உடம்பை வளர்த்தேன் உயிர் வளர்த்தேனே (பகுதி-6)

உடம்பை வளர்த்தேன் 
உயிர் வளர்த்தேனே (பகுதி-6)

நம் உடலில் இன்னும்
ஏராளமான அதிசயங்கள் உள்ளன

அவைகளில் பல உடலில்
உள்ள சுரப்பிகளாகும்.

உடலில் உள்ள ஒவ்வொரு  சுரப்பிகளும்
இந்த உடலை நன்றாக சக்தியுடன்
இயங்கவைப்பதிலும் அதை பாதுகாப்பதிலும்,
அசுரத்தனமான வேலைகளை அனாயாசமாக அமைதியாக ,ஆர்பாட்டமில்லாமல். செய்து கொண்டிருக்கின்றன.
மனிதர்கள் அதன் செயல்பாடுகளில்
தலையிடாதவரை '

ஆனால் மனிதர்கள் அதன் இயக்கங்களில்
தலையிட்டு அவைகளை செயல்படாமல்
தொல்லை அளித்தால் அவைகள் உடலின்
இயக்கத்தை நிலைகுலைய வைத்தும்,
அபரிமிதமாக செயல்பட்டும்
பலவிதமான ஆபத்தான
விளைவுகளை ஏற்படுத்தி
மனிதர்களை நிலை குலைய வைப்பதுடன்
அவர்களை நிரந்தர நோயாளிகளாகி
அவர்களின் நிம்மதியையும்
மகிழ்ச்சியையும்
கேள்விக்குறியாக்கிவிடும்.

நம் உடலிலே உள்ள
மிக அளவில் பெரிய சுரப்பி
என்றால் அது ஈரல்தான் (liver)





அதன் வேலை என்னவென்றால்
உடலில் உள்ள அனைத்து செல்களுக்கும்
தேவையான அனைத்து பொருட்களையும்
உற்பத்தி செய்வதும் அதை
அவைகளுக்கு அனுப்புவதும்தான் .

அது உடலின் இயக்கத்திற்காக
பலவிதமான திரவங்களை சுரப்பது
மட்டுமல்லாமல்  சுமார் 5000 விதமான
வேலைகளை செய்கிறது என்று
மருத்துவ ஆய்வாளர்கள் கண்டுபிடித்திருக்கிறார்கள்.

அதில் உடலில் நோய் எதிர்ப்பு சக்தியை
பராமரிப்பதும்,
நோய் தாக்கும் கிருமிகள், வைரஸ்
போன்றவைகளை எதிர்த்து போராடி
அவைகளை அழித்து உடலை பாதுகாப்பதும்
உடலில் உள்ள தேவையான கழிவுகளை அகற்றுவதும்
உடலை திடமாக வைத்திருக்க உதவுவதும்.
உடலுக்கு தேவையான சக்தியை
சேமித்து வைப்பதும் போன்ற
பல முக்கியமான பணிகளாகும்.

அதனால்தான் அதற்கு லிவர் (வாழ வைப்பவர்)
என்று பெயர் வந்ததோ?

ஆனால் மனிதர்கள் இந்த முக்கியமான
உயிர் காக்கும் சுரப்பிக்கு செய்யும்
கொடுமைகள் ஏட்டிலடங்கா

இருந்தும் அது இறுதிவரை மனிதர்களின்
முட்டாள்தனத்தை எதிர்த்து போராடுகிறது.

அப்படியும் மனிதர்கள்
அது வெளியிடும் அபாய அறிவிப்புக்களை
கண்டுகொள்வதுமில்லை.
புரிந்துகொண்டு திருந்துவதுமில்லை.

காலம் கடந்தபின் மரணம்
நெருங்கும்போதுதான்.
உண்மை தெரிகிறது.

அப்போது என்ன செய்ய?

(இன்னும் வரும்) .

அழகின் வடிவே அம்பிகையே

அழகின் வடிவே 
அம்பிகையே

அழகின் வடிவே
அம்பிகையே
வற்றாத கருணையின்  ஊற்றே
ஆனந்த வல்லியே

பாரினில் அரக்கர்களை
வதம் செய்து
அமைதியை நிலைநாட்டும்
உன் அருளைப்போல்
என் உள்ளத்தில் புகுந்துகொண்டு
என்னை துன்புறுத்தும்
காம க்ரோதாதி அசுரர்களை
அழித்து  என் உள்ளத்திற்கு
இதம் தருவாய்.

இரவும் பகலும்
மாறி மாறி வரும் இயற்கைபோல்
வாழ்வில் இன்பமும் துன்பமும்
மாறி வரும்

ஆனால் உன்னை என்
உள்ளத்தில் வைத்து
பூஜிக்கும்  எனக்கு
என்றும் மாறாத
இன்பம்தான் அன்னையே!

உடம்பை வளர்த்தேன் உயிர் வளர்த்தேனே (பகுதி-5)

உடம்பை வளர்த்தேன் 
உயிர் வளர்த்தேனே (பகுதி-5)








உடும்புபோல் நம்மை பிடித்திருக்கும்
இந்த உடம்பைப் பற்றி எழுதப்போனால்
நம் ஆயுள் போதாது.

அதற்குள் இருப்பதை இன்னும்
 பல்லாயிரம் ஆராய்ச்சியாளர்களும்
 மருத்துவர்களும்  புதிது புதிதாக கருவிகளை
கொண்டு இரவும் பகலும்
ஆராய்ந்து கொண்டிருக்கிறார்கள்.

அதற்காக கோடிக்கணக்கான ரூபாய்கள்
பணம் செலவு செய்து  கருவிகளை உற்பத்தி
செய்து மனிதர்களை நிரந்தர
நோயாளிகளாக்கி வருகிறார்கள்.

உண்மையில்  நாம்தான் இந்த உடலை
விழித்திருக்கும் நேரம் முழுவதும்
பற்றிக்கொண்டிருக்கிறோம்.

குடலில் உணவுகள் என்ற பெயரில் கண்டதை
போட்டு அதை பாழ்படுத்திக்கொண்டிருக்கிறோம்.
என்பது வேறு விஷயம்

அது நம்மைப்பற்றை கவலைப்படுகிறதோ
இல்லையோ நாம் அதைப்பற்றி
ஒவ்வொருகணமும் கவலைப்பட்டுக்கொண்டு
அதற்க்கு நன்மை செய்வதாக நினைத்துக்கொண்டு
அதை கெடுத்து குட்டிசுவராக்கி கொண்டிருக்கிறோம்.

உண்மையில் இந்த உடல்
தனக்கு வேண்டியவைகள் அனைத்தையும்
அதுவே தயாரித்துக்கொள்ளுகிறது

நம்மை எதுவும் எதிர்பார்ப்பது  கிடையாது.

அதற்க்கு வேண்டியது எதுவாக இருந்தாலும் சரி
சைவமாகட்டும், அசைவமாகட்டும்
அது இரைப்பையில் வந்து விழுந்தவுடன்
உடலில் உள்ள அனைத்து கருவிகளும்
வேலைசெய்து அதை அரைத்து,அதில்
உள்ள  சத்துக்கள் அனைத்தையும்
உறிஞ்சி ரத்த குழாய் மூலம் உடலின்
அனைத்து பாகங்களுக்கு.
எந்த எந்த பகுதிக்கு என்னென்ன
சத்து தேவையோ
அதை கொண்டு சேர்த்து.
அங்கு செத்து விழுந்து கிடக்கும்
இறந்த செல்களை
எடுத்து சென்று அதை
வெளியேற்றும் கருவிகளுக்கு
சேர்த்துவிடுகிறது.

இந்த உடலில் உள்ள குடிநீர் வாரியம்
உடலில்  எந்த  உடலில் எந்த பகுதிகளில்நீர்
தேவையோஅந்த இடங்களிலெல்லாம்
24 மணி நீரம் குடி நீர்
சப்ளை குறையாமல் பார்த்து கொள்ளுகிறது

உதாரணத்திற்கு வாயில் உமிழ்நீர்,
கணையத்தில் கணைய நீர், பித்த பையில் பித்தநீர்.
போன்று ஏராளமான உறுப்புகள் தங்கள் பணியை செவ்வனே நிறைவேற்றிக்கொண்டிருக்கின்றன. .

அதைபோல் கழிவு நீர்,வடிகால் வாரியம்
அனைத்து கழிவுகளையும் அந்தந்த கருவிகள்
மூலம் பிரித்து எடுத்து வெளியேற்றிக்கொண்டிருக்கின்றன.
அவைகள் ஓய்வதே கிடையாது.

இதைத்தவிர உடலில் உள்ள ஒவ்வொரு செல்லிற்கும் பிராண வாயுவை கொண்டு சேர்க்கும் பணியும் அங்கிருந்து வெளியிடப்படும் கரிமிலவாயுவையும் நுரையீரலுக்கு கொண்டு சென்று அதை வெளியேஅனுப்புவதும் ,
வெளியிலிருந்து பிராணவாயுவை காற்றிலிருந்து
உள்ளே இழுக்கப்பட்டு அதை சுத்தம் செய்து
 உடல் முழுவதும் அனுப்பும் பணியையும்
இந்த இரத்தமும் அதை உடல் முழுவதும் கொண்டு
சேர்க்கும் பணியில் நம் இதயமும்
துடித்துக்கொண்டிருக்கிறது.

இவ்வளவு நம் உடலில் நடக்கிறதே
இதை பற்றி யாருக்காவது ஏதாவது தெரியுமா?

ஒன்றும் தெரியாது?

இவ்வளவு வேலைகள் வெளி உலகில்
நடக்க வேண்டுமேன்றால்
எவ்வளவு இயந்திரங்கள்,
அதை இயக்க தேவையான் மின் சக்தி உட்பட
பலவிதமான சக்திகள், எரிபொருட்கள்
அதை இயக்க வேலையாட்கள் என்று
அதற்காக ஆகும் செலவுகள் என்று
கணக்கு எடுத்தால். தலை சுற்றும்.

இது மட்டுமா
இன்னும் ஏராளமான பணிகள்
 நம்மை பிணியில்லாமல் வைக்க
இந்த உடல் படாத பாடு படுகிறது.
கொஞ்சம் கூட சலித்துக் கொள்ளாமல்.

நாம்தான் அதன் இயக்கங்களில்
தலையிட்டு அதை சிதைக்கின்றோம். தினமும்

இனியாவது இறைவன் இல்லை
என்று பிதற்றாது யாருக்கு நன்றி
சொல்கிறீர்களோ இல்லையோ
அவனுக்கு நன்றி சொல்லுங்கள்

இன்னும் வரும்

உடம்பை வளர்த்தேன் உயிர் வளர்த்தேனே (பகுதி-4)

உடம்பை வளர்த்தேன் 
உயிர் வளர்த்தேனே (பகுதி-4)

இறைவன் படைத்த
இந்த உடல் அதிசயங்களும்
ஆச்சரியங்களும் நிறைந்த
ஆனந்த உலகம்.

அற்புத உலகம்.
இதில் இல்லாததே
எதுவும் புறவுலகில் இல்லை.

அதனால்தான் பிண்டமாகிய
இந்த உடலில் உள்ளதனைத்தும்
அண்டத்தில் உள்ளது என்று
சொல்கிறார்கள்யோகிகளும்,
ஞானிகளும், சித்தர்களும்,
ஜீவன் முக்தர்களும்

அதை உணர்ந்ததால்தான்
அவர்களுக்கு அஷ்டமா சித்திகளும்
கைவரப்பெற்றன. பஞ்ச பூதங்களும்
அவர்களின் எண்ணப்படி இயங்கின.


இன்னும் சொல்லபோனால்
இன்றைய மனிதனின் கண்டுபிடிப்புகளுக்கும்
ஆதாரம் மனிதனின் உடலிலிருந்து வந்ததே.

உடலில் உள்ள அதிசயங்களை
ஒத்திட்டுப் பார்க்கும்போது
மனிதனின் கண்டுபிடிப்புகள்
மிகவும் குறைவே.

அவனால் உருவாக்கப்பட்ட கருவிகள்
அனைத்தும் சிறிது காலம்தான் செயல்படும்.

சில கால நிலைகளில்தான் செயல்படும்.

சில சூழ்நிலைகளில்தான் செயல்படும்.

சில அதற்க்கென்று பயிற்சி
பெற்றவர்களால்தான்
செயல்படுத்தமுடியும்.

ஆனால் இறைவன் படைத்த
இந்த உடலில் ஏராளமான கருவிகள்
நம்மை அறியாமல் பல ஆயிரக்கணக்கான
வேலைகளை ஓய்வில்லாது
தொய்வில்லாது செய்து கொண்டிருக்கின்றன.

ஓய்வில்லாது செயல்பட்டாலும்
அவைகள் அவைகளுக்கு தேவையான
ஓய்வை எடுத்துக்கொள்கின்றன.

உதாரணத்திற்கு நம் இதயம் ஒரு  துடிப்பிற்கும்
 மற்றொரு துடிப்பிற்கும் இடையில்
உள்ள நேரத்தில் ஓய்வு எடுத்துகொள்வதாக
கண்டுபிடித்திருக்கிரார்கள்.
என்னே ஆச்சரியம் பாருங்கள்!

நம் இதயம் துடிக்காது
நின்று விட்டால் அனைத்து
இயக்கங்களும். நின்றுவிடும்.

நாம் இறந்துவிட்டதாக கருதி
இந்த உலகத்தினர் (நாம் இறக்கமாட்டோம் என்பது வேறு விஷயம் )
நம் உடலை அழித்துவிடுவார்கள்.
ஏனென்றால் அவர்கள்
நம் உடலைதாம் நாம்
என்று எண்ணிக்கொண்டிருக்கிறார்கள்.

இதைபோல்தான் இந்த உடலில்
உள்ள அத்தனை கருவிகளுக்கும்.
பாதுகாப்பு கருவிகள் பொருத்தப்பட்டுள்ளன.

அதன் செயல்பாட்டின் அளவு
எல்லை மீறினால் அவைகளே
 சரி செய்துகொள்கின்றன.

உடலின் வெப்பம் அதிகமானால்
உடனே நம்முடைய தோலின் மூலமாக
வியர்வையை வெளியேற்றி
உடலின் வெப்பத்தை சம நிலைக்கு
கொண்டுவருகின்றன.

நம் உடல் சோர்ந்துவிட்டால்
ஒன்று மயக்கம் வருகிறது
அல்லது தூக்கம் வருகிறது.

அந்த இடைப்பட்ட காலத்தில்
உடல் தன் இழப்புகளை
ஈடு செய்து கொள்ளுகிறது.

சிறு காயங்கள் ஏற்பட்டு ரத்தம் வந்தால்
ரத்தம் வெளியேறி உடலில்
உயிர் போகும் நிலை வராமல்
தானே உறைந்து ரத்தக் குழாயை
அடைத்துவிடுகிறது.

நுரையீரலில் தூசுகளும் மாசுகளும்
அதிக அளவில் சேர்ந்துவிட்டால்
உடனே சளி திரவம் அதிக அளவில்
சுரந்து அத்தனை தூசுகளையும் மாசுகளையும்
இருமச் செய்து சளியாகவும் கோழையாகவும்
வெளியேற்றி நம் உடலைப் பாதுகாக்கின்றது.

இதுபோன்ற பல்லாயிரக்கணக்கான
பாதுகாப்பு அம்சங்களை இறைவன்
நம் உடலில் ஏற்ப்படுத்தி  தந்துள்ளான்.

நம் மீது இவ்வளவு கருணை காட்டியுள்ள
அந்த கருணா மூர்த்தியை,நாம்
நினைத்து நன்றி சொல்லாவிடில்
நம்மை போன்ற
நன்றி கெட்டவர்கள்
யார் இருக்க முடியும்?

(இன்னும் வரும்)

உடம்பை வளர்த்தேன் உயிர் வளர்த்தேனே! (பகுதி-3)

உடம்பை வளர்த்தேன் 
உயிர் வளர்த்தேனே! (பகுதி-3)





இந்த உலகில் உள்ள அனைத்து
மனிதர்களின் உடல்களும்
அதன் உள்ளே இருக்கின்ற கருவிகளும்
இயக்கங்களும் ஒன்றுதான்.

உருவத்தில்,நிறத்தில்,அறிவில்,
 பழக்க வழக்கங்களில் உண்ணும்
 உணவில் மட்டும்தான்வேறு பாடுகள்  உண்டு.

இந்த உடல் ஒரு இயந்திரம்.
அவ்வளவுதான் .
அது மரிக்கும் வரை யார் யார் நன்றாக
பராமரிக்கிறார்களோ அவர்களுக்கு
அது ஒத்துழைப்பு கொடுக்கும்.

ஒத்துழைப்பு கொடுக்காதவர்களை
ஓய்வின்றி அல்லப்பட வைக்கும்.

அப்போதும் அதற்க்கு எதுவும் தெரியாது.
 மக்கர் செய்யும் கார் போல.
காரில்போகின்றவனுக்குத்தான்
எல்லா  துன்பமும்.

காரை பயன்படுத்துபவனும்
அதை ஒட்டி செல்பவனும்
 வேறு வேறாயினும்
துன்பம் இருவருக்குமே.

இந்த உடலை பயன்படுத்துபவன்
மனம் என்னும் ஒரு மாய சக்தி .
அதை ஒட்டிசெல்பவன்
அறிவு என்னும் சக்தி.

இந்த இரண்டும் சேர்ந்தததுதான்
 உயிர் என்னும் ஜீவன்.
அந்த உயிருக்குயிராய்
இருப்பது ஆன்ம சக்தி

அந்த ஆன்ம சக்தி பரம்பொருள்
 என்னும் பரமாணுவின் (பரமாத்வாவின்)
உள்ள ஒரு அணு.

பரம்பொருளுக்கு உள்ள
அனைத்து சக்திகளும்
இந்த ஆன்மசக்திக்கும் உண்டு

ஆனால் அதற்க்கு விதிக்கப்பட
வேலை வெறும் சாட்சியாக
ஜீவனின் உடலில் உறைவதுதான்

அதை இந்த ஜீவன் உணராத வரைக்கும்
அது தன்னை வெளிக்காட்டாது..

எப்படி என்றால் மின் கடத்தியில்லாத
பொருளினால் சுற்றப்பட்ட கம்பியில்
உள்ள   அதிக மின் அழுத்த  மின்சாரம்
தொட்டாலும் மின் அதிர்ச்சி
 ஏற்படுத்தாதுபோலதான்.

இந்த உடல் என்னும் கூட்டை மாயை
என்று கண்டுகொண்ட ஞானிகளும்
தான் இந்த உடல் அல்ல
தான் சத்து, சித்து ஆனந்த மயமான ஆன்மா
என்று உணர்ந்த ஜீவன் முக்தர்களுக்கும்
இந்தமின்சார சக்தி
எந்த பாதிப்பையும் ஏற்படுத்தாது.

அதனால்தான்  சாதாரணமான மனிதர்களுக்கு
ஆபத்தையும் அழிவையும் விளைவிக்கும்
பஞ்ச பூதங்களும் ஜீவன் முக்தர்களுக்கு
எந்த பாதிப்பையும் ஏற்ப்படுத்துவதில்லை

நாம் அந்த நிலையை
அடையமுடியுமா?

ஏன் முடியாது ?

எத்தனையோ மகான்கள்
அந்த உயரிய நிலையை அடைந்து
நம்மிடையே வாழ்ந்து
காட்டியுள்ளதை
நாம் கண்டுள்ளோம்?

இன்னும் எத்தனையோ பேர்கள்
நம்மிடையே வாழ்ந்து கொண்டுதான்
இருக்கிறார்கள் தங்களின்
சக்தியை மறைத்துக்கொண்டு.

(இன்னும் வரும் )

pic-courtesy-google images

உடம்பை வளர்த்தேன் உயிர் வளர்த்தேனே! (பகுதி-2)

உடம்பை வளர்த்தேன் 
உயிர் வளர்த்தேனே! (பகுதி-2)





சரி இந்த உடம்பை பற்றி ஆராய புகுந்தால்
இது மருத்துவ கல்லூரி பாடமாக ஆகிவிடும்.

அதை கற்று தருவதற்காக
தனியார் மருத்துவ கல்லூரிமுதலைகள்
கோடிக்கணக்கில் செலவு செய்து கல்லூரி நடத்துகிறார்கள்.
அதில் சேரும் மாணவர்கள் நன்கொடையாக
 40 லட்சம்முதல்  80 லட்சம் வரை தந்து
மருத்துவ கல்வி பயிலுகிறார்கள்

அவர்கள் பிழைப்பில் மண் விழுந்துவிடும்.
அந்த பாவம் நமக்கு வேண்டாம்.

நம் பிரச்சினைக்கு வருவோம்.

இந்த உடல் தனக்குள் எந்த பிரச்சினையானாலும்
தனக்கு தானே தீர்த்துகொண்டாலும்
தீர்த்து கொள்ள முடியாத பிரச்சினைகளை
நமக்கு பல சமிஞ்ஞைகள் மூலம்
உணர்த்தவும் செய்கிறது.

அதை நாம் கண்டு கொள்வதில்லை.

அடம் பிடித்து அழும் குழந்தையின்
அழுகைக்கான காரணத்தை அறிந்து கொள்ளாமல்
அதை இரண்டு சாத்து சாத்தி தூங்க வைப்பது போல்
ஏதாவது மாத்திரைகளை உள்ளே தள்ளி
அந்த நேரத்திற்கு தப்பித்துகொல்கிறோம்.

ஒரு கால கட்டத்தில் ஒரு மாத்திரைகளும்
வேலை செய்யாது வலி தாங்க முடியாமல்
போய் மருத்துவரிடம் போனால்
பல லட்சங்களுக்கு செலவு வைப்பதுடன்
வாழ்நாள் முழுவதும் உணவிற்கு
பதிலாக மாத்திரைகளையும்,
சிறப்பு உணவாக சிரப்புகலையும்
 நம் தலையில் கட்டுவது மட்டுமல்லாமல்
நம்மை அடிக்கடி உடம்பிலிருந்து வெளியாகும்
அத்தனை கழிவுகளுக்கான பரிசோதனை,
உடலில் உயிரோடு உள்ள கருவிகளை
உயிரற்ற கருவிகளைக் கொண்டு பரிசோதனை,
என நிரந்தர நோயாளிகளாக்குவதுடன்
பல பேர்களுக்கு வேலை வாய்ப்பும்
ஏற்படுத்தி தருகிறார்.

இப்படி நாம் வாழ்நாள் முழுவதும் உழைப்பதும் உழைத்த காசை இந்த உடலுக்காக வீணடிப்பதும் புலம்புவதுமாக போய்க்கொண்டிருக்கிறது.

இன்று நோய்வாய்ப் படாதவர்களோ
அல்லது  உடலில் ஏதாவது ஒரு அறுவை சிகிச்சை
 செய்யப்படாதவர்களோ ஒருவரும் கிடையாது.

உடம்பில் உள்ள அத்தனை பகுதிகளுக்கும்,
அத்தனை கருவிகளுக்கும் என தனி தனி
சிறப்பு மருத்துவர்கள் இருந்தும்
அனைவரும் நிரந்தர நோயாளிகளாகவே
இருக்கின்றனர்.

என் இந்த அவல நிலை?

இதற்காகவா இறைவன்
மனிதர்களை படைத்தான்?

நிச்சயம் இருக்காது.

எல்லாம் அவரவர்களே
பாடுபட்டு வரவழைத்துக்கொண்டது.

(இன்னும் வரும்)

pic. coutesy-google images

உடம்பை வளர்த்தேன் உயிர் வளர்த்தேனே! (பகுதி-1)

உடம்பை வளர்த்தேன் 
உயிர் வளர்த்தேனே! (பகுதி-1)




உடம்பு நம் உயிர் சில காலம் 
இந்த உலகில் தங்கும் ஒரு வீடு

இந்த வீட்டை
நாம் கட்டுவது கிடையாது.

இது இறைவனால் கட்டப்பட்டு
நமக்கு இலவசமாக அளிக்கப்படுகிறது

மேலும் அதை பராமரிக்கும்
வேலையும் நமக்கு கிடையாது.

உடலின் பெரும்பாலான பகுதிகளை
அதில் செயல்படும் இயக்க சக்திகளே
பராமரித்துகொள்ளுகின்றன

இது உறுதியான எலும்புகளால்,
அதே நேரத்தில் தேய்மானங்களை அதுவே
புதுப்பித்துக் கொள்ளும் வகையிலும்,
நரம்புகளினால் நன்கு இழுத்து கட்டப்பட்டு
அதே  நேரத்தில் எப்படி வேண்டுமானாலும்
நாம் இஷ்டப்படி பயன்படுத்தும் வகையிலும்,
அமைக்கப்பட்டுள்ளது.

மேலும் உடல் முழுவதும் சக்தியை பாய்ச்சியும்,
கழிவுகளை அகற்றியும், பாதுகாப்பும் அளிக்கும்
இரத்தக் குழாய்களும் உடலின் ஒவ்வொரு
அணுக்களிலும் பாயும் வகையில்
அமைக்கப்பட்டுள்ள ஒரு அற்புதம்.

எல்லாவற்றிற்கும் மேலாக
ஏராளமான தானியங்கி கருவிகள்
பொருத்தப்பட்டு,
தசைகள், சதைகள் மற்றும்
தோலால் மூடப்பட்டு அழகின் வடிவமாக
காட்சி தரும் சொல்லவொண்ணா அற்புதம்
இறைவன் கொடுத்த இந்த உடல்

இந்த உடலில் நமக்கு தெரிந்து
ஒன்பது பிரதான வாயில்கள் உள்ளன.
அவைகளுக்கு காவலாளிகள் கூட கிடையாது

எல்லாம் தானியங்கி கதவுகள்.

தேவைப்படும்போது திறக்கும்.
வேலை முடிந்ததும் தானே மூடிக்கொள்ளும்
வகையில் இறைவனால் வடிவமைக்கப்பட்ட
ஒரு அற்புதம்.

இந்த உடலில் உள்ள கருவிகளில் ஏற்ப்படும்
தேய்மானங்களை அதுவே சரி செய்து கொள்ளும்
வகையில் வடிவமைக்கப்பட்டுள்ளன.

உடலில் சக்தி தேவைப்படும்போது
நமக்கு உணர்த்தும் கருவிகள்
அமைக்கப்பட்டுள்ளதால்
அப்போது நாம் உணவை எடுத்து
வாயில் போட்டால் போதும்
மற்றவற்றையெல்லாம்
 நம் வயிறு பார்த்துக்கொள்ளும்.

அதை ஜீரணித்து சத்துக்களை
எடுத்து சென்று உடலின் அனைத்து
பகுதிகளுக்கும் கொண்டு அளித்துவிடும்
மட்டுமல்லாது தேவையற்ற கழிவுகளை
எடுத்து சென்று அதுவே அதற்கென்று
உள்ள கருவிகள் மூலம் வெளியேற்றிவிடும்.

நம் உடலில் உள்ள இதயமும்
தான் கரு உருவானதிலிருந்து
இந்த உடலில் உயிர் நீங்கும் வரை
மயக்க நிலையிலும் கூட இடைவிடாமல்
இயங்கி உடல் முழுவதும் குருதியாய்
 பல்லாயிரம் கிலோமீட்டர் பாய்ந்து
ஓடி இந்த உடலை உறுதியுடன் வைக்கின்றது.

மூளையிலிருந்து நரம்புகள் கோடிக்கணக்கில்
உடல் முழுவதும் பரவி மின் சக்தி மூலம்
இந்த உடலை பாதுகாக்கின்றது.

இன்னும் இந்த உடலில்
அதிசயங்கள் எத்தனையோ?
யாரறிவார்?
அந்த இறைவனே அறிவான்.

இப்படிப்பட்ட ஒரு விலை மதிக்கமுடியாத
பொக்கிஷத்தை நமக்கு இலவசமாக  அளித்து
நாம் மகிழ்ச்சியாக வாழ வழி வகை செய்த
இறைவனை எவ்வளவு முறை
போற்றிதுதித்தாலும்
நன்றியுடன் நினைத்தாலும்
அதற்க்கு எதுவும் ஈடு  ஆகாது.

ஆனால் நாம் அவ்வாறு
நடந்து கொள்கிறோமோ
என்பதுதான் கேள்விக்குறி

(இன்னும் வரும்) .

pic. courtesy-google images.