நவராத்திரி (3)

நவராத்திரி (3)

குழந்தைகள் முதல் பெரியோர் வரை
அனைவரும் கொண்டாடி மகிழும்விழா
என்றால் மிகையாது.

சமூகத்தில் உள்ள அனைத்து தரப்பினரும்
மத பேதமின்றி பயன்பெறும் விழா

பெண்ணினம்
பெருமைபடுத்தப்படும் விழா

அறிவுக் கடவுள் கலைமகளை
ஆனந்தமாய் துதிக்கும் அற்புத திருவிழா

அஷ்ட அயிஸ்வரியங்களை அள்ளி
கொடுக்கும் அஷ்ட லட்சுமியை
அலங்கரித்து பூஜிக்கும்
ஆனந்த  திருவிழா

வீரத்தையும், விவேகத்தையும்,
ஞானத்தையும் தந்து
அறியாமையை ஒழித்து
அகந்தையின் வடிவாம் மகிஷனை அழித்து
தீய சக்திகளை வெற்றி கொள்ளும்
காளிமாதாவின் கருணையை பறைசாற்றும்
பாரதம்  முழுவதும் கொண்டாடப்படும் திருவிழா

எங்கு நோக்கினும்  தெய்வீக மணம்  கமழும்
மக்கள் மனமெல்லாம் பக்தியில்
ஆழ்ந்து பரவசப்படும் காலம்.

இந்த ஆனந்த வெள்ளம்
உலகமெல்லாம்
பரவட்டும்.

மக்கள் மனங்களில்
தீய சிந்தனைகள் நீங்கி
நல்ல சிந்தனைகள் ஓங்கட்டும்.

ஓம் சக்தி