வேய்ங்குழலில் வேணுகானம் இசைக்கும் வேணுகோபாலனே

வேய்ங்குழலில் 
வேணுகானம்   இசைக்கும் 
வேணுகோபாலனே 

வேதங்களும் காண இயலா
திருவடிகளை உடையவனே

உடையவர் போற்றி கொண்டாடிய
சம்பத்குமாரனே

கோகுலத்தில் கோக்களை மேய்த்து
கோபர்களுடன் கூடிக் களித்தவனே

கோபியர்களின்தூய  பக்திக்கு
அடிமையானவனே

அதர்மத்தை அழித்து அஞ்ஞானத்தை
அழிக்கும் ஆத்மா போதமளிக்கும்
கீதையை அளித்தவனே

ஆடாது அசங்காது உன் திருவடிவம்
என் நெஞ்சை விட்டு அகலாது
நின்றருள வேண்டுகிறேன்.

நினைத்தாலே இன்பம் தரும் நின் வடிவம்
உன் நாமம் உரைத்தாலே தொலையும்
அனைத்து  பாவங்களும் அக்கணமே

ஜெய் ஸ்ரீ கிருஷ்ணா!