழமொழியை
அப்படியே கடைபிடிக்கிறார்கள்
அவர்கள் பிள்ளைகள் வரதட்சிணை
வாங்கும் விஷயத்தில் மட்டும்

வயதானபிறகு மகனும் மருமகளும்
அவர்களை வெளியேற்றிவிட்டு
பரிகாரம் தேடுகிறார்கள்.

ஆடம்பரம் வேண்டாம்
என்று சொன்னார் பெரியவா
அனைவரும் நலம் பெற

தனம் ஏராளமாக இருப்பவர்கள்
ஆடம்பர செலவுகளை குறைத்து
அதில் ஒரு பகுதியை
வாழ்வில் வளமில்லாதவர்களின்
திருமணங்களை நடத்தி வைத்தால்
அவர்களுக்கும் மன திருப்தி ஏற்படும்
திருமணம் செய்துகொண்ட
உள்ளங்களும் வாழ்த்தும்

சிலர் விளம்பரமில்லாமல் செய்கிறார்கள்.
அரசுகள் விளம்பரம் போட்டு செய்கின்றன.
இதுவே பெரும்தனம் படைத்த ஒவ்வொருவரும்
அவர்கள் பகுதியில் உள்ள ஒரு சில
ஏழைகுடும்பங்களை கண்டறிந்து
உதவ முன் வரவேண்டும். வேண்டும்.

ஆனால் வரதட்சிணை  வாங்குவோர்
கூறுவது வர தட்சிணையாய்
யாராவது வேண்டாம் என்பார்களா?
என்பதுதான்

மேலும் ஆடம்பரம் வேண்டுவோர்
முன் வைக்கும் கோரிக்கை என்னவென்றால்
இதை நம்பி பிழைப்பு நடத்தும் லட்சக்கணக்கான
மக்களுக்குயார் சோறு போடுவது ?

பட்டுப்புடவை வேண்டாம் என்றால்
நெசவாளர்கள், வாழ்வு என்னவாவது?

உண்மை என்னவென்றால்
பட்டுப்புடவை விற்கும் விலையில்
லாபம் அடைவது தரகர்களும்
வியாபாரிகளுமே .

நெசவாளர்களை வியாபாரிகள்
முன்பணம் கொடுத்து அவர்களை
கொத்தடிமைகளாகத்தான் வாழ்நாள் முழுவதும்
வைத்திருக்கிறார்கள் என்பது இந்த உலகத்திற்கு தெரியாது

ஆனால் உண்மை என்னவென்றால்
கிடைத்த பணத்தை தொலைத்துவிட்டு
ஆண்டு முழுவதும் கடனாளிகளாய்
வருடம் முழுவதும் உழைத்து ஓடாகி
நெசவாளர்கள் ஏழ்மையிலேயே
வாழ்ந்துமடிவதுதான் உண்மை

இந்த கொடுமையை நேரில் கண்ட ஸ்வாமிகள்
அதிக விலை கொடுத்து பட்டுப்புடவை
வாங்குவதால் நெசவாளர்களுக்கு
முழு பயன் சேருவதில்லை என்பதால்
அதை தவிர்க்குமாறு வலியுறுத்தினாரோ?

குருவின் வாக்கு தெய்வ வாக்கு 
அதை கடைபிடித்தால் 
உய்வடையலாம்.

அவர் முன்பு அவருக்காக வேஷம் போட்டுவிட்டு
அதை மீறினால் அதற்காக கிடைக்கும்
தண்டனை மிகவும் கடுமையானது
என்பதை அவர் பக்தர்கள் உணரவேண்டும்.

மாதா பிதா செய்வதுதான்
தன்  மக்களுக்கு.

குருத்ரோகம் அவர்களின்
சந்ததிகளையும் பாதிக்கும்.

அதிலிருந்து தப்ப வைக்க
இறைவனாலும் முடியாது.

 மீண்டும் அந்த குருவின் பாதத்தில்தான்
போய்  விழவேண்டும் என்பதை மறக்கவேண்டாம்.

இல்லையேல்
அவர்கள் செய்த தவற்றை
காலம்  உணரவைத்துவிடும்  என்பது சத்தியம்.
அவரவர் மனதிற்கே அது தெரியும்.

திருமணத்தில் வரதட்சிணை  வேண்டாம்,
 பட்டுபுடவை, அளவுக்கதிகமான நகைகள்,
ஆடம்பரம் வேண்டாம் ,வேண்டாம் என்று
 பீடாதிபதியான முதல் சொல்லிக்கொண்டிருக்கிறார் .
இன்னும் ஆகாசத்தில் பெரியவாவின் வாக்கு
ஒலித்துக்கொண்டிருக்கிறது.

குருவின் வாக்கை
மீறுவது குருத்ரோகம்