தியாகராஜ சுவாமிகளின் சிந்தனைகள் (91)

தியாகராஜ சுவாமிகளின் 
சிந்தனைகள் (91)

என் தெய்வமாகிய இராமனுக்கு 
சமானமாகக் கூறுவதற்குக் 
கடவுள்களுள் ஒருவரும் இலர். 

கீர்த்தனை(370)-சாமிகி  சரி செப்ப ஜால ....
ராகம்-பேகட -தாளம்-ரூபகம்.

என் தெய்வமாகிய இராமனுக்கு
சமானமாகக் கூறுவதற்குக்
கடவுள்களுள் ஒருவரும் இலர்.

என் மனம் அவனுடனே
ஒன்றிவிட்டது

வேறு யோசனை எதற்கு?
இதுவே போதும்

அவரவர் விதிப்படி
எல்லாம்  நடக்கும்

என் தெய்வம் பேசினால்
அதுவே எனக்கு பெரும் பேறு

அதுவே பதினாயிரம் பாக்கியம்

என் கண்களுக்கு அவன்
தோற்றமே அழகு தருகிறது

கொடுத்த வாக்கை
மீறாதவன் அவன்

என்றும்
அன்பு காட்டுபவன்

குளிர்ந்த பார்வையுடன்
நோக்குபவன்

தேவர்கள் அனைவரிலும்
அவனுக்கு இணை இல்லை
அவன் என்னைக் காக்கும் பெருமான்.

மிக அருமையான கீர்த்தனை.

தன்  இஷ்ட தெய்வமான இராமபிரானுக்கு
சமானமாக எவரும் இல்லை
என்பதற்கான காரணங்களை கூறுகிறார். ஸ்வாமிகள்.

அப்படிப்பட்ட மகிமை பொருந்தியவனை
நாமும் நம்பிக்கையுடன் ஆராதித்து
அவன் அருளை பெறுவோம்.