Saturday, August 8, 2015

ராம நாமம் சொல்லுவோம்

ராம நாமம் சொல்லுவோம்

ராம நாமம் சொல்லுவோம் 






ராம நாமம் சொல்லுவோம் 
நாம் வாழும் இவ்வுலகம் நலம் பெற 


உண்மை அன்பும் பண்பும் பரிவும் பாசமும் 
இவ்வுலகை விட்டு என்றோ அகன்றுவிட்டது 


பொய்மையும் பொறாமையும் அனைவரின் 
உள்ளங்களை ஆட்கொண்டது 



வெறுப்பும் விரோதமும்,சுரண்டலும் 
இவ்வுலக மனிதர்களின் மதமானது 


விட்டுகொடுத்து ,பிறருக்கு உதவி  வாழும் பண்பு 
இவ்வுலகை விட்டு சென்றுவிட்டது 


அற்ப காரணங்களுக்காக ஒருவரோடொருவர் 
சண்டையிட்டு மாண்டு போகும்
போக்கு பெருகிவிட்டது 


இவ்வுலகத்தில் அமைதி நிலவ வேண்டும் 
வறுமையும் சிறுமையும் அகல வேண்டும் 


விருப்பும் வெறுப்பும் நம் உள்ளே இருக்கும் எதிரிகள் 
காமமும் சினமும் நம்மை புறத்தே தாக்கும் எதிரிகள் 



நம் இதயம் இறைவன் வாழும் இல்லம்
அதை அன்பால் நிறைந்தால் 
இவ்வுலக வாழ்வு இன்பம் .


அகந்தையை விட்டொழிப்போம் 
அனைவருடன் அன்பால் இணைந்து 
ஆனந்தமாய் வாழ்வோம். 

Friday, August 7, 2015

முருகா முருகா என்று

முருகா முருகா என்று ..



                                                    ஓவியம்-தி ரா .பட்டாபிராமன்.




இன்று ஆடி கிருத்திகை.
வீணான கவலைகளால் ஆடிப்போய்
தவிக்கும்  நமக்கு ஆறுதலைத் தரும்
ஆறுமுகனை வணங்கி அமைதி பெற்று
ஆனந்தமாய் இவ்வுலகில் வாழ்வோம்.

முருகா முருகா என்று
சொன்னால் போதுமே
உன் முயற்சிகள் யாவும்
வெற்றியடையுமே

கந்தா கந்தா என்று
மனதில் அழைத்தால்  போதுமே
உன் கவலைகள்
யாவும் காணாமல் போதுமே

குமரா குமரா என்று கூவி அழைக்க
தாமதியாது ஓடோடி வருவான்
நொடியில் உன் துன்பம் தீர்க்கவே

குன்றுதோறாடும் குமரனை
உள்ள குகையில் வைத்துவிட்டால்
உன்னை  வாட்டும் கவலைகள்
கண  நேரத்தில் காணாமல் போகுமே.



கடவுளை எங்கே தேடுவது?

கடவுளை எங்கே தேடுவது?

கடவுளை எங்கே தேடுவது?

புத்தகத்தில் கடவுளை தேடாதே
கற்பனைக் கெட்டாத கடவுளை
புத்தகத்தில்போய்  தேடாதே
புத்தி கெட்டு  மயங்கி
வீணே மாளாதே  (புத்தகத்தில்)

புத்தனும் சித்தனும்
புத்தகத்திலா கடவுளை தேடினான்
எத்தனும் மத்தனும் நம்மிடம்
எதை எதையோ சொல்லி
ஏமாற்றி  திரியறான்.( புத்தகத்தில்)

விண்ணையும் மண்ணையும்
படைச்சவந்தான் உன்னையும்
என்னையும் படைச்சான்
படைச்ச பின்னே அந்த படைப்புக்குள்
தன்னை மறைத்துக் கொண்டான் (புத்தகத்தில்)

இதை அறியாத மூடர்கள் அவனை
எங்கெங்கோ தேடி அலைகின்றார்.
எவெறேவரோ   சொல்லும் பொய்களை எல்லாம்
நம்பி மோசம் போகின்றார். (புத்தகத்தில்)

கண்டவங்க சொன்ன பேச்சைக் கேட்காமல்
கடவுளைக் கண்டவங்க சொன்னபேச்சைக்  கேட்காமல்
கண்டவங்க சொன்ன பேச்சைக் கேட்டாக்கா
காசும்,காலமும்தான்  வீணாகும்
முடிவில் காலனுக்குதான்
நம் உயிர் இரையாகும்  (புத்தகத்தில்)

கருவறையிலிருந்து கல்லறை
போவதற்குள் நம் இதயக் கோயிலில்
குடியிருக்கும் கடவுளை நாம்
அறிந்துகொள்ளோணும்

இல்லையெனில்
மீண்டும் தாயின் வயிற்றில்
மல மூத்திரக் குட்டையில் ஊறி
உப்பிபோய் மண்ணில் பிறந்து
துன்பப்படோணும்  . (புத்தகத்தில்)

Wednesday, August 5, 2015

இசையும் நானும் (37)

இசையும் நானும் (37)


இசையும் நானும் என்னும் தொடரில்

என்னுடைய 37 வது காணொளி.

குருவாயுரப்பன் மீது இரயிம்மன்  தம்பி

என்ற பக்தர் மலையாள மொழியில்.

இயற்றியுள்ள பாடல்.



Drawing by T.R.Pattabiraman 


பக்தி ரசம் ததும்பும் இந்த பாடலை

செம்பை வைத்தியநாத பாகவதர்

தன்னுடைய கச்சேரிகளில் பாடி

பிரபலப்படுத்தினார்.

எனக்கு பிடித்த குருவாயுரப்பன் மீது பாடல்

எந்த மொழியில் இருந்தால் என்ன ?

அந்த பாடலை நானும் பாடவேண்டும் என்று

நினைத்தேன்.  பாடிவிட்டேன்.

காணொளி உங்களுக்காக. இணைப்பு.

https://youtu.be/VmztknupXfI

Monday, August 3, 2015

நான் யார் ?(தொடர்ச்சி)(2)

நான் யார் ?(தொடர்ச்சி)(2)

நான் யார் ?(தொடர்ச்சி)(2)





நான் யார் ? என்ற கேள்வியைக் 

யாரிடம் கேட்கவேண்டும்?

யார் பதில் சொல்லுவார்கள் 

கேள்வி கேட்பவர் யார் 

பதில் சொல்பவர் யார் 

நான் யார் யார் என்பதை தெரிந்துகொண்டு என்ன 
ஆகப்போகிறது ?

தெரிந்துகொள்ளவிட்டால் என்ன ஆகும். ?

தெரிந்து கொண்டுவிட்டால்
நம்முடைய எல்லா பிரச்சினைகளும் தீர்ந்து விடுமா ?

வாழ்வில் துன்பம் துயரம் வராமல் எப்போதும் இன்பமாய்
இருந்துவிடுமா ?

நோய் வராமல் இருக்குமா ?

பிறர் நமக்கு தொல்லை தராமல் இருப்பார்களா ?

நாம் நினைத்ததை எல்லாம் நிறைவேற்றிக் கொள்ளமுடியுமா ?

தோல்விகள் வாழ்வில் இல்லாமல் எப்போதும் வெற்றி காண முடியுமா?

மரணத்தை வெல்ல முடியுமா?

போன்ற பல கேள்விகள் பலருக்கு எழும்

ஆனால்  எல்லாவற்றிற்கும் ஒரே பதில்தான்

எல்லாம் அப்படியே இருக்கும்

வரும் போகும் அனைவரின் வாழ்வில்

வருவதைப் போல

ஏனென்றால் நம்முடைய இந்த உலக வாழ்வு

நம்முடைய கர்மங்களை அனுபவித்து தீர்ப்பதற்காக

இறைவனால் வழங்கப்பட்டது.

ஆனால் நான் யார் என்பதை உணர்ந்துகொண்டால்.

அனைத்தும் கனவுபோல தோன்றும்.

எப்படி கனவு உண்மையாய் இருப்பதுபோல் தோன்றினாலும்

உண்மை இல்லையோ அதுபோல இவ்வுலக வாழ்வு இருக்கும்

எதுவும் நம்மை பாதிக்காது.

முயற்சி செய்வோம் வெற்றி பெறுவோம்.

Sunday, August 2, 2015

இசையும் நானும் (36)


இசையும் நானும் (36)

இசையும் நானும் என்னும் தொடரில்
என்னுடைய 36 வது காணொளி.

மவுத்தார்கன் இசையில் 

பாடல் சதாசிவ பிரம்மேந்திரர் கீர்த்தனை


"காயதி  வனமாலி-மதுரம் காயதி  வனமாலி 

மிகவும் பிரபலமான கீர்த்தனை.

காணொளி காண இணைப்பு.

https://www.youtube.com/watch?v=0EHJ4WYPC6g&feature=youtu.be

Saturday, August 1, 2015

இசையும் நானும் (35}


இசையும் நானும் (35}

இசையும் நானும் என்னும் தொடரில் என்னுடைய 

35 வது காணொளி. மவுத்தார்கானில் இசைத்துள்ளேன் 

உங்களுக்காக 

ஆயிரத்தில் ஒருவன் பட பாடல் 

இசை- விஸ்வநாதன் ராமமூர்த்தி 



அதோ  அந்த  பறவை போல  வாழ வேண்டும்  
இதோ  இந்த  அலைகள் போல ஆட வேண்டும் 
ஒரே வானிலே ஒரே மண்ணிலே   
ஒரே  கீதம்  உரிமை கீதம் பாடுவோம் 


காற்று நம்மை அடிமையென்று விலகவில்லையே 

கடல் நீரும் அடிமையென்று சுடுவதில்லையே 

சுடுவதில்லையே 

காலம் நம்மை விட்டு விட்டு நடப்பதில்லையே 

காதல் பாசம் தாய்மை நம்மை மறப்பதில்லையே  

தோன்றும்போது தாயில்லாமல் தோன்றவில்லையே 

சொல்லில்லாமல் மொழியில்லாமல் பேசவில்லையே  

பேசவில்லையே 

வாழும்போது பசியில்லாமல் வாழவில்லையே 
போகும்போது வேறு பாதை போகவில்லையே  

கோடி மக்கள் சேர்ந்து வாழ வேண்டும் விடுதலை 
கோயில்போல நாடு காண வேண்டும் விடுதலை 

வேண்டும் விடுதலை 
அச்சமின்றி ஆடிப் பாட வேண்டும் விடுதலை
அடிமை வாழும் பூமியெங்கும் வேண்டும் விடுதலை 

பாடலின் காணொளி இணைப்பு. 

https://youtu.be/pOE3UyeM7Xk

Picture google--images