வஞ்சமில்லா சுற்றமும் பஞ்சமில்லா வாழ்வும்

காரிருளில் மின்னல் கீற்றுபோல் 
கம்பத்தில் அவதரித்தானை

பிரஹலாதனை முன்னிட்டு
வையத்தில் அரக்கனை அழித்து
அவனியிலுள்ளோர் கடும் துயர் களைந்தானை 

அங்கு மிங்குமிலாது எங்கும் நிறைந்தானை 

அபயம் என்று வந்தவர்க்கு தன்னையே
தந்து அருள் செய்த ராமபிரானை

பவசாகரம் கடக்கும் உபாயம் காட்டும்
சாத்திரம் தந்த கண்ணனை  

அவதாரம் பல எடுத்து அவனியில் 
அடியார்களின் துயர் தீர்த்த அரங்கனை

இலக்குமியோடு உறையும் அழகிய சிங்கனை 

காலையில் கண நேரமாவது 
நெஞ்சத்தில் சிந்தை செய்வோர்

வஞ்சமில்லா சுற்றமும் 
பஞ்சமில்லா வாழ்வும் 
வாழும் காலமல்லாம் பெற்று 
மகிழ்ந்து வாழ்வார் இவ்வுலகில்