உத்தமன் ஒருவன் உன்னுள்ளே இருக்கின்றான்

உத்தமன் ஒருவன் 
உன்னுள்ளே இருக்கின்றான் 


உத்தமன் ஒருவன்
உன்னுள்ளே இருக்கின்றான்
என்பதை அறியாது
உலகத்தில் உழலும்
மானிடரே

உங்களுக்கு ஓர் உண்மை சொல்வேன்
உள்ளத்தில் கொண்டு உய்வீரே

குடலை நிரப்பவும் உடலை வளர்க்கவும்
விலங்குகள் போல் சுற்றி திரிந்து
மடியவும் இவ்வுலகிற்கு நாம் வரவில்லை
என்பதை உணர்வீரே உணர்ந்து தெளிவீரே

காலைமுதல்  மாலைவரை
கடுமையாய் உழைத்து கல்லையும்
பொன்னையும் சேர்த்து வைத்து
அழகு பார்த்துக் கருமியாய்
வாழ்வதில் பயன் இல்லை

காலன் வரும் நேரத்தில் நம்முடன்
அனைத்தையும் கையுடன்
கொண்டுசெல்ல  இயலாத அவற்றால்
ஏதும்  நன்மை இல்லை

இல்லைஎன்று உன்னை
நாடி வருவோர்க்குஇயன்ற   அளவில்
உதவி செய்தால் போதுமே

பிறர்  மனம் வாட செயல்கள்
செய்யாமலிருந்தாலே நம் வாழ்வு
நல்லவிதமாய் அமையுமே

கடமையை தவறாது செய்பவனும்
கடுஞ்சொல் கூறாதிருப்பவனும்
பிறர் பொருளை அபகரியாதிருப்பவனும்
சத்தியத்தையே பேசுபவனும்
அகிலத்தை  காக்கும் கடவுளை
மறவாதிருப்பவனும் நிலையான
அமைதியும் ஆனந்தமும் வாழ்வில்
பெற்று மகிழ்வது திண்ணமே.