நவராத்திரி (7)

நவராத்திரி (7)

இன்று விஜய தசமி நன்னாள்.

இவன்  உள்ளத்தில் புகுந்துகொண்டு எந்நேரமும் ஒலித்துக்கொண்டிருக்கும் இராம நாமத்தின் பெருமைதனை இவ்வுலகிற்கு பகிர்ந்துகொள்ளவும் 
இறைக்கருணைதனை  விளக்கும் பதிவுகளை 
இவனின் படைப்புகளுடன் வெளியிடவழிவகை செய்த 
இறைவனுக்கும் எண்ணிக்கையில் சிறிதானாலும் தொடர்ந்து பின்னூட்டமிட்டு இவனை உற்சாகபடுத்திய
நல்ல உள்ளங்களுக்கும் மனமார்ந்த நன்றியை 
காணிக்கையாக்குகிறேன்.

கருத்துக்களை பகராவிட்டாலும் 
ஆயிரக்கணக்கில் இவன்படைப்பை பார்வையிட்ட 
அன்பர்களுக்கு நன்றி. 

இறைவனின் கருணையை எடுத்தியம்ப 
எத்தனை பிறவிகள் எடுத்தாலும் போதாது 
எனவே இவன் ஆன்மீக பணி  தொடரும். 

இறைகருணையை  விளக்கும் 
இந்த பதிவு 600 ஆவது பதிவு 

இன்பமாக தொடங்கிய நவராத்திரி விழா
இனிதே நிறைவு பெறும்  நன்னாள்

அனைத்து சக்திகளை பெற்றிருந்தும்
அழிவு சக்தியாக வாழ்ந்து அனைவருக்கும்
துன்பத்தை அளித்த மகிஷனை மரிக்க வைத்த
 மகிஷாசுர மர்தினி அனைவருக்கும்
ஆசிகளையும் வரங்களையும்
அள்ளித்தரும் நாள்.

கரையில்லா கல்வியை
கற்க தொடங்கும் நன்னாள்

முகத்தில் கண்களிருந்து பயனில்லை
கல்வியை கற்காதவரை .




கலைமகளின் பூரண ஆசியுடன் இன்று
அனைவரும் கலைகளையும்,
கல்வியையும் கற்கபுகும் சுபதினம்




உயிர்வாழ உதவும் பயிர்க்கருவிகளுக்கும்,
உலகமெல்லாம் இன்புற்றுவாழ உதவும்
தொழிற்கருவிகளுக்கும் வழிபாடு செய்து
நன்றியினை தெரிவிக்கும் நாள்.



இந்நாளில் தொடங்கும் அனைத்து செயல்களும் 
வெற்றியை எட்டட்டும்.

இனி வரும் காலமுழுவதும் 
மக்கள் மகிழ்ச்சியோடு வாழட்டும். 

அன்பினால் அனைவரும்
ஒன்றுபட்டும். 

சூறாவளி புயல்போல் வீசி 
மக்களின் மனதில் அழிவுகளை ஏற்படுத்தும் 
அகந்தை மற்றும் பொறாமை புயல்கள் 
வலுவிழந்து போகட்டும். 


எதிர்மறை எண்ணங்கள் கொண்டவர்கள் 
அதற்காக வீணாக்கும் சக்தியை நல்ல செயல்கள் 
செய்ய பயன்படுத்தட்டும் 

கொலு வைத்த நாளிலிருந்து
அனைவருக்கும் நன்மைகளைதந்த  நவராத்திரி

பழகி களித்த பொம்மை வடிவில் இருந்த
இறைவடிவங்களும் ,பல்லுயிர்களின் வடிவங்களும்
இனி அரிதுயில் கொள்ளச் சென்றுவிடும்.

ஆனால் அவைகள் நம் மனதில் விட்டு
சென்ற மகிழ்ச்சியும் எழுச்சியும்
நம் மனதில் நின்று நீங்காது நம்மை
நாளும் பரவசப்படுத்தும்
என்பதில் ஐய்யமில்லை