தியாகராஜ சுவாமிகளின் சிந்தனைகள்(67)

தியாகராஜ சுவாமிகளின் 
சிந்தனைகள்(67)








இவ்வுலகில் மனிதராகப் 
பிறந்ததற்கு இராம நாமத்தை 
நினைப்பதே இன்பமாகும்

கீர்த்தனை (348)-ச்மரணே சுகமு ராம நாம 
ராகம்-ஜனரஞ்சனி-தாளம்-தேசாதி 

இவ்வுலகில் மானிடராகப் பிறந்ததற்கு
இராம நாமத்தை நினைப்பதே இன்பமாகும்

சிறந்த ராஜயோக
நிஷ்டையிலிருப்பவர்களுக்கு
ஆனந்தமளிப்பது அது

இராமநாமத்தை சரவணம்
செய்வதன் மூலம் அப்பெயருக்கு
உரியதான வடிவம் நமது
இதயத்தை நிரப்பி மனத்தில்
பக்தி பிறக்குமாறு செய்யவில்லையா?

பற்றற்ற தியாகராஜன் செய்யும்
இராம நாம ஸ்மரணமே
இன்பம் தருவது?

இது சுவாமிகளின் அனுபவம். 

ஆனால் இந்த உலக மாந்தர்கள் 
இராம நாமத்தை தவிர அனைத்து
நாமாக்களையும் அல்லும் பகலும் 
நினைத்து அல்லல்கள் நீங்காமல் 
வருத்தத்தில் மூழ்கியுள்ளனர் 
என்ன செய்ய ?

இந்த உலகமக்கள் இன்பத்தை
எங்கேயோ,எதிலேயோ தேடி 
வாழ்நாள் முழுவதும் 
அலைந்துகொண்டிருக்கின்றனர். 

இராம நாமத்தை நினைக்க 
புண்ணியம் செய்திருக்க 
வேண்டுமல்லவா ?

முற்பிறவியிலும் செய்யவில்லை
இந்த பிறவியிலும் அதை பற்றி 
சிந்தனையில்லை. 
எப்படி கடைத்தேறுவது ?