Monday, January 21, 2019

நானும் ஒரு ஓவியன் தான்



நானும் ஒரு ஓவியன் தான்


நீண்ட நாட்களுக்குப் பிறகு மீண்டும் 

ஓவியம் வரைய தொடங்கியுள்ளேன். 

sketch pen ஐ  பயன்படுத்தி இன்று மாலை வரைந்தேன். 

ஓவியம் இதோ. 


Sunday, January 20, 2019

வாருங்கள் மான்களோடு கொஞ்சி விளையாட..

வாருங்கள் மான்களோடு கொஞ்சி விளையாட..




வாருங்கள் மான்களோடு  கொஞ்சி விளையாட...


ஜப்பானில்மான்களுக்காக
என்று தனியாக ஒரு
சரணாலயம் உள்ளது.

அதன் பெயர்    NARA PARK

அங்கு ஆடு மாடுகள்போல்
 சர்வ சகஜமாக மான்கள்
சுற்றி திரிகின்றன.

பொதுவாக மான்கள் மிகவும் கூச்ச
சுபாவம் உடையவை.

ஆனால் இங்கு நிலைமை வேறு.

அங்கு  வரும் அத்தனை மனிதர்களிடமும்
செல்ல பிராணிகள்போல் அன்போடு
பழகுவதை காண்பது  கண் கொள்ளா
காட்சியாக இருக்கிறது.

எங்கு பார்த்தாலும் இயற்கையன்னை
பச்சைப் பசேல் என்று புல்வெளியாய்
கண்களுக்கு இதமாய் காட்சி தருகிறாள்.

இதுபோன்ற சரணாலயம் நம் நாட்டில் இருந்தால்
அத்தனை மான்களும் மனிதர்களின்
வயிற்றுக்குள் என்றோ போயிருக்கும்.

அங்கே ஓடும் பேருந்து மற்றும் கார்கள் ஓட்டுபவர்கள்
மான்களுக்கு ஆபத்து ஏற்படாவண்ணம்
வாகனங்களை செலுத்துகின்றனர்.

நண்பர்களே இந்த அறிய காட்சியை
தவறாமல் கண்டு களிக்க வேண்டுகிறேன்.



Tuesday, January 15, 2019

நாளை நடப்பதை யாரறிவார்?

நாளை நடப்பதை யாரறிவார்?

நாளை நடப்பதை யாரறிவார்?

மும்பை படவுலகில் லக்ஷ்மிகாந் பியாரிலால் போன்ற இசையமைப்பாளர்களுடன் பணியாற்றிய   70 வயதைக் கடந்த பிரபல ஹார்மோனியம் இசைப்பவர்  திரு. கேசவலால் தந் மனைவியுடன்
30 ஆண்டுகளுக்கு மேலாக யாரும் ஆதரவின்றி சாலை ஓரத்தில் துன்பத்தில் வாழ்ந்து வருவருகிறார்.

தற்போது அவருக்கு தங்க இடமும் உணவும் அளிக்க ஒரு தொண்டு நிறுவனம்
ஏற்பாடு செய்துள்ளதாக தகவல்கள் தெரிவிக்கின்றன.

அது தொடர்பான காணொளி கண்டு மகிழுங்கள்.







Monday, January 14, 2019

இசையும் நானும் (346)-திரைப்படம்- பாவை விளக்கு (1960) பாடல்-ஆயிரம் கண் போதாது வண்ணக்கிளியே

இசையும் நானும் (346)-திரைப்படம்- பாவை விளக்கு (1960) பாடல்-ஆயிரம் கண் போதாது வண்ணக்கிளியே


இசையும் நானும் (346)-திரைப்படம்- 

பாவை விளக்கு (1960)


பாடல்-ஆயிரம் கண் போதாது வண்ணக்கிளியே 

இசை -கே.வி .மகாதேவன் 

படம்: பாவை விளக்கு 

பாடியவர்: C.S. ஜெயராமன் 



கவிஞர்: A. மருதகாசி


MOUTHORGAN VEDIO-346


ஆயிரம் கண் போதாது வண்ணக்கிளியே …. ஆயிரம் கண் போதாது வண்ணக்கிளியே குற்றால அழகை நாம் காண்பதற்கு வண்ணக்கிளியே ஆயிரம் கண் போதாது வண்ணக்கிளியே குற்றால அழகை நாம் காண்பதற்கு வண்ணக்கிளியே தென்றல் இசை பாடி வரும் தேனருவி ஆடிவரும் ம் …ம் …ம் ..ம் …ம் …ம் .. தென்றல் இசை பாடி வரும் தேனருவி ஆடிவரும் அன்றலர்ந்த செண்பக பூ வண்ணக்கிளியே அன்றலர்ந்த செண்பக பூ வண்ணக்கிளியே எங்கும் ஆனந்த காட்சி தரும் வண்ணக்கிளியே ஆனந்த காட்சி தரும் வண்ணக்கிளியே ஆயிரம் கண் போதாது வண்ணக்கிளியே குற்றால அழகை நாம் காண்பதற்கு வண்ணக்கிளியே எங்கும் பனி தூங்கும் மலை .....................……. எங்கும் பனி தூங்கும் மலை வண்ணக்கிளியே நெஞ்சில் இன்ப நிலை தந்திடுதே வண்ணக்கிளியே எங்கும் பனி தூங்கும் மலை வண்ணக்கிளியே நெஞ்சில் இன்ப நிலை தந்திடுதே வண்ணக்கிளியே
கொஞ்சி வரும் ஐந்தருவி வண்ணக்கிளியே கொஞ்சி வரும் ஐந்தருவி வண்ணக்கிளியே இங்கே தங்க தமிழ் முழங்கிடுதே வண்ணக்கிளியே தங்க தமிழ் முழங்கிடுதே வண்ணக்கிளியே ஆயிரம் கண் போதாது வண்ணக்கிளியே குற்றால அழகை நாம் காண்பதற்கு வண்ணக்கிளியே மந்தி எல்லாம் மாங்கனியை பந்தாடி பல் இளிக்கும் ம் …ம் …ம் ..ம் …ம் …ம் .. மந்தி எல்லாம் மாங்கனியை பந்தாடி பல் இளிக்கும் சந்திரன் போல் சூரியனும் வண்ணக்கிளியே உறுதி தந்திடுவான் இன்று எங்கும் வண்ணக்கிளியே

ஆயிரம் கண் போதாது வண்ணக்கிளியே குற்றால அழகை நாம் காண்பதற்கு வண்ணக்கிளியே வண்ணக்கிளியே……  பாடல்: ஆயிரம் கண் போதாது வண்ணக்கிளியே


Saturday, January 12, 2019

நீங்கள் அத்தனை பேரும் உத்தமர்தானா சொல்லுங்கள்.

நீங்கள் அத்தனை பேரும்  
உத்தமர்தானா சொல்லுங்கள்.

நீங்கள் அத்தனை பேரும்
உத்தமர்தானா சொல்லுங்கள்
உங்கள் ஆசை மனதை
தொட்டுப் பார்த்து கொள்ளுங்கள்
என்ற ஒரு திரைப்பட பாடல் வரிகள்
அனைவருக்கும் பொருந்தும்

இதற்கு எந்த  சாயமும் பூச
வேண்டியதில்லை.

ஏனென்றால் இன்று ஓவ்வொரு கூட்டமும்
மற்ற கூட்டத்தை குறை கூறியே
பிழைப்பு நடத்திக் கொண்டிருக்கின்றன.

பிறர் மீது குறை காண்பதால்
யாரும் எந்நாளும்  உத்தமர் ஆகிவிடமுடியாது.

அவர்களுடன் வேண்டுமானால்
ஒரு கூட்டத்தை சிறிது காலம் தக்க வைத்துக் கொள்ளலாம்.

இறைவன் அனைவரையும் சமமாக
கருதி அனைத்து  உதவிகளையும் கேட்காமலேயே
வழங்குகின்றான்.

அவன் கருணையே வடிவானவன்.
அவன் ஒளியாய், மழையாய் ,காற்றாய்.
பறந்து விரிந்த வான்வெளியாய் ,ஒலியாய்
தன் படைப்புகள் நலமாக வாழ உதவுகின்றான்

ஆனால் ஆணவத்தால் அறிவிழந்து மனிதர்கள்
தங்களிடையே பிரிவுகளை உண்டாக்கிக்கொண்டு
ஒருவர் மீது குறை கூறி பகைமை பாராட்டிக்கொண்டு
இவ்வுலகை நரகமாக்கிவிட்டனர்.

பிறர் மீது குறை காண்பவன் தன்னிடம் உள்ள
குறைகளை காண மறுக்கிறான்.

அவன் என்றும் நிம்மதியாய் இருப்பதில்லை
எப்போதும் ஒரு பதட்டத்துடனேயே காணப்படுகிறான்.

அவனும் திருந்துவதில்லை.
மற்றவர்களையும் திருந்த  விடுவதில்லை.

ஆனால் தன் சக  உயிர்களிடம் பிரதிபலன் காணாது அன்பு செலுத்துபவர்களுக்கு இந்த குறை காணும் குணம் இருப்பதில்லை.

அன்பு என்பது இறைவனின் குணம் .

அது மனிதர்களிடம் பிரதிபலிக்கதொடங்கிவிட்டால்
அவர்கள் இறைவனிடம் தனியாக
எந்த விதமான வழிபாடும்
மேற்கொள்ள வேண்டிய அவசியமில்லை.

ஒரு மனிதன் வாழ்நாளில் அடையவேண்டிய மிக பெரிய முக்கியமான சொத்து. எந்தவிதமான சூழ்நிலையிலும்
மனம் அமைதியாக இருப்பதுதான்.

இந்த அமைதியை பெறுபவர்களுக்காக
அங்கும் இங்கும் அலைகின்றனர்.
ஆயிரம், லட்சம் என சேர்த்து வைத்த  காசையும்
நேரத்தையும் வீணடிக்கின்றனர்.

அவர்களை வைத்து உலகம் முழுவதும்
ஏமாற்று பேர்வழிகள்
நல்ல காசு பார்க்கின்றனர்.

எத்தனையோ போலி சாமியார்களை
சிறைக்கு அனுப்பிய பின்பும்.
சிறையிலிருந்தே பலர் தங்கள்
ஆதிக்கத்தை செலுத்தி வருகின்றனர்.

அமைதி என்பது நம் உள்ளத்தில்தான்  உள்ளது.
அங்கே சில மாற்றங்களை செய்தால் அமைதி தானே வரும். 

உறக்கத்தில் அந்த அமைதியை தினமும்
 அனைவரும் அனுபவிக்கின்றோம். 
அதற்காக நாம் ஒரு முயற்சியும் செய்வதில்லை.
அது எப்படி என்றால் அப்போது மனமும்  இல்லை. நம்மை அலைக்கழிக்கும் எண்ணங்களும் இல்லை. அதுதான் காரணம்.

முயற்சியில்லாமல் அடையக்கூடிய ஒன்றுக்காக வீண் முயற்சி செய்வதுதான் அறிவீனத்தின் உச்ச கட்டம். 

அன்பில்லாமல் செய்யப்படும் அனைத்து  வழிபாடுகளும்
ஓட்டை பானையில் ஊற்றப்படும் தண்ணீர் போன்றதே.
அதில் என்றும் நீர் நிரம்பாது.

அதை அடைவதற்கு மிக எளிய வழி
அனைவரையும் நேசிப்பது.

அதுவும் தன்  மீது வெறுப்பை காட்டுபவர்களை
மிக அதிகமாக நேசிப்பது. 

அனைத்தும் இறைவன் ஒருவனுக்கே சொந்தம்.

அனைத்தும் இறைவன் ஒருவனுக்கே சொந்தம்.


அனைத்தும் இறைவன் ஒருவனுக்கே சொந்தம். 



ஒருவன் மற்றவரிடமிருந்து  ஒரு பொருளை திருடினால்
தண்டனை நிச்சயம் கிடைக்கும். இருந்தும் திருடுகிறான்.சிறைப்படுகிறான்
சிறையிலிருந்து வெளியே வந்ததும் இன்னும் பெரிய அளவில் திருடுகிறான். பிறகு இதுவே அவனுக்கு வாடிக்கையாகி விடுகிறது.

ஆனால் அவனுக்கு நல்ல நேரம் வந்தால்
நல்ல ஞானியை சந்திக்க நேர்ந்தால்
அவன் பல ஆண்டுகளாக செய்து வந்த தீய செயல்களை விட்டுவிட்டு நல்லதொரு பாதையை அமைத்துக்கொண்டு நல்ல நிலையை அடையலாம்
.
இராமாயண காவியத்தை இயற்றிய வால்மீகி
வழிப்பறி கொள்ளைக்காரனாக வாழ்க்கை நடத்தி வந்தார்.
நாரத முனிவரை சந்தித்ததும் அவர் வாழ்க்கை
இப்படித்தான் திசை மாறியது



அளவுக்கு அதிகமாக பொருளை சேர்ப்பவன் அதை அனுபவிக்க முடிவதில்லை.மாறாக அதை தம்மிடமிருந்து யாராவது பறித்து சென்று விடுவார்களோ அல்லது அவைகளை அனுபவிக்காமல் இந்த உலகை விட்டு சென்றுவிடுமோ என்று வாழ்நாள் முழுவதும் பயந்து சாகிறான்.
அதை பாதுகாக்கும் பொருட்டு சில நேரங்களில் போராடி திருடர்களால் கொல்லப்படுகிறான்.

வாழ்நாளில் வயிற்றைக் கட்டி வாயைக் கட்டி சேர்த்த  சொத்துக்கள் அவனுக்கு பலவித காரணங்களினால் பயன்படாமல் போய்விடுகிறது.

அவர்கள் தானும் அனுபவிப்பதில்லை
பிறருக்கும் அதை கொடுப்பதில்லை.

ஆனால் அவர்களுக்கு இறைவனின் கருணை இருந்தால் அவர்களை தடுத்தாட்கொள்ள தகுந்த ஒரு பெரியவரை அவர்களிடம் இறைவன் கண்டிப்பாக அனுப்பிவைப்பான்.

புரந்தரதாசர், பட்டினத்தார், பத்திரகிரியார்
கூரத்தாழ்வான் போன்ற போல எண்ணற்ற மனிதர்களுக்கு இறைவன் தடுத்தாட்கொண்ட நிகழ்வுகள் அனைவரும் அறிவர்.

அவர்கள் ஒரே கணத்தில் அத்தனை சொத்துக்களையும் தானம் செய்துவிட்டு துறவு பூண்டு இறைவனை  சரணடைந்து  விடுதலை பெற்றனர்.

இவ்வுலகில் உள்ள அனைத்தும் இறைவன் ஒருவனுக்கே சொந்தம். 
அவைகளுக்கு நாம் சொந்தம் கொண்டாடுவது அறிவீனம்.

இந்த உலகில் இறைவன் நமக்கு அளித்திருப்பதை அனுபவித்து மகிழ்வோம். அதே நேரத்தில் அவை நம்மை விட்டு சென்றுவிட்டால்  மனம் நொந்து வருந்தாமல் அமைதியாக இருக்க பழகி கொள்வோம்.



இதற்காகவா பிறந்தோம்?

இதற்காகவா பிறந்தோம்?

 இதற்காகவா பிறந்தோம்?

வாழ்க்கை வாழ்வதற்க்கே.

நாம் இந்த உலகிற்கு வந்து விதிக்கப்பட்ட
காலம் வரை இருந்துவிட்டு சென்றுவிடுவோம்

நாம் எங்கிருந்து வந்தோம் ,
மீண்டும் எங்கு செல்வோம் என்றும் தெரியாது.

இங்கு இருக்கும் காலத்தில் உறக்கத்தில்
ஒவ்வொரு நாளும் பெரும்பகுதி கழிந்துவிடுகிறது.

ஒரு குறிப்பிட்ட வயது வரை
பிறர் தயவில் நாம் வாழ்கிறோம்.

நாம் சுயமாக சிந்திக்கும் வரை பிறர் சொல்வதை
கேட்டுக்கொண்டு காலத்தை கழிக்கிறோம்.

சில காலம் சென்ற பிறகு பிறருக்காக
நம்மை பந்தம்,  பாசம், அன்பு, சேவை,கடமை,  என்ற போர்வையில்
நம்மை அழித்துக்கொள்ளுகிறோம்.

அதனால், ஆசை, கோபம், பொறாமை, பயம், ஏமாற்றம், மன  அழுத்தம் போன்ற உணர்ச்சிகளுக்கு அடிமையாகி துன்பங்களை சந்திக்கிறோம்.

ஒரு கால கட்டத்தில் நம்மால் ஒருவருக்கும் பயனில்லை என்ற நிலையில் இந்த உலகத்தினரால் ஒதுக்கப்பட்டு மன  வேதனையுடன். இந்த உலகை விட்டு நீக்கப்படுகிறோம்.

ஒரு கால கட்டத்திலும் நாம் நம்மைப் பற்றி சிந்திப்பதில்லை. 

இந்த உலகத்திற்கு வந்த நோக்கத்தை தெரிந்துகொள்வதில். அக்கறை காட்டுவதில்லை.

இப்படியேதான் ஒவ்வொரு பிறவியையும்
வீணடித்துக்கொண்டிருக்கிறோம்.

இந்த உலகத்தை சீர் செய்ய, தீய மனிதர்களை திருத்த தெய்வங்களே மனித வடிவில் வந்து தோற்றுப்  போய்  ஓடிவிட்டன.

இந்த உலகம் மீண்டும் மீண்டும் திருந்த  முடியாத அளவிற்கு சீர்கெட்டு போய்விட்டது.

அப்படி யாராவது முயற்சி செய்தால் அவர்களை குழப்பி மீண்டும் படுகுழியில் தள்ளுவதற்கு இந்த உலகத்தில் ஒரு பெரும் கூட்டமே நம்மை எப்போதும் கண்காணித்துக் கொண்டு தயாராக இருக்கிறது. அவைகளை எதிர்த்து போராட தெய்வத்தின் துணை அவசியம். அப்படி போராடுபவர்களை துன்புறுத்தி கொல்லுவதற்கு இந்த உலகம் தயங்காது என்பது சரித்திரம் காட்டும் உண்மை. 

அந்த வளையத்தை  உடைப்பது மிகவும் கடினம். ஆனால் முயற்சி செய்தால் விடுதலை உண்டு.

ஆகையால் உங்களுக்காக வாழுங்கள். கிடைத்த வாழ்க்கையை இன்பமாக வாழுங்கள்.இல்லாதவர்களுக்கு உதவுவதில் தவறில்லை. ஆனால்  உங்களை அழித்துக்கொண்டு பிறருக்கு உதவுவதால் உங்களுக்கு
ஒன்றும் கிடைக்கப்போவதில்லை. உலகம் உங்களை கொண்டாடப்போவதில்லை.

பிச்சைக்கார உலகம் இந்த வீட்டில் பிச்சை கிடைக்காவிடில் வேறு வீட்டில் பிச்சையெடுத்து பிழைத்துக்கொள்ளும்.

அவர்களுக்காக நீங்கள் இழந்த வாழ்க்கை எந்த நிலையிலும் உங்களுக்கு மீண்டும் திரும்ப கிடைக்கப் போவதில்லை