கருணை தெய்வங்கள் (1)

கருணை தெய்வங்கள் (1)

ஆனைமுகனே  உன் தயவின்றி 
இவ்வுலகில் யாதும் நிகழாது 
என்றுணர்ந்தே உன்னை  
என் சிந்தையில் வைத்து 
போற்றுகின்றேன்  எப்போதும்  

விண்ணிலிருந்து  
தான் படைத்த உயிர்களை 
தீயவர்களிடமிருந்து காக்க 
 மண்ணுக்கு வந்த இறைவன் 
மீண்டும் விண்ணுக்கு
செல்ல மனமில்லாமல்
சிலையாய்நின்றுவிட்டான் 
மலைகளின்  உச்சியிலே 

என்னே அவன் 
கருணை பாருங்கள்

அதை நெஞ்சில் நினைந்து
 நினைந்து அவனை போற்றுங்கள் 

அன்னை பார்வதி 
உச்சி முகர்ந்து சீராட்டி பாராட்டி 
வளர்த்த பிள்ளையாம் ஆனைமுகன்
மீண்டும் அன்னையிடம் செல்லாமல் 
உச்சி பிள்ளையாராக 
அந்நாளில் திரிசிரம் என்று 
சிவபெருமானின்
பெயரால் அழைக்கப்பட்டு பின்னாளில் 
திருசிராப்பள்ளி என்னும் திருச்சியிலே
அனைவரும் காணும் வண்ணம் 
இருப்பிடம் கொண்டான் 

வணங்கும் அடியவர்களின் 
உள்ளங்களை எல்லாம்
தன் அன்பால்
ஆட்கொண்டான் 

நினைப்போர் 
நெஞ்சினிலே நிலையாய்  
நின்றருள் செய்கின்றான் 
நிர்மலமான ஞானமும் 
நீடித்த ஆயுளும்கூடிய 
நல்வாழ்வும் தந்து