இராம நாமம் சொல்லுங்கோ!

இராம நாமம் சொல்லுங்கோ!





இதைதான் இவன் சந்திக்கின்ற
அனைவரிடமும்
விடுக்கின்ற வேண்டுகோள்

இதை இவன் முப்பது ஆண்டுகளுக்கு மேலாக
இராமனின் தோளில் உள்ள அம்புரா துணியிலிருந்து
அம்புகள் புறப்படுவதுபோல் இந்த வேண்டுகோளை விட்டுக்கொண்டிருக்கிறான்.

ஆனால் யாரும் கேட்பதுதான் கிடையாது.

ஆனால் இவன் ராம ஜபம் செய்பவன்
என்ற பெயர் மட்டும் வந்து விட்டது.

அதுவும் சொல்வது ஒரு சிலர் மட்டுமே.

இதை இவன் பெருமைக்காகவோ
விளம்பரதிர்க்காகவோ இங்கு எழுதவில்லை.

எதற்க்காக இதை சொல்கிறேன் என்றால்
இந்த உலகில் எல்லோரும் எல்லாவற்றையும்
அனுபவிக்க வேண்டும் என்று ஆசைப்படுகிறார்கள்

அனுபவிக்கவேண்டும்  என்பதற்காகத்தான்
இறைவன் இந்த உடல் மற்றும்,பல வசதிகளை
இறைவன் அளித்திருக்கிறான்.

மனிதர்கள் இன்பங்களையும்
அனுபவிக்கிறார்கள்.
துன்பங்களையும் அனுபவிக்கிறார்கள்
உண்மையில் இரண்டும் ஒன்றுதான் .

ஏனென்றால் இரண்டும்
அவர்களுக்கு அனுபவங்களை
தருகின்றன.

அது போதாது என்று மனதில்
 நினைவுகளாக வேறு தங்கி
அந்த அனுபவங்களை மீண்டும்
அவனுக்கு நினைவு
 படுத்திக்கொண்டு இருக்கின்றன.

இதில் இன்ப நினைவுகளை விட
துன்பநினைவுகளும், மனகசப்பு, அவமானம்,
துரோகம்,பழிச்சொல், இழி சொல், ஏமாற்றம்,
இழப்பு போன்ற நினைவுகள் பலமாக
 நம் மனதில் அடித்தளம் அமைத்துக்கொண்டு
நாம் வாழும் காலம் வரையில் நம்மை
கொடுமைபடுத்திகொண்டிருக்கின்றன.


ஒருவரை சந்தித்தேன்.
அவருக்கு 70 வயது ஆகிவிட்டது.

 வாழ்நாள் முழுவதும் பல தலங்கள்,
இடங்களுக்கு சென்று  இறைவன் மீது
பஜனை பாடல்களை பாடி அனுபவம்பெற்றவர்

கடந்த சில ஆண்டுகளாக உடல் நலம் கெட்டு
வெளியில் எங்கும் செல்ல இயலாமல்
அதை நினைத்தே மனம் புழுங்கி கொண்டிருப்பவர்.

அவரிடம் சொன்னேன்,எங்கும் செல்ல முடியாத
இந்த நிலையில் ராம நாம் ஜபம் செய்யுங்கள்.
என்று பலமுறை சொன்னேன்.

அதற்க்கு அவர் மீண்டும் தன் நிலைமை
இப்படிஆகிவிட்டதே என்று
புலம்புகிறாரே ஒழிய ராம நாமம்  சொல்ல
அவருக்கு விருப்பமில்லை.

ஒருநாள் நாம் மீண்டும்
ராம நாமம் சொல்லுமாறு வேண்டுகோள்
விடுத்தபோது அவர் சொன்ன சொல்
என்னை அதிர்ச்சி அடைய வைத்துவிட்டது

அட போங்க சார்,எவன் சொல்லுவான் சார்
ராம நாமம் அது ஒரே போர்  என்றார்.

இப்படிதான் இருக்கிறது
மக்களின் பக்தி.

அனுபவங்களிலிருந்து மனிதர்கள் பாடம்
கற்றுக்கொள்ளவேண்டும்.

அப்போதுதான் பவக்கடலாகிய
இந்த சம்சார கடலிலிருந்து மீள முடியும்.

அதற்க்கு ஒரே வழி
இராம நாமம் சொல்லுவதுதான்.

அதுதான் நம்மை எல்லா
துன்பங்களில்ருந்தும் மீட்டு.
நம்மை கரை சேர்க்கும்.

pic.courtesy-google images.