கருமை நிற கண்ணா ! கார்மேக வண்ணா !

கருமை நிற கண்ணா !
கார்மேக வண்ணா !

குருவாயூரில் உறைபவனே
குழந்தை வடிவாய் நின்றவனே

வாதப் பிணியை நீக்கும்
வாதபுராதினாதனே

வாதம் செய்வோரின்
மனதிற்கு எட்டாதவனே

எட்டாப் பொருளாகிய நீ
உன் எட்டெழுத்து மந்திரம்
ஜபித்தால் வசமாவாய்

கல்விகற்று கர்வம் கொண்டோர்
கண்களுக்கு காண இயலாத கண்ணா
உன் பாதமே கதி என்றிருப்போருக்கு
என்றும் காட்சி தந்திடுவாய்

கருமை நிற வண்ணனே
கருணை உள்ளம் கொண்டவனே
உன்னை மறவாது இருந்தால்போதும்
மீண்டும் பிறவாது செய்யும்
அருள் செய்யும் யாதவகுல திலகமே