காஞ்சி வரதப்பன்

காஞ்சி வரதப்பன் 

பக்தர்களை  வா வா என்றழைத்து
வரம்பின்றி வரங்களை
அள்ளித் தரும் வள்ளல் அவன்

அத்திகிரி மலைமேல்
நின்றுகொண்டு ஆண்டாண்டு காலமாய்
அடியவர்களை அன்போடு காத்து வரும்
நேயன் அவன்

தன்னை படைத்த நாரணனுக்கு
படைப்பு தொழிலை செய்யும் பிரம்மன்
வேள்வி செய்து கிடைத்த
அழகு மூர்த்தி அவன் .

ஆண்டு முழுவதும் அழகாக
அலங்காரம் கொண்டு பவனி வருவான்
பக்தியோடு பணிவோரின் அகங்காரம் அகற்றிடுவான்

யார் அவன்?
அவன்தான் காஞ்சியிலே
குடி கொண்டிருக்கும்
தேவாதிராஜன், அத்திகிரி  அருளாளன்.
பிரம்மனும் ஆராதித்த பேரருளாளன்.
அடியவர்களோடு நேரில் உரையாடிய
வரதராஜபெருமான்