பாரோர் போற்றும் பரந்தாமனே

பாரோர் போற்றும் பரந்தாமனே 

விண்ணிலிருந்து
மண்ணுக்கு வந்தவா
அவன்தான் கண்ணன் என்ற
காண்போர் மனதையெல்லாம்
கொள்ளை கொண்ட யாதவா

அகந்தை கொண்டு பிறரை
அடிமைகொண்டு துன்புறுத்திய
அசுர குணம் கொண்டவர்களை
கூண்டோடு அழித்தொழித்தவா

அவன் பாதங்களையே
சரண் என்று
அடைந்தோரை
அருகில் நின்று காத்தவா

கொட்டும் மழையை பெய்யவைத்து
ஆயர் குலமக்களை துன்பத்திற்கு
ஆளாக்கிய இந்திரனின் கொட்டத்தை
அடக்க குன்றை குடையாய்
பிடித்து நின்று காத்த  கொற்றவா

கடமை செய் என்னும்
அவன் மந்திரத்தை
சிரமேற்கொண்டு நடந்த
 பக்தனுக்கு அருள் செய்ய
அவன் வீட்டு வாசலில்
கால்கடுக்க நின்ற தூயவா

எட்டெழுத்து மந்திரமானாய்
சிலையாய் மலைமேல் நின்றாய்

கலியுகத்தில் கஷ்டங்களை
போக்கியருளும்  அஷ்டலக்ஷ்மிகள்
வாசம் செய்யும் ஸ்ரீ நிவாசனானாய்

படியேறி வருவோர்க்கு
மிடி தீர்க்கும்
பக்த வத்சலனானாய்

பாரோர் போற்றும் பரந்தாமனே

உன் உருவம் என் நெஞ்சில்
நிலைக்கட்டும் எப்போதும்

உன் நாமம் எக்கணமும்
என் நாவில் ஒலிக்கட்டும்.