கலியுகம் என்றால் என்ன?

கலியுகம் என்றால் என்ன?

கலியுகம் என்றால்
களிக்கும் யுகம்

கலியுகம் என்றால் நாம்
பல   பிறவிகளில்  
சேர்த்துவைத்த பாவங்கள்
கழிக்கும்  யுகம்

முந்தய யுகங்களில் பல்லாயிரம் ஆண்டுகள்
தவம் செய்து இறைஅருளை பெற
பாடுபடும் செயல்களை விடுத்து

எளிதாக இறைவனை
அடையும் மார்க்கத்தை
கடைபிடித்து உய்யும் யுகம்.

கலியுகம் என்றால்
காக்கும் கடவுளாம்
கண்ணனை நினைந்து
அவன் நாமத்தை
சொல்வதினாலேயே
கலியை வெல்லும் வழியை
காட்டுவது கலியுகம்.

ஆனால் அந்தோ!

ஹரியை மறந்து
 மனிதர்கள் எந்நேரமும்
கேளிக்கைகளில்  மூழ்கி அரிதாய் கிடைத்த
மனித  பிறவியை  வீணடிக்கின்றனர்

உண்மையாய் நடக்காமல்
எல்லோர் முன்பும் நடிக்கின்றனர்.

உண்மையாம் கடவுளை நம்பாமல்
பொய்யான செய்திகளையே
நம்பி  மோசம்  போகின்றனர்.

இறைவனை எளிதாய்
அடையும் மார்க்கம்
அவன் நாமம்
எப்போதும் சொல்வதே

அற்ப  லாபங்களுக்காக
அழியும்    மானிடர்   புகழை
 பாடுவதை  விடுத்து
அழியா பதம்  அருளும்  ஆனந்தம்  தரும்
அரங்கனின்  நாமம் சொல்வதே .

மரணம்  மனித உயிர்களை எந்த
வயதிலும் எதிர்பாராது தாக்கும் என்பது
அனுதினமும்  நேரில் கண்டும் மதியிழந்து
அவன் நாமம் சொல்லாமல்
உலக மாயையில்  மூழ்கி பிறர்
தன்னை துதி பாடவேண்டும்
என்று அலைகின்றனர்.

வாயுள்ளவன் 
பிழைத்துக்கொள்வான்

எப்படி?. 

பகவன் நாமத்தை சொல்லி 
எமனிடமிருந்து 
உயிர் பிழைத்துக்கொள்வான். 

மற்றவரெல்லாம்  மீண்டும் 
பிறந்து மடிவார்கள்
மீண்டும் பிறக்க