உன் வேதனைக்கு பிறரை நிந்தனை செய்வதை நிறுத்து

இறைவா உன்னை நினைக்க முடியாமல்

துன்பங்களை அடுத்தடுத்து தருகிறாயே

துன்பங்களை மறக்க முடியவில்லை

துன்பங்களை பொறுத்துகொள்ளும் உடல் உறுதியோ

மன உறுதியோ இல்லை

ஒரு துன்பம் நீங்கினால் அடுத்த துன்பம்

வாசலில் தயாராக நிற்கிறது

உடலில் நோய் என்ற நிலை மாறி

உடலே நோயாக மாறிவிட்டதே

எல்லாம் இந்த உடல் மீது வைத்த

பற்றினால் விளைந்தது

இந்த உடலுக்குள் உள்ளத்திற்குள்

உறைந்து என்னை இயக்கும் உன் மீது

பற்று வைக்காமல் வந்த வினைதான் இது

மனமே இனியாவது உன் கவனத்தை

இறைவன் மீது செலுத்து

உன் துன்பங்கள் குறையும்

அவன் நாமத்தை உச்சரி

அந்த நாமத்தின் நாதத்தின் மீது

சிந்தனையை செலுத்து

உன் வேதனைக்கு பிறரை நிந்தனை

செய்வதை நிறுத்து

வேதனைகள் குறையும்

வாதனைகள் நீங்கும்

பயிரை காக்கும் மழை போல்

உயிருக்குயிரான இறைவன்

உண்மையான பக்தனை காப்பான். .