தியாகராஜ சுவாமிகளின் சிந்தனைகள்(75)

தியாகராஜ சுவாமிகளின்
சிந்தனைகள்(75)






இராம நாமமே கற்கண்டு
ரசமறியாதவன் கற்குண்டு

கீர்த்தனை(150)-இந்த சௌக்கியமநி  நே ஜெப்பஜால
ராகம்-காபி-தாளம்-ஆதி

இத்தனை இன்பம் இது என்பதை
வருணிக்க என்னால் இயலுமோ?

அது எத்தனையோ,
என்னவோ,
யாருக்குத் தெரியுமோ?

புலன்களையடக்கியவனே!
சீதையின் உள்ளம் கவர்ந்தவனே!
கருணை நிறைந்த உள்ளத்தாய்!
உன்னிடம் அன்பு பூண்டவர்களாலேயே
அவ்வின்பம் நுகரக் கூடியது.

ஸ்வரம்,ராகம்,தாளம்,என்னும்
அமுத ரசத்தில் உயர்ந்த இராமநாமம்
என்ற கற்க்கண்டைக்
கலந்து புசிக்கும்
சிவபெருமானுக்குத்தான்
தெரியும் அவ்வின்பம்.

இராம நாமத்தின் சுவையை சுவைத்தவர்கள்
மட்டுமே அறியமுடியும் என்கிறார் ஸ்வாமிகள்.

எவ்வளவுதான் வார்த்தைகளால் விவரித்தாலும்
அவைகளால் அந்த சுவையை வர்ணிக்க முடியாது 
என்கிறார்.மற்றவர்கள் புரிந்துகொள்ள முடியாது.

இதைதான் திருமூலர். ஒரு தாய் தன் மணாளனோடு 
அடைந்த இன்பத்தை எப்படி பருவமடையா
 மகளுக்கு விளக்க முடியாதோ அதைபோல்தான்
இறை இன்பமும் என்று ஒரு சூத்திரத்தில் விளக்கியுள்ளார்.

அவரவர் முயற்சி செய்து 
அந்த உயர்ந்த நிலையை 
அனுபவிக்கவேண்டும்.

pic-courtesy-google images.