ஆன்மீகத்தில் ஏன் முன்னேற்றம் இல்லை?

ஆன்மீகத்தில் ஏன்
முன்னேற்றம் இல்லை?

இன்று பலர் பலவிதமான 
ஆன்மீக சாதனைகளை 
மேற்கொள்ளுகிறார்கள்.

அவர்களில் பலரும் ஏதாவது 
ஒரு  கோரிக்கை நிறைவேருவதற்க்காக 
சிலர் விரதங்களை மேற்கொள்ளுகிரார்கள். 

சிலர் புனித தலங்களுக்கு 
யாத்திரை செய்கிறார்கள்.  

சிலர் பரிகாரங்கள், பூஜைகள், செய்கிறார்கள் 

.சிலர் ஆன்மீக வாதிகளை நாடுகிறார்கள். 

சிலருக்கு  கோரிக்கைகள் நிறைவேறுகிறது
பலருக்கு எதுவும் நடப்பதுகிடையாது. ,

சிலர் எல்லாம் இறைவன் செயல் என்று 
எந்த முயற்சிகளையும் மேற்கொள்ளாது 
சோம்பி திரிகிறார்கள்.

அதனால் நிலைமை 
இன்னும் மோசமாக போய்விடுகிறது.

அவர்கள் மனதில் 
ஒரு வெறுமை கவ்விக்கொள்கிறது.

அவர்கள் தங்களுக்கு விதிக்கப்பட்ட
 கடமைகளை செய்ய தவறிவிடுகிறார்கள். 

அதனால் வேறு அவர்களுக்கு பலவிதமான 
பிரச்சினைகள் தோன்றுகின்றன 

அதனால் அவர்கள்மன
 நிம்மதியின்றி தவிக்கிறார்கள். 

அவர்களை சார்ந்தவர்களும், அவர்களை 
சுற்றியிருப்பவர்களும் அவர்களை 
வெறுக்க தொடங்குகிறார்கள்.  

இதனால் அவர்களின் நிலைமை 
இன்னும் மோசமாகிறது. 

எல்லோரும் தன்னை வெறுக்கிறார்கள்
 என்று எண்ண தொடங்குகிறார்கள். 

கலங்கிய மனம் தவறான 
வழிகளை நாடி,அழிவினை தேடிக்கொள்கிறது.

ஆன்மிகம் என்பது 
ஒரே நாளில் கட்டிமுடிக்கப்படும் 
மந்திர கோட்டையல்ல

அதுஉறுதியான அடித்தளத்துடன் 
ஒவ்வொரு செங்கலாக நம்பிக்கை ,
விடாமுயற்சி என்னும் கலவை கொண்டு 
பக்தி என்னும் நீரால் குழைக்கப்பட்டு
 கட்டப்படவேண்டும். 

எப்படி கட்டிடம் கட்டப்படு முன் 
ஒரு வரைபடம் மற்றும் திட்டம் 
வகுக்கப்படவேண்டுமோ 
அதைபோல். நம்முடைய நிலைக்கு ஏற்ப 
ஆன்மீக சாதனைகளை கவனமாக 
பரிசீலித்து. தேர்ந்தேடுக்கவேண்டும். 

பிறர் சொல்லுவதை கேட்டோ.சரியான 
வழிகாட்டுதலின்றி செயல்பட்டால்
தோல்விதான்கிடைக்கும். 

ஒரு பாதையை தேர்ந்தெடுத்த பின் 
அதன் முடிவை அடையும்வரைக்கும் 
அதிலிருந்து எத்தனை 
சோதனைகள் வந்தாலும் 
பின்வாங்கக்கூடாது. 

அவ்வாறு உறுதியாக நின்றவர்கள்தான்
இலக்கை அடைந்து இன்று நம்மிடையே 
மகான்களாக உலவி வருகிறார்கள். 

தியாகராஜ சுவாமிகளின் சிந்தனைகள்(38)

தியாகராஜ சுவாமிகளின்
சிந்தனைகள்(38)

மனதிற்கு உபதேசம் 

(கீர்த்தனை-தெலிசி-ராம சிந்தநதோ-நாமமு(358) -ராகம்-பூர்ணசந்திரிக -(மேள-29)-தாளம் ஆதி

மனமே! உனக்குள் தோன்றும் பலவித எண்ணங்களை
நிறுத்திவிட்டு ஒரு நிமிடமாவது தாரக நாம 
ஸ்வரூபனின் உண்மையான தத்துவத்தை தெரிந்து 
இராமனிடம் சிந்தையை நிலை நிறுத்தி 
நாம சங்கீர்த்தனம் செய்வாயாக

"இராமா" என்ற சொல்லிற்கு பெண் 
என்று பொருள் உண்டு. இவ்விதம் 
பொருள் கூறுவோர் காமம் முதலியவற்றுடன் 
போர் புரிவோர் ஆவர் .
"இராமா" என்றால் பிரம்மம் என்ற 
உண்மையான பொருளை உணர்பவனின் 
துன்பங்கள் விலகிப் போகும் 

இவ்விதமே "அர்க்க  "என்பதற்கு 
எருக்கமரம் என்று பொருள் கூறுவோரின் 
குரங்குபுத்தி எப்படி தீரும்?

"அர்க்க  "என்னும் சொல்லிற்கு சூரியன் 
என்ற பொருளை அறிபவர்களுக்கு
 குதர்க்கம் பேசி விதண்டாவாதம் செய்யும் 
அறியாமை என்னும்  இருள் அகன்றுவிடும் 

"அஜ:' "என்ற பதத்திற்கு ஆடு என்று
 அர்த்தம் கூறுபவர்களின் கோரிக்கைகள்
 எங்ஙனம் ஈடேறும்?

"அஜ"என்றால் பிரம்மன் என்ற 
சரியான பொருளை உணர்ந்தால் 
வெற்றி பெறலாம். 

இந்த  கீர்த்தனை கேட்பதற்கு 
இனிமையான கீர்த்தனை

இராம நாமத்தின் பெருமையை விளக்கி ,
மனதில் தோன்றும் பலவிதமான் எண்ணங்களை 
ஒதுக்கி வைத்து இராம நாமத்தை 
சிந்தை செய்யுமாறு மனதிற்கு
உபதேசம்  செய்கிறார் ஸ்வாமிகள்.   

இந்த உபதேசம் நமக்குதானே ஒழிய 
அவருக்கல்ல . 
அவர்தான் ஏற்கெனவேயே 96 கோடி முறை 
ராம நாம ஜபம் செய்து 
அவன் தரிசனம் பெற்றுவிட்டாரே. 

தியாகராஜ சுவாமிகளின் சிந்தனைகள்(37)

தியாகராஜ சுவாமிகளின்
சிந்தனைகள்(37)

சங்கரனை,சிவபெருமானை 
பன்முறை நமஸ்கரிக்கின்றேன்.

கீர்த்தனை-நாத -தநு மநிசம் -சங்காரம்(98)-ராகம் -சித்தரஞ்சனி-(மேள-19(2)-தாளம்-ஆதி 

நாதத்தையே சரீரமாகவுடைய 
சங்கரனை மனதினாலும் சிரசினாலும்  
சதா நமஸ்கரிக்கின்றேன்

ஆனந்தத்தை அளிப்பதும் ,
வேதங்களுள் சிறந்ததுமான 
சாம வேதத்தின் சாரமாகிய சங்கரனை 
,பன்முறை வணங்குகிறேன்.

சத்யோஜாதம்,அகோரம்,தத்புருஷம்,ஈசானம்,
வாமதேவம்,ஆகிய ஐந்து முகங்களிலிருந்து பிறந்த 
,ச,ரி,க,ம,ப,த,நி, என்ற ஏழு சிறந்த 
ஸ்வரங்களின் சாஸ்திரத்தை உகப்பவனும்,
காலனை வென்றவனும், 
தூய உள்ளம் படைத்த தியாகராஜனை
 பாலிப்பவனுமாகிய சிவபெருமானை 
பன்முறை நமஸ்கரிக்கின்றேன்.  


இராம பக்தராகிய ஸ்வாமிகள் 
சிவபெருமானை போற்றி துதிக்கும் 
பாங்கினை பாருங்கள். 
இராம பக்தர்கள் சிவ விஷ்ணு 
பேதம்  பார்க்ககூடாது 

அப்படி பார்ப்பவர்கள் 
உண்மையான இராம பக்தர்கள் அல்ல  
என்று பல கீர்த்தனைகளில் 
ஸ்வாமிகள் வலியுறுத்தியுள்ளார் 
 

தியாகராஜ சுவாமிகளின் சிந்தனைகள்(36)

தியாகராஜ சுவாமிகளின் 
சிந்தனைகள்(36)

இராமனின் கிருபை 
எப்படி கிடைக்கும்?

(கீர்த்தனை-மநஸு- விஷய (264)-ராகம்-நாடகுரஞ்ஜி -(மேள.28)-தாளம் -ஆதி)

தியாகராஜன் வணங்கும் மூர்த்தியை  
தியானிக்காமல் மனத்தை ஐம்புலன்கள் என்னும் 
தூர்த்தரிடம் ஒப்படைத்து விட்டால் 
அந்த ராமனின் கிருபை கிடைக்குமா?

தன் கதவை பெயர்த்து அயல் வீட்டிற்களித்து  விட்டு 
ஒருவன் தன் வீட்டில் நுழையும் நாய்களை விரட்டியது 
போலாகுமல்லவா அது?

தவிட்டிற்க்காக தகாத காரியம் செய்ய துணிந்த 
ஒருத்தியின் வீட்டு சோற்றுப் பானையை குரங்கு 
கொண்டுபோனதை ஒக்குமல்லவா இந்த செய்கை?

மேலும் இது செவிடன் காதில் செய்த
உபதேசம் போலாகுமல்லவா?

இந்த கீர்த்தனையில் ஸ்வாமிகள்
நாம் நம்முடைய மனதை இராமபிரானிடம் ஒப்புவித்து  
கடைதேறும் வழியை நாடாமல் நம்மை ஏமாற்றி
பலவழிகளில் நமக்கு துன்பத்தை தரும் ஐம்புலன்கள் என்னும் அயோக்கியர்களிடம் ஒப்படைக்கலாமா என்று கேட்கிறார்

மேலும் அயோக்கியர்களுக்கு வீட்டின் கதவை 
திறந்து விட்டபிறகுவீட்டிற்குள் நுழைந்துகொண்டு 
நம்மை அதிகாரம் செய்யும் அவர்களை வெளியேற்றுவது 
அவ்வளவு சுலபமா என்றும் கேட்கிறார்?

அற்ப பொருளுக்காக ஆசைப்பட்டு இருப்பதை 
இழக்கும் மனிதர்களை பற்றியும் அவர் சாடுகிறார் 
இந்த கீர்த்தனையில்

எனவே நாம் எச்சரிக்கையுடன் இருப்போம்.
நம் மனதை இரமாபிரானின் 
திருவடிகளில் ஒப்படைத்து விடுவோம்.
அவன் காட்டும் வழி நடப்போம்.
நற்கதி பெறுவோம். 

தியாகராஜ சுவாமிகளின் சிந்தனைகள் (35)

தியாகராஜ சுவாமிகளின் 
சிந்தனைகள் (35)






இராமா !
யார் உன் திருமந்திர மகிமை 
அறிவார் இவ்வுலகில்?

(கீர்த்தனை-ஏமந்துநே விசித்திர முநு(2)-ராகம்-ஸ்ரிமணி-(மேள-2)-தாளம் ஆதி )

இவ்வுலகில் மாந்தர் பேசும் 
விசித்திர மொழிகளை 
என்னவென்பேன்?

உன் திருமந்திரத்தின் மகிமையை 
அறியமுடியாமல்  அற்பர்களைபோல்  
உன்னுடன் உரையாடுகிறார்கள்!

தாமச குணம் நிறைந்த 
தத்துவங்களைப் பேசி 

காமத்திற்கு அடிமைகளாகி 
நெஞ்சில் கருணையின்றி உலகில் 
இங்குமங்கும் திரிந்து வயிற்றை 
நிரப்பிக்கொண்டு தாமே பெரியோர்கள் 
என்று பெருமைகொண்டனர்.

மிக அருமையான கீர்த்தனை.
உலகில் உள்ள அனைத்து மந்திரங்களும் 
ஒரு பலனை எதிர்பார்த்து 
ஓதப்படுபவையே அன்றி. 
முக்தியை அளிக்கக்கூடியவை அல்ல

ஏனென்றால் அந்த மந்திரங்களுக்குரிய 
தெய்வங்களுக்கு உரிய சக்திகளுக்குடைய 
பலன்களையே அவர்கள் அளிக்க இயலும்.

இதை அறியாது அனைத்திற்கும்  
மூலமான ராம மந்திரத்தின் மகிமை அறியாது
அவைகளுடன் ஒப்பிட்டு பேசுவது விசித்ரமாக 
உள்ளதாக ஸ்வாமிகள் எள்ளி நகையாடுகிறார்.

ஒரு உண்மையான ராமபக்தன் 
மனதில் எந்த சலனத்திற்க்கும் ஆட்படாதவன் .
எந்த ஆசாபாசங்களுக்கும் அடிமையாகாதவன்.
உள்ளத்தில் கருணை நிறைந்தவன்.
தனக்கு தீமை செய்பவரையும் கூட 
தவறாக கொள்ளாத பண்பு உடையவன்.

மொத்தத்தில் அவனுக்கு எல்லாம்
ராம நாமம்தான்  
வேறெந்த சிந்தனையும் அற்றவன்

அதைபோன்ற ஒரு நிலையை 
அடைவது மிக துர்லபம்.

ஊண் மறந்து,உடலை மறந்து ,
தன்னை மறந்து ராம நாமத்தில் மூழ்கி 
தன் உடல்மீதே கறையான் புற்று வைத்தது கூட
அறியாது பக்தி செய்த வால்மீகி  
மகரிஷி போன்றவர்களுக்குத்தான்
அந்த ராம நாமத்தின் 
மகிமை அறிய இயலும்.

தன்னுடைய கோடிக்கணக்கான 
ரூபாய் மதிப்புள்ள சொத்துக்களை 
முழுவதும் தர்மம் செய்துவிட்டு.
ராம நாமத்தை பாடிக்கொண்டு சென்ற
புரந்தர தாசர் போன்ற மகான்களுக்குதான் 
அந்த மந்திரத்தின் ருசி தெரியும்.

தன்னுடைய உடலின் ஒவ்வொரு அணுவிலும் 
மூச்சிலும், பேச்சிலும், சிந்தையிலும்,  
இராம நாமத்தை நிறைத்துக்கொண்டு 
இதயத்தில் அவன் வடிவத்தை எப்போதும்
 கண்டு ஆனந்தித்துக் கொண்டிருக்கும் 
அனுமனுக்கு இராம நாம மகிமை தெரியும். 

இந்த உலக மோகத்தில் சிக்கி திரியும் 
மனிதர்களுக்கு அதன் 
மகிமையை அறிய இயலாது என்பது
இந்த கீர்த்தனையின் சாரம்.

 .

ஏமாந்துபோகாதீர்கள் எச்சரிக்கை எச்சரிக்கை.

ஏமாந்துபோகாதீர்கள் 
எச்சரிக்கை எச்சரிக்கை. 






The chances are remote!

இந்த  remote என்ற  சொல்லை 
இன்று  உச்சரிக்காதவர்கள் 
இல்லை எனலாம். 
அந்த அளவிற்கு இந்த சொல் 
மனிதர்களிடம் 
ஆதிக்கம் செலுத்துகிறது.

மிக்க படித்தவர்களிடம் யாராவது 
ஒரு செயலை சொன்னால் அவர்கள் 
உடனே சொல்வார்கள் 
,நீங்கள் சொல்வதை ஏற்றுக்கொள்ளமுடியாது
The chances are very remote என்பார்கள் 
ஆனால் அது நடந்துவிட்டால் 
This is one in a million .This is a rare happening 
என்று சொல்லி நழுவி விடுவார்கள் 

அதைப்போல் இன்று அனைவரின் 
கையிலும் கர்ணனின்  
கவச  குண்டலங்கள்போல்
ஒட்டிக்கொண்டு கிடப்பது  
கைபேசியும் remoteடும்தான் 

அந்த கைபேசி அனைவரையும் 
படுத்தும் பாடு சொல்லத்தரமன்று 

அதை வைத்துக்கொண்டு 
எதை வேண்டுமானாலும் செய்யலாம் 
என்ற நிலைமை வந்துவிட்டது. 
தீவிரவாதி அதைவைத்து குண்டை வெடிக்க 
செய்து அப்பாவி மக்களை கொன்று மகிழ்கிறான். 

காதலனும் காதலியும்  கடற்கரையில் 
உட்கார்ந்துகொண்டு கடலை சுண்டலை 
தின்றுகொண்டே கடலை போடுகிறார்கள். 

உறங்கும் நேரம் தவிர 
விழித்திருக்கும் நேரம் முழுவதும்
வீண்கதைகளை கைபேசி மூலம் 
பேசியே காசையும் 
நேரத்தையும் வீணாக்குகின்றனர்
காலத்தின்மகிமையை அறியாத 
இந்த மூடர்கள். 

மேலும் கைபேசி ,மற்றும் ஒலி,ஒளி  
ஊடகங்கள் மூலம் கையில் இருக்கும் 
அனைத்தையும் ஏமாற்றி கொள்ளைஅடிக்கும் 
கும்பல்களும் பெருகிவிட்டன இக்காலத்தில் 

நமக்கு எல்லையில்லா தொல்லைகளை 
தரும் தொல்லைகாட்சிகளையும், 
வன்முறைகளையும், ஆபாசங்களையும் 
தூண்டும் வலைத்தளத்தையும் 
கைபேசியிலேயே கண்டு காலத்தை 
விரயம்  விரயம் செய்வதுடன் 
கற்க வேண்டியதை கற்காமல் 
காமத்திற்கும்,மோகத்திற்கும் அடிமையாகி 
பாவசெயல்களில் ஈடுபட்டு இந்த 
உலகிலேயே  நரக வாழ்க்கை வாழ்கின்றனர் 

வளர்ந்தவர்களும் வளரும் பருவத்தினரும்
 remote ஐ கையில் வைத்துக்கொண்டு 
அலைவரிசைகளை மாற்றி மாற்றி
 பார்த்துக்கொண்டு வேலைகள் 
எதுவும் செய்யாமல் உள்ளம் கெட்டு 
உடல்பெருத்து மன நோயாளிகளாகவும் 
உடல்நோயாளிகளாகவும் 
உலவுபவர்கள் கோடி கோடி இந்த உலகில் 

இதுமட்டுமல்ல  குழந்தைகள் தாயின் 
வயிற்றில் வளரும்போதே கைபேசி,
தொலைகாட்சி வலைதளங்களின் 
அசிங்கமான சமாச்சாரங்களையும் 
தங்கள் பெற்றோரிடமே பெற்றுக்கொண்டு 
இந்த உலகிற்கு வருகின்றனர். 

இதை தவிர நாமே அறியாது 
நம்மை கண்காணிக்கும் 
remote camera,remote sensingசெயற்கைக்கோள் 
என்று ஏராளமான கருவிகள் வேறு 

ஆனால் ஒன்றை மட்டும்
நினைவில் வையுங்கள் 
இவை அனைத்தும் நம்முடைய 
உயிரின் remote ஐ 
தன் கையில் வைத்திருக்கும் பகவானின் 
ஆணைப்படிதான் இயங்குகிறது 
என்பதை மறவாதீர்கள். 

அவன் அதை   நிறுத்திவிட்டால்
நம் கதை எல்லாம் அம்போ!

அப்புறம் நாம் சம்போ சிவ சம்போ 
என்று சொல்லமுடியாது. 
ராம ராம என்று உச்சரிக்கமுடியாது.

எனவே விழித்துக்கொள்ளுங்கள்
ராம நாமத்தை சதா ஜபம் செய்யுங்கள்.
எந்த வேலை செய்தாலும் இடை இடையே. 

.

தியாகராஜ சுவாமிகளின் சிந்தனைகள்(34)

தியாகராஜ சுவாமிகளின்
சிந்தனைகள்(34)



பக்தரை காப்பவன் 
இராமபிரான். 

பாற்கடலில் 
விளையாடுபவனே!

எல்லையற்ற 
கொடிய பாவங்களை யறுப்பவனே  

கொடூரமான மாந்தரைதொலைவில்
வைப்பவனே!

மறைகளில் சஞ்சரிக்கும் 
வடிவழகனே!

இந்திரனின் 
எதிரிகளையழிப்பவனே!

சிவனால் 
துதிக்கப்பெறுபவனே!

அடைக்கலம் புகுந்தவருக்கு 
அந்தரங்கமாணவனே

ஜானகியின் சிருங்காரமென்னும் 
தாமரையை வட்டமிடும் 
வண்டு போன்றவனே

மன்னர் மன்னனாக 
வேடம் தாங்கியவனே

கைகளில் அழகிய 
அணிகளையுடையவனே

அரசரால் துதிக்கப்பெறுபவனே!

இன் சொல்லுடையவ்னே

தியாகராஜன் முதலிய 
பக்தரை காப்பவனே!

(கீர்த்தனை-ஷீரசாகரவிஹார-(591)-ராகம் ஆனந்த பைரவி -தாளம்-ஜம்ப)

மிக இனிமையான் கீர்த்தனை-இந்த கீர்த்தனையை பாலமுரளி  கிருஷ்ணா பாடி கேட்கவேண்டும். வீணையின் நாதத்துடன் அருமையாக இருக்கும்