வருவாய் வருவாய் வடிவழகன் கண்ணா

வருவாய் வருவாய் 
வடிவழகன் கண்ணா 

தருவாய் தருவாய்
தடையில்லா ஆனந்தம்
தரணியில் உள்ள
மாந்தர்கள் அனைவருக்கும்

வசுதேவர் தேவகி மைந்தனாய் நடுநிசியில்
சிறையில் பூத்த ஒளி சுடரே

கோகுலத்தில் யசோதை நந்தகோபன்
மகனாய் வலம் வந்து லீலைகள்
புரிந்த அழகுத் தெய்வமே

மதம் என்னும் பேய் பிடித்து
அலைகின்றார் மக்கள். அன்பின்றி
அனைவருக்கும் ஆற்றொணா
 கொடுமைகள் செய்கின்றார்.

அன்பின்றி ஆணவத்துடன் நடக்கின்றார்
பண்பின்றி பாதகங்கள் செய்கின்றார்.

எத்தனையோ  கோடி இன்பங்கள் நீ 
அளித்திருந்தும் வாழ்நாள் முழுவதும்
அழுது புலம்பித் திரிகின்றார்.

அனைவருக்கும் நல்ல புத்தி கொடு
தீமைகளை எதிர்த்து ஒழிக்க சக்தி கொடு

உந்தன் திருவடியில் என்றும்
மாறாத பக்தி கொடு.

மணம்  வீசும் மலர்களால்
உன்னை அலங்கரித்தேன்



அறுசுவை பண்டமும் இனிய
கனிகளும்உனக்களித்தேன்.

உந்தன் அழகு திருமுகத்தை
கண்டு உளம் களித்தேன்.

கண்ணா நீ என்றென்றும்
என் இதயத்தை விட்டு
நீங்காதிருந்து இன்பம் தருவாய்.