குன்றை குடையாய் பிடித்தவனே குணசீல பெருமானே!

குன்றை குடையாய் பிடித்தவனே 
குணசீல பெருமானே!

பிறவிதோறும் செய்த பாவங்கள்
குன்று போல் சேர்ந்து உன்னை
நினைக்க விடாமல் என்னை
அழுத்திவிட்டன என்பதை
நீ அறியாயோ?

எல்லாம் அறிந்த ஹரியே
என் நிலையை மட்டும் அறிய
மறுக்கின்றாய் ?

சொந்தபந்தங்களைமறந்து
சொல்லாலும் நினைவாலும்
நினைக்கின்றேன்
என் ஆன்மாவில் கலந்துவிட்ட
உன்னை எப்போதும்

இன்பமும் துன்பமும்
மாறி மாறி வந்து போகும்
இவ்வுலக வாழ்க்கை நிலையற்றது
என்றறிந்தேன்

தவறாது காக்கும் உன் திருவடிகளை
சரணடைந்தேன் .தயை கூர்ந்து
என்னை காத்தருள்.